ငရဲခွေးကြီး လွတ်နေပြီ

ပုံ – အိုးဝေမဂ္ဂဇင်း စာတည်းအဖွဲ့ (၁၉၃၆)

ပုံ – ကျောင်းသားသမဂ္ဂ အလုပ်အမှုဆောင်များ (၁၉၃၆)

၁၉၃၆ ခုနစ် ဇန္နဝါရီလထုတ် အိုးဝေမဂ္ဂဇင်းမှာ ရေးသားပုံနှိပ်ခဲ့တဲ့ ငရဲခွေးကြီး လွတ်နေပြီ ဆိုတဲ့ ပေးစာတစ်စောင်နဲ့ ပတ်သက်ပြီး မူရင်းရေးသားသူ (ညိုမြ) ရဲ့ နာမည်ကို မဖော်ထုတ်ပေးတဲ့အတွက် ၁၉၃၆ ခုနစ် ဖေဖော်ဝါရီလမှာ ဗိုလ်ချုပ်အောင်ဆန်းနဲ့ အတူ ဦးနုကိုပါ တက္ကသိုလ်ကနေ ထုတ်ပယ်ပစ်လိုက်တယ်။ အိုးဝေမဂ္ဂဇင်းဟာ တက္ကသိုလ် ကျောင်းသား သမဂ္ဂအဖွဲ့က ထုတ်ဝေတဲ့ မဂ္ဂဇင်း တစ်စောင်ဖြစ်တယ်။ နောက်ပြီး ဗိုလ်ချုပ်အောင်ဆန်းဟာ တက္ကသိုလ်ကျောင်းသား သမဂ္ဂအဖွဲ့ရဲ့ အတွင်းရေးမှူးလည်းဖြစ်၊ အိုးဝေမဂ္ဂဇင်းရဲ့ အယ်ဒီတာလည်း ဖြစ်တာကြောင့် သူ့မှာ အဓိက တာဝန်ရှိတယ်ဆိုပြီး သူတို့ကို ကျောင်းထုတ်ပစ်ခဲ့ပါတယ်။ အဲဒီလို ကျောင်းထုတ်ပစ်လိုက်လို့ ဆိုပြီး တက္ကသိုလ်ကျောင်းသားတွေ ဝိုင်းဝန်း ဆန္ဒပြရာက ဒုတိယကျောင်းသား သပိတ်ပေါ်ပေါက်လာတယ်။ အဲဒီလို မြန်မာသမိုင်းမှာ အင်မတန်မှ အရေးပါတဲ့ စာတစ်ပုဒ်ကို ရေးသားခဲ့တဲ့ နဂိုမူအတိုင်း ပြန်လည်ခံစားနိုင်စေဖို့ မျှဝေပေးလိုက်ပါတယ်။ အပျောက်မပျက် ထိန်းသိမ်းထားတဲ့ သဘောလည်း ပါပါတယ်။ အခုခေတ် လူငယ် အများစုဟာ ဒီစာကို ဖတ်ဖူးကြတော့မှာ မဟုတ်ပါဘူး။ အင်္ဂလိပ်လို မူရင်း အရေးအသားနဲ့ မျှဝေပေးလိုက်ပါတယ်။
The Hell-Hound at Large

Escaped from Awizi, a devil in the form of a black dog. Had been during his brief span on earth a base object of universal odium and execration, sentenced to Eternal Damnation for Treachery, Theft, Presumption, Intrigue, Pettifogging, Sadism, Churlishness, Vulgarity, etc. A pimping knave with avuncular pretensions to some cheap wiggling wenches from a well-known Hostel, he was also a hectic popularity-hunter, shamming interest in Games, Concerts, Associations, etc., menacing the public placed with his unwanted presence though generally welcomed everywhere as small-pox. His only distinguishing marks have been the abominable V.D. ulcers on his neck and buboes due to copulation with his own wife.

Will finder please kick him back to Hell?

Yamamin

From: “Oway” or The Voice of Peacock, Voice of the RUSU, Jan. 1936; Vol 5, No. 1, p. 56. Points from Letters.

မြန်မာ့ကျား

ခေါင်းစဉ်ကို ဖတ်ပြီး မြန်မာ့ကျားဆိုလို့ အကောင်ကြီးကြီး အမြီးရှည်ရှည်နဲ့ သတ္တဝါကို ပြေးမြင်မိကြတော့မယ် ထင်တယ်။ ကျနော် ဆိုလိုချင်တာက အကောင်လည်း မကြီးဘူး၊ အမြီးလည်း မပါတဲ့ ကျားပါ။ ကျားကစားနည်းကို ဆိုလိုတာပါ။ ဒါဆို မျက်လုံးထဲ မြင်ပြီထင်တယ်။ အရောင်တစ်ကွက် ပြောင်တစ်ကွက်နဲ့ ကွက်ကြား ဆွဲထား ဘန်းပြားပေါ်မှာ ဇယ်တွေကို တဇောင်းလေး စောင်းငမ်းစောင်းငမ်း ရွှေ့ရတဲ့ ကစားနည်းပေါ့ဗျာ။ ဒီကစားနည်းက အားလုံး သိနေပြီးသားမို့ ဘာတွေများ ထပ်ရေးစရာ လိုပါလိမ့်မလဲလို့ တွေးနေမိလိမ့်မယ်။ ဟုတ်ပါတယ်။ ရေးစရာ မရှိပါဘူး။ အဲ ဒါပေမယ့် ကျနော် ခေါင်းစဉ်တပ်ထားတာ “မြန်မာ့ကျား” တဲ့။ အဓိပ္ပာယ်က မြန်မာ့ရိုးရာ ကျားကစားနည်းကို ဆိုလိုတာပါ။ ကျနော်တို့ အများစုက ခုနပြောတဲ့ စောင်းငမ်းစောင်းငမ်း သွားနေတဲ့ ကျားကို Made in Myanmar ထင်နေကြတာ။ တကယ်တော့ အဲဒါ သွင်းကုန်ကြီးဗျ။ အင်ပို့ လုပ်ထားတာ။ ဒါကြောင့် ကျနော်က ကျနော်တို့ရဲ့ မြန်မာ့ရိုးရာ ကျားကစားနည်းကို နည်းနည်း တင်ပြချင်ပါတယ်။

အပွင့်လင်းဆုံး ဝန်ခံရရင် ကျနော်လည်း ပြည်တွင်းဖြစ် ကျား ရှိမှန်း သိတာ မကြာသေးဘူးဗျ။ တစ်နေ့က စာအုပ်ပြပွဲ ရှိလို့ ကျနော် သွားကြည့်ဖြစ်တယ်။ နှင်းဆီကုန်း ဘိုးဘွားရိပ်သာမှာ လုပ်တာ။ ထုံးစံအတိုင်း စာအုပ်တွေကတော့ သားရေယိုစရာ ချည်းပါပဲဗျာ။ လိုချင်လိုက်တော့ ရှေးဟောင်းစာအုပ်၊ အော်လိုက်တဲ့ ဈေးကလည်း ပြဲလန်နေတာပဲ။ ဈေးတစ်ခါ ပြောလိုက်တိုင်း ကိုင်ထားတဲ့ စာအုပ်ကို လွတ်မကျအောင် မနည်း ဆုတ်ထားရတယ်။ ဒီတော့ ဝယ်မယ်ဆိုတာထက် မြည်းမယ်ဆိုတဲ့ အာသီသက ပိုပြင်းထန်သွားတယ်။ တတ်နိုင်တဲ့ ဈေးရအောင် ဆစ်ကြည့်တယ်။ ရရင် ဝယ်လိုက်တယ်။ မရရင်တော့ ကောက်မြည်းလိုက်တယ်ပေါ့။ မန်းလေးက ထိုးမုန့်တန်းလို မဝယ်ဘဲ အမြည်းစားလို့ရတယ်။ အဟက်။ ဟိုလျှောက်ကြည့် ဒီလျှောက်ကြည့်ရင်းနဲ့ ဦးသိန်းဇံ ပြုစုထားတဲ့ မြန်မာ့ယဉ်ကျေးမှု သုတပဒေသာ ဆိုတဲ့ စာအုပ်ကို သွားတွေ့တယ်။ နည်းနည်း မြည်းကြည့်လိုက်တာနဲ့ လက်က မချချင်တော့ဘူး။ အားပါးပါး ကျနော် ကြားတောင် မကြားဖူးတဲ့ အကြောင်းအရာတွေနဲ့ ကျနော် စနစ်တကျ သိချင်တဲ့ အကြောင်းအရာတွေ ရေးထားတော့ ဝယ်မယ်ဆိုပြီး ဈေးမေးလိုက်တာ ငုတ်တုတ်မေ့သွားတယ်။ အဲဒီအထဲမှာပဲ ကျနော် ကျားကစားနည်းအကြောင်းကို ဖတ်လိုက်ရတယ်။ ဝယ်က ဝယ်ချင်၊ ဈေးက မပေးချင်နဲ့ ဆိုင်ကနေ ထွက်ခဲ့လိုက်တယ်။ တစ်ဆိုင်ဝင် တစ်ဆိုင်ထွက်ရင်း နောက်တစ်နေရာမှာ သွားတွေ့လိုက်တော့ ကြိုက်ဈေး ဆစ်လို့ ရသွားတယ်။ ကျနော် ဒီထက် ပို စိတ်ဝင်စားတဲ့ စာအုပ်က ကျေးလက်ပျော်ရွှင်မှု ဆိုတဲ့ စာအုပ်ပါ။ အဲဒီ စာအုပ်ထဲမှာ ကျေးလက်ကစားနည်းတွေ အကြောင်းကို သုတေသန ပြုထားတယ်။ စာအုပ်ကို တွေ့ပေမယ့် ဈေးအော်လို့ မဝယ်ဖြစ်ခဲ့ပါဘူး။ အဲ … ပြောရင်းနဲ့ ဘယ်ရောက်သွားလဲ မသိဘူး။ အခု ကျနော် တင်ပြချင်တာက ဦးသိန်းဇံ ရေးသားထားတဲ့ မြန်မာ့ယဉ်ကျေးမှု သုတပဒေသာ ဆိုတဲ့ စာအုပ်ထဲကပါ။ စာရေးသူရဲ့ ရည်ရွယ်ချက်ကလည်း မြန်မာပြည်သူတွေ ကိုယ့်ရဲ့ ရိုးရာကျားကစားနည်းကို ရှိလေမှန်းတောင် မသိတော့လို့ ထုတ်ဖော်တင်ပြခြင်း ဖြစ်ပါတယ်တဲ့။ သူရဲ့ ရည်ရွယ်ချက်လေး ပိုပြီး အထမြောက်သွားအောင် ကျနော်ကလည်း ထပ်ပြီး ဖောက်သည်ချလိုက်ပါတယ်။

မြန်မာနိုင်ငံမှာ ဘယ်အချိန်ကတည်းက စပြီး ကျားကစားသလဲ ဆိုတာကို သမိုင်းအထောက်အထားအရ သိရတာက ကျစွာမင်းကြီး လက်ထက်မှာ ဖြစ်ပါတယ်။ သူ့ထက် စောပြီးတော့ မှတ်တမ်းတွေမှာ မတွေ့ရပါဘူး။ မြန်မာ့ရိုးရာ ကျားကစားနည်း စုစုပေါင်း လေးနည်း ရှိပါတယ်။

  1. ရှစ်ကွက်ကျား
  2. လေးကွက်ကျား
  3. သုံးထပ်ကျား နဲ့
  4. လကျား (သုိ့) အိမ်သာကျား တို့ပဲ ဖြစ်ပါတယ်။

ကစားဘန်း အကွက် အရေအတွက် ကွဲပြားသလို၊ ဥပဒေသတွေလည်း ကွဲပြားကြပါတယ်။ ကစားနည်း လေးမျိုးစလုံးဟာ အခုချိန်ဆို ကွယ်ပျောက်သွားပြီလို့ ပြောလို့ရပါတယ်။ အင်မတန်မှ နှမြောစရာ ကောင်းပါတယ်။ ကစားနည်းတွေကို လေ့လာကြည့်မယ်ဆိုရင် လက်ရှိ အများ ကစားနေတဲ့ ကျားကစားနည်းထက် အများကြီး အဆင့်မြင့်တယ်ဆိုတာ တွေ့ရပါလိမ့်မယ်။ ကဲ … ကျနော်တို့ ရှစ်ကွက်ကျားကနေ စ လေ့လာကြည့်ရအောင်ဗျာ။

<<<< ရှစ်ကွက်ကျား >>>>

ကျားဘန်း ဖွဲ့စည်းပုံ
နာမည်နဲ့ လိုက်အောင်ပဲ အလျားရှစ်ကွက် အနံရှစ်ကွက် ရှိတဲ့ အကွက်တွေနဲ့ ဖွဲ့စည်းထားတဲ့ ကျားဘန်းကို သုံးပြီး ဆော့ရပါတယ်။ ပုံမှန် ကစားနေတဲ့ ကျားဘန်းက အကွက်ရေ အတူတူပါပဲ။ ထူးတာက ရှစ်ကွက်ကျားမှာ တစ်ကွက်ခြားဆီ အရောင်ခြယ်စရာ မလိုပါဘူး။

ဇယ်များ နေရာချခြင်း
အကွက်အရေအတွက် တူပေမယ့် ကျား နေရာချပုံတော့ မတူပါဘူး။ စာဖတ်သူအားလုံး ပုံမှန် ကျားကစားနည်းနဲ့ ရင်းနှီးပြီးသားလို့ ယူဆမိလို့ အဲဒီနည်းနဲ့ နှိုင်းယှဉ်ပြီး ပြောသွားပါ့မယ်။ အဖြူအမဲ ကျားနှစ်ရောင် ရှိတယ် ဆိုပါစို့။ ကျနော် သိပြီးသား နည်းနဲ့ဆို ကျားကို တစ်ကွက်ခြားစီ သုံးတန်း ချရပါတယ်။ စုစုပေါင်း ကျား (၁၂) ကောင်ပေါ့။ အခု ရှစ်ကွက်ကျားက အဲလို မဟုတ်ဘူးဗျ။ စုစုပေါင်း (၁၈) ကောင် ရှိပါတယ်။ ပထမဆုံးတန်းမှာ ရှစ်ကွက်စလုံး ကျားတစ်ကောင်စီ ချရတယ်။ ဒုတိယတန်းလည်း ရှစ်ကောင်။ တတိယတန်းကျ ဘယ်ဘက် အစွန်းဆုံး အကွက်နဲ့ ညာဘက် အစွန်ဆုံး အကွက် နှစ်ကွက်ပဲမို့ နှစ်ကောင်။ တစ်ဘက်ဆီကို ကျား စုစုပေါင်း (၁၈) ကောင်စီနဲ့ ဆော့ရပါတယ်။ ပြောတာ မရှင်းရင် ပုံမှာ ကြည့်ကြည့်ပါ။

ဇယ်အကွက်ရွှေ့ပုံ
ကျနော်တို့ မြင်နေကျ ကစားနည်းက ကျားတွေကို ရွှေ့ချင်ရင် တစ်ဇောင်း သွားရပါတယ်။ ကျားတစ်ကောင်ရဲ့ သွားနိုင်တဲ့ ဦးတည်ရာက နှစ်ဖက်ပဲ ရှိပါတယ်။ ဘာလို့လဲဆို နောက်ပြန်ဆုတ်လို့ မရလို့ပါ။ ရှစ်ကွက်ကျားမှာတော့ အတော်လေး ပုံစံကွဲသွားပါတယ်။ တဇောင်းသွားလို့ မရတော့ဘဲ တည့်တည့်ပဲ သွားရပါမယ်။ နောက်ပြန်သွားလို့ ရတာကြောင့် ဦးတည်ရာက စုစုပေါင်း လေးဖက် ရှိပါတယ်။ ဘယ်၊ ညာ၊ အထက်၊ အောက် ကြိုက်သလို သွားလို့ရတဲ့အပြင် မြင်ဖူးနေကျ ကစားနည်းလို တစ်ကွက်ချင်း ရွေ့ရတာ မဟုတ်ဘဲ လိုအပ်ရင် သုံးလေးငါးကွက် ရွှေ့ပိုင်ခွင့် ရှိပါတယ်။ ဒါပေမယ့် အရှေ့မှာ အတားအဆီး မရှိရင်ပေါ့။ လွတ်နေတဲ့ အကွက်အထိ ရွှေ့နိုင်ပါတယ်။ ပုံမှာ ကြည့်ကြည့်ပါ။ အနီဘက်က စ ကစားမယ် ဆိုပါစို့။ ပထမဆုံး အနေနဲ့ အနီဘက်က C1 က ကျားဟာ E1 ဆီ နှစ်ကွက် ရွှေ့လိုက်တယ်။ ဒုတိယအနေနဲ့ အနက်ကလည်း F8 ကနေ D8 ဆီ နှစ်ကွက် လိုက်ရွှေ့တယ်။ တတိယအနေနဲ့ အနီက E1 ကနေ E8 ဆီ ညာဘက် ရှစ်ကွက် ရွှေ့လိုက်တယ်။

အကောင်စားခြင်း
အရင် ကစားနည်းက တစ်ဖက်က ကျားကို စားတော့မယ် ဆိုရင် ကျားတစ်ကောင် ခုန်အုပ်သလို စားရပါတယ်။ တစ်ဖက်လူ ကျားရဲ့ တစ်ကွက်ကျော်မှာ နေရာလွတ်ရှိရင် စားပိုင်ခွင့် ရှိတယ်။ ရှစ်ကွက်ကျားမှာတော့ ကျားစားနည်း နှစ်မျိုး ရှိပါတယ်။ တစ်မျိုးက ညှပ်စားနည်း နဲ့ နောက်တစ်မျိုးက ထိုးစားနည်းပါ။ ညှပ်စားနည်း ဆိုတဲ့ နာမည်အတိုင်းပဲ ကိုယ့်ကျားနှစ်ကောင်နဲ့ ညှပ်ပြီး စားရပါတယ်။ ထိုးစားနည်းကတော့ တစ်ဖက်လူရဲ့ ကျားနှစ်ကောင်ကြားထဲ ထိုးဝင်ပြီး စားလိုက်တာပါ။ အထက်က ပုံကို ကြည့်ကြည့်ပါ။ တတိယ ရွှေ့တဲ့အလှည့်မှာ အနီက E1 ကနေ E8 ကို ရွှေ့လိုက်တဲ့အတွက် D8 မှာ ရှိတဲ့ အနက်ကျားဟာ E8 ကျားနဲ့ C8 အနီကျားနှစ်ကောင်ရဲ့ အညှပ်ကို ခံလိုက်ရတာကြောင့် D8 ကျား သေပါတယ်။ သဘောက E8 ကျားနီက C8 ကျားနီရဲ့ အကူအညီနဲ့ D8 ကျားနက်ကို စားလိုက်တယ်။ အဲဒါကို ညှပ်စားနည်းလို့ ခေါ်ပါတယ်။

ထိုးစားနည်းကို နားလည်နိုင်ဖို့ အထက်က ပုံကို ကြည့်ကြည့်ပါဦး။ တကယ်လို့ ကျားနက်ဟာ G5 ကနေ B5 နေရာကို ရွှေ့လိုက်မယ်ဆိုရင် B4 ကျားနဲ့ B6 ကျား နှစ်ကောင်လုံး သေပါတယ်။ အဲဒါကို ထိုးစားတယ်လို့ ခေါ်ပါတယ်။ အဲဒီမှာ သတိပြုစရာ ရှိလာပါတယ်။ လက်ရှိအခြေအနေအရ xxxxox-x ဖြစ်နေလို့ o ရဲ့ ဘေးနှစ်ဘက် x နှစ်ကောင် အစားခံရတယ်။ တကယ်လို့ xxxoxx-x ဖြစ်နေရင်တော့ o ရဲ့ ဘယ်ဘက်က x နှစ်ကောင်နဲ့ ညာဘက်က x နှစ်ကောင်၊ စုစုပေါင်း လေးကောင် အစားခံရမယ်။ နောက် အခြေအနေတစ်ခုက xxxoxxxx ဆိုရင်တော့ ဘယ်ဘက်သုံးကောင်နဲ့ ညာဘက်သုံးကောင် စုစုပေါင်း ခြောက်ကောင် အစားခံရမယ်ဗျ။ တစ်ခု သတိထားရမှာက ကြားမှာ ကွက်လပ် ခြားနေရင် စားလို့ မရပါဘူး။ နောက်တစ်ခုက ထောင့်ကပ်နေတဲ့ အကောင်တွေကို ဘယ်လိုနည်းနဲ့မှ စားလို့ မရပါဘူး။

ပုံမှန်မြင်နေကျ ကျားကစားနည်းမှာ နှစ်ကောင်ရိုက်၊ သုံးကောင်ရိုက်၊ လေးကောင်ရိုက်တွေ ရှိသလို ရှစ်ကွက်ကျားမှာလည်း အစုလိုက် အပြုံလိုက် စားလို့ရပါတယ်။ ထူးခြားတာတစ်ခုက ရှစ်ကွက်ကျားက ရန်သူကျားတွေ ကပ်နေမှ စားလို့ရပြီး မြင်နေကျ ကစားနည်းကတော့ တစ်ကွက်စီခြားနေမှ စားလို့ရတာပါ။

အောင်ပွဲခံခြင်း
ထုံးစံအတိုင်း ကျားကုန်သွားရင် မကုန်တဲ့ဘက်က အနိုင်ရတာပေါ့။ ဒါတော့ အတူတူပါပဲ။ နောက်တစ်ခုက ကိုယ့်ကျားတွေ တစ်ခုမှ လှုပ်လို့ မရတော့ရင်လည်း ရှုံးပါတယ်။

ကဲ … ကစားနည်း ဥပဒေကတော့ ဒါပဲဗျ။ အကောင်စားရတဲ့ ပုံစံ ဆန်းပြားတော့ အတော်လေး ပညာသားပါတယ်။ တရုတ်ကျားကစားနည်း တစ်မျိုး ဖြစ်တဲ့ ဝေချီ (GO) နဲ့ သွားဆင်ပါတယ်။ ဝေချီကလည်း ရန်သူကို စစ်တိုက်သလို ညှပ်ပူညှပ်ပိတ် ဖမ်းပြီး စားရတာပါ။ ကျနော်တို့ ကစားရိုး ကျားနဲ့ မတူတာက ရှစ်ကွက်ကျားမှာ ကင်းမရှိပါဘူး။ ကျားတစ်ကောင်ချင်းစီရဲ့ Rank အဆင့်အတန်းက အတူတူပါပဲ။ တဖက်က ညှပ်စားဖို့ ပြင်နေတဲ့ အကွက်ကို တန်ပြန်တိုက်စစ် ဆင်တဲ့အနေနဲ့ ထိုးစားပစ်လိုက်လို့ ရနေပါတယ်။ အပြန်အလှန် အနေနဲ့ ထိုးစားမယ့် စိတ်ကူးကို ညှပ်စားပြီး ဖျက်လို့ ရနေတော့ ဘတပြန် ကျားတပြန် တိုက်ခိုက်လို့ ရသလို ဖြစ်နေတယ်။ ဒါကြောင့် တစ်ဖက်လူ မခန့်မှန်းနိုင်တဲ့ တိုက်စစ်တွေနဲ့ ပုံစံချတတ်မှ အန္တရာယ်ကင်းတဲ့ ကစားကွက် ဖြစ်ပါလိမ့်မယ်။ အင်း ရေးရင်းနဲ့ ကစားချင်လာပြီ။ ကဲ ဗျာ။ စာဖတ်သူလည်း ကစားတတ်သွားပြီ ဆိုရင် ကျနော်တို့ တစ်ပွဲတစ်လမ်းလောက် ဆွဲလိုက်ကြရအောင်လား။

ဟိုးတစ်ခေတ်က ကြေးနန်းရုံများ

၁၉ ရာစု ဝင်လာတယ် ဆိုတာနဲ့ ကမ္ဘာအရပ်ရပ်မှာ သိပ္ပံပညာဟာ အံ့မခန်း တိုးတက်လာလိုက်တာ အရှိန်က အခုထိ မသေသေးပါဘူး။ အထူးသဖြင့်တော့ အနောက်နိုင်ငံမှာပေါ့။ အဲဒီအထဲမှာ အံ့သြစရာ အကောင်းဆုံးနဲ့ လူဆိုတဲ့ ဂုဏ်ဒြပ်ကို ဆွဲတင်ပေးနိုင်ခဲ့တဲ့ တီထွင်မှုကတော့ ဆက်သွယ်ရေးပိုင်းပေါ့။ ဆက်သွယ်ရေးတွေ တဖြည်းဖြည်း ကောင်းလာလို့ သိပ္ပံပညာရဲ့ ကျက်စားရာကလည်း အနောက်နိုင်ငံကနေ ဘက်ပေါင်းစုံကို ပျံ့နှံ့ပြီး ပညာရေးစီးမှာ မျှောလိုက်နေကြတယ်။ တစ်နေရာဆီက တီထွင်မှုဟာ တခြားတစ်နေရာကို အချိန်တိုလေးအတွင်းမှာ ရောက်နိုင်ခဲ့လို့ တီထွင်မှုရဲ့ အကျိုးရလဒ်ကို တစ်ကမ္ဘာလုံးနီးပါး ခံစားကြရတယ်။ ဆက်သွယ်ရေး ကောင်းတာနဲ့အမျှ စီးပွားရေးမှာလည်း သွက်လက်မြန်ဆန်တဲ့ ရောင်းဝယ် ဖောက်ကားမှုတွေနဲ့အတူ ငွေကြေးလည်ပတ်မှုက ကမ္ဘာနိုင်ငံ အသီးသီးကို ဖြတ်သန်းစီးဆင်း နိုင်လာတယ်။ နိုင်ငံ အုပ်ချုပ်ရေးအပိုင်းက ကြည့်ရင်လည်း သတင်းအချက်အလက် သွက်လပ်မှုရဲ့ အသီးအပွင့်တွေကြောင့် အချိန်နဲ့လုပြီး အရေးကြီးတဲ့ ဆုံးဖြတ်ချက်တွေ ချနိုင်လာတယ်။ ဒါတွေကို ကျနော် မြင်သလို ၁၈၇၀ ခုနစ်လောက် ကတည်းက မြန်မာနိုင်ငံက ကနောင်မင်းသားနဲ့ ယောအတွင်းဝန် ဦးဘိုးလှိုင် ခေါင်းဆောင်တဲ့ သိပ္ပံပညာရှင် အဖွဲ့က မမြင်ဘဲကို မနေပါဘူး။ ဒါကြောင့်လည်း ၁၈၇၇ ခုနစ်အထိ စာရင်းအရ မြို့ကြီး အသီးသီးမှာ ဆောက်လုပ်ထားတဲ့ ကြေးနန်းရုံပေါင်း (၁၇) ရုံထက် မနည်း ရှိနေပါတယ်။ အတိအကျ မပြောနိုင်တဲ့ အကြောင်းအရင်းကို အောက်မှာ ရှင်းပြပေးပါ့မယ်။ အဲဒီခေတ် အဲဒီအခါမှ ကမ္ဘာမှာ ခေတ်အမှီဆုံး ဆက်သွယ်ရေး ကိရိယာက ကြေးနန်းပဲလေ။ အဲဒီခေတ်က မြန်မာတွေ ဘယ်လောက် ခေတ်မီသလဲဆိုတာ သိနိုင်ဖို့ ကမ္ဘာ့ကြေးနန်းသမိုင်းကို ပြန်လှန်ကြည့်ရင် ပိုသိသာနိုင်ပါတယ်။ အကျဉ်းချုပ်လေး တင်ပြပါရစေ။

၁၈၀၉ ခုနစ်မှာ Samuel Thomas von Sömmering ဆိုတဲ့ လူဟာ ပထမဆုံး ကြေးနန်းကိရိယာကို တီထွင်ခဲ့ပါတယ်။ အဲဒီ ကြေးနန်းစက်က ဓါတုပစ္စည်းတွေ အသုံးပြုတဲ့ စက်မျိုးဖြစ်တယ်။
၁၈၃၂ ခုနစ်မှာ Baron Schilling ဟာ သံလိုက်စက်ကွင်းသုံး ကြေးနန်းကိရိယာကို တီထွင်ခဲ့တယ်။
၁၈၃၃ ခုနစ် Göttingen မြို့မှာ လက်တွေ့ အသုံးပြုနိုင်တဲ့ ကြေးနန်းကိရိယာကို Carl Friedrich Gauss နဲ့ Wilhelm Weber က တီထွင်ခဲ့တယ်။
၉ ဧပြီ ၁၈၃၉ ခုနစ်မှာ ကြေးနန်းရုံတွေကို စီးပွားဖြစ် မြို့တွေ ဆက်သွယ်ပြီး ပထမဆုံး အသုံးပြုနိုင်တယ်။ UK ရဲ့ Paddington ဘူတာကနေ West Drayton မြို့အထိ စုစုပေါင်း ၁၃ မိုင် အကွာအဝေးကို Sir William Fothergill Cooke က ကြေးနန်းသွယ်တန်း ပေးခဲ့တယ်။
၁၈၃၇ ခုနစ် အမေရိကန်နိုင်ငံမှာလည်း Samuel F. B. Morse က သူ့ဖာသာ သီးခြား ကြေးနန်းကိရိယာကို တီထွင်ခဲ့တယ်။
၂၄ မေ ၁၈၄၄ ခုနစ်မှာ အမေရိကားရဲ့ ပထမဆုံး ကြေးနန်းစာကို Morse က ပို့နိုင်ခဲ့တယ်။
၁၈ ဂျူလိုင် ၁၈၆၆ ခုနစ်မှာ ပထမဆုံးအနေနဲ့ အတ္တလန္တိတ်သမုဒ္ဒရာကို ဖြတ်ပြီး ကြေးနန်း သွယ်တန်းနိုင်ခဲ့တယ်။
၁၈၇၀ ခုနစ်မှာ UK ကနေ အိန္ဒိယနိုင်ငံကို ကြေးနန်းသွယ်တန်းနိုင်တယ်။ အဲဒီအချိန်မှာ အိန္ဒိယဟာ အင်္ဂလိပ်ရဲ့ ကိုလိုနီနိုင်ငံ ဖြစ်နေပါပြီ။
၁၈၇၀ ခုနစ်မှာပဲ ဥရောပကနေ တရုတ်၊ ဟောင်ကောင် နဲ့ ဂျပန်အထိကို ကြေးနန်းလိုင်း ဆက်သွယ်ပါတယ်။
အောက်တိုဘာ ၁၈၇၂ ခုနစ်မှာ သြစတေးလျနိုင်ငံကို ကြေးနန်း သွယ်တန်းနိုင်ခဲ့တယ်။
၁၉၀၂ ခုနစ်မှာ ပစိဖိတ်သမုဒ္ဒရာကို ဖြတ်ပြီး သွယ်နိုင်ခဲ့တာကြောင့် ကြေးနန်းဆက်သွယ်ရေးဟာ ကမ္ဘာတစ်ပတ် သွယ်နိုင်သွားပါတယ်။
၁၈၅၀ ခုနစ် စာရင်းအရ အနောက်နိုင်ငံမှာ ကြေးနန်းသွယ်တန်း စရိတ်က ကြေးနန်းရုံ တစ်ရုံစာကို ဒေါ်လာ ၄၀၀၀၀၀ (လေးသိန်း) ကျပြီး ကြေးနန်းကြိုးအတွက်က တစ်မိုင်ကို ဒေါ်လာ ၆၀၀ (ခြောက်ရာ) ပေးရတယ်။
ကဲ … ဒီလောက်ဆို ကမ္ဘာအရပ်ရပ်က ခေတ်ပြိုင်အခြေအနေကို အကျဉ်းလောက် သိရောပေါ့။ ဒါဆို ကျနော်တို့ ခေတ်မီခဲ့ဖူးတဲ့ မြန်မာနိုင်ငံရဲ့ အခြေအနေကို ပြန်ပြောင်း အောက်မေ့ကြည့်ရအောင်။

၁၈၇၀ ခုနစ် နှစ်ဦးပိုင်းမှာ မြန်မာနိုင်ငံဟာ ကြေးနန်းလိုင်းတွေကို စတင်ပြီး သွယ်တန်းနေပါပြီ။ အဲဒီ အချိန်မှာပဲ အာရှရဲ့ အင်အားကြီး နိုင်ငံတွေ ဖြစ်တဲ့ ဂျပန်၊ တရုတ်နဲ့ အိန္ဒိယ နိုင်ငံတွေကို ဥရောပနဲ့ ကြေးနန်းသွယ် နေတာကို နှိုင်းယှဉ်ကြည့်ရင် မြန်မာတွေဟာ သိပ္ပံအမြင်နဲ့ ပညာမှာ ခေတ်နဲ့အညီ သွားနေတယ်လို့ ပြောနိုင်ပါတယ်။ ပြန်ကောက်ကြဦးစို့။ အဲဒီလို ကြေးနန်းသွယ်တန်းတဲ့ နေရာ၊ အခြေအနေ နဲ့ ကြေးနန်းရုံတွေရဲ့ အနေအထားတွေကို သက်ဆိုင်ရာ အရာရှိတွေက ပုရပိုက်တွေနဲ့ ရေးသား လျှောက်တင်ရတယ်။ စာရင်းအရ အစိုးရနဲ့ ဆိုင်တဲ့ ကြေးနန်းပုရပိုက် အဆူပေါင်း ၇၅ ဆူနဲ့ အရပ်သားနဲ့ ဆိုင်တဲ့ ကြေးနန်းပုရပိုက် အဆူပေါင်း ၅၁ ဆူ ရှိကြောင်း သိရပါတယ်။ ကျနော် အနေနဲ့ ရှိသမျှ ပုရပိုက်တွေ အကုန်လုံးကို ဖတ်ရလို့ ဖတ်ဖူးလို့ ဒီစာကို ရေးတာ မဟုတ်ပါဘူး။ ဒေါက်တာ မျိုးသန့်တင် ရေးတဲ့ ရှေးခေတ် မြန်မာသိပ္ပံကျမ်းများ ဆိုတဲ့ စာအုပ်မှာ ကြေးနန်းပုရပိုက် တစ်ဆူအကြောင်း ပါလို့ ဖတ်ရင်း “အော် … ငါတို့ မြန်မာတွေ အတော်လေး ခေတ်မီခဲ့တာပဲ” လို့ တွေးမိတာကြောင့် မျှဝေလိုက်တာပါ။ ဆရာရေးတဲ့ ဆောင်းပါးထဲမှာ ပုရပိုက် နှစ်ဆူ အကြောင်းပဲ ပါပါတယ်။ အဲဒီ နှစ်ဆူတည်းပဲ သိရရုံနဲ့တင် အတော်လေး အားရမိပြီး ကုန်းဘောင်ခေတ်က ပြည်သူတွေအစား ဂုဏ်ယူမိလိုက်တယ်။ ကျနော် ဖတ်ထားရသလောက် ဖောက်သည်ချပါရစေ။

အင်းဝမြို့ ကြေးနန်းရုံပြပုံ နှင့် တောင်တွင်းကြီး လမ်းခွဲပြ ပုရပိုက်ပုံ
ပုရပိုက် နှစ်ဆူအရ ကြေးနန်လိုင်း လေးလိုင်းကို သိမှတ်လိုက်ရတယ်။ တစ်လိုင်းက မန္တလေးနန်းတော် အတွင်းကနေ ဒဂုန်မော်အထိ သွယ်တန်းထားပါတယ်။ စုစုပေါင်း ကြေးနန်းရုံပေါင်း ၉ ရုံနဲ့ အကွာအဝေး တာပေါင်း ၁၀၃၃၄၅ (၂၁၁.၂ မိုင်ကျော်) ရှိပါတယ်။ လမ်းတစ်လျှောက် ကြေးနန်းရုံ ရှိတဲ့ မြို့တွေကို အစီအစဉ်လိုက် တင်ပြရရင်

  1. မန္တလေးနန်းတွင်းမှာ တစ်ရုံ၊
  2. မန္တလေးမြို့တွင်းမှာ တစ်ရုံ၊
  3. သပြေတန်းခံတပ်အနီးမှာ တစ်ရုံ၊
  4. အင်းဝမှာ တစ်ရုံ၊
  5. မြင်းခြံမှာ တစ်ရုံ၊
  6. ပုဂံမှာ တစ်ရုံ၊
  7. ရေနံချောင်းမှာ တစ်ရုံ၊
  8. တိုင်ပျောက်မှာ တစ်ရုံ၊
  9. ဒဂုန်မော်မှာ တစ်ရုံ

ရှေးရှေးက ကြေးနန်းရုံကို ကြေးနန်းဓါတ်ရုံလို့ သုံးနှုန်းပါတယ်။ မန်း-ဒဂုန်မော် လိုင်းကို ဖောက်တော့ မြစ်ချောင်းပေါင်း (၂၀) ကို ကျော်လွှား ဖောက်လုပ်ရတယ်လို့ မှတ်တမ်း တင်ထားပါတယ်။

နောက်ပြီး တိုင်ပျောက် ဓါတ်ရုံကနေ တောင်တွင်းကြီး ဘက်ကို လမ်းခွဲပြီး ကြေးနန်းလိုင်း တစ်လိုင်း ရှိသေးကြောင်း မြေပုံအရ သိရပေမယ့် တောင်တွင်းကြီးကြားက ဘယ်မြို့တွေမှာ ကြေးနန်းရုံတွေ ရှိသလဲ ဆိုတဲ့ စာရင်းအထောက်အထား မတွေ့ရသေးပါဘူး။ လွန်ခဲ့တဲ့ နှစ် ၁၄၀ လောက်က အခြေအနေနဲ့ မိုင် ၂၀၀ ကျော် ခရီးကို မြစ်ချောင်း (၂၀) ဖြတ်ပြီး ကြေးနန်းလိုင်း သွယ်ဖို့ ဆိုတာ ဘယ် လွယ်လိမ့်မလဲ။ နောက်ပြီး အဲဒီ ခေတ်မှာ နာမည်ကြီးတဲ့ ခံတပ်ရွာဖြစ်တဲ့ သပြေတန်းခံတပ် ကို ကြေးနန်းသွယ်ထားသလို ဂွေးချောင်းခံတပ်ကိုလည်း ကြေးနန်းသွယ်ထားကြောင်း ပုရပိုက် တစ်ဆူအရ သိရပါတယ်။ ပိုပြီး အံ့သြ ချီးကျူးဖို့ ကောင်းတာက အဲဒီ ဂွေးချောင်း ခံတပ်ကို မင်းလှဓါတ်ရုံကနေ သွယ်ထားပြီး ရေအောက် ကြေးနန်းကြိုးနဲ့ သွယ်ထားတယ်လို့ သိရတော့ ခေတ်မီလိုက်လေခြင်း လို့ မပြောဘဲကို မနေနိုင်တော့ပါဘူး။

နောက် ချီးကျူးဖို့ ကောင်းတာ ရှိပါသေးတယ်။ တောအထပ်ထပ် တောင်အထပ်ထပ်ကို ဖြတ်ကျော်ပြီး ရှမ်းပြည်နယ် မိုးနဲမြို့ နဲ့ မိုးဗြဲမြို့ ကို သွယ်ထားတဲ့ လိုင်းကို တွေ့လိုက်ရတော့ နောက်တချီ သြချလိုက်မိတယ်။ ပုရပိုက် အထောက်အထားအရ ကျောက်ဆည်မြို့ကနေ စပြီး မိုးနဲ မြို့အထိက တစ်လိုင်း၊ ကြားမြို့ ကျောက်ထပ်ကနေ လမ်းခွဲပြီး မိုးဗြဲမြို့ အထိက နောက်တစ်လိုင်း၊ နှစ်လိုင်းပေါင်း တာ ၁၀၀၆၇၀ (၂၀၅ မိုင်ကျော်) အကွာအဝေးကို သွယ်တန်းထားတယ်။ ဒီလိုင်း နှစ်ကြောင်းပေါ်မှာ ဓါတ်ရုံပေါင်း (၈) ရုံနဲ့ လမ်းမှာ ထောင်တဲ့ တိုင်ပေါင်း ၆၈၀၀ ရှိပါတယ်။

  1. ကျောက်ဆည်မှာ တစ်ရုံ၊
  2. ရွာငံမှာ တစ်ရုံ၊
  3. ကျောက်ထပ်မှာ တစ်ရုံ၊
  4. ညောင်ရွှေမှာ တစ်ရုံ၊
  5. နောင်မွန်မှာ တစ်ရုံ၊
  6. မိုးနဲမှာ တစ်ရုံ။

ကျောက်ထပ်ကနေ လမ်းခွဲပြီး

  1. ကြံ့ကုန်မှာ တစ်ရုံ
  2. မိုးဗြဲမှာ တစ်ရုံ

အထက်က ပြထားတဲ့ ရှမ်းပြည်နယ်ရောက် ကြေးနန်းလိုင်းဟာ ၁၈၇၇ ခုနစ်မှာ အပြီးသတ် သွယ်တန်းပြီးပြီ ဆိုတာ သိရပါတယ်။ သမိုင်းနောက်ခံအရ ပြန်ကြည့်ရမယ်ဆိုရင် မြန်မာပြည်ရဲ့ ထက်ဝက်ဖြစ်တဲ့ အောက်မြန်မာပြည်ကို ပိုင်ဆိုင်ပြီး ဖြစ်တဲ့ အင်္ဂလိပ်ရန်ဟာလည်း နေ့အလား ညအလား အန္တရာယ် ကျရောက်နိုင်ပါတယ်။ အဲဒီအချိန်မှာ မြန်မာပြည်နဲ့ ခေတ်ပြိုင် အင်အားတောင့်တင်းတာ ဆိုလို့ ရှမ်းပြည်ပဲ ရှိပါတယ်။ ရှမ်းစော်ဘွားတွေပေါ့။ အဲဒီအချိန်က ရှမ်းစော်ဘွားတွေက မြန်မာပြည်ကို မဟာမိတ်အနေနဲ့ ဆက်ဆံနေတဲ့ အစိုးရ အသေးစားလေးတွေပါ။ အခြေအနေအရ သိသင့်တဲ့ သတင်းတွေကို အချိန်နဲ့ တပြေးညီ သိနိုင်အောင်လို့ ရှမ်းပြည်မြို့တွေနဲ့ ကြေးနန်း သွယ်တန်း ထားတယ်လို့ ယူဆရပါတယ်။ ဒါမှ အရေးကြုံလာရင် အပြန်အလှန် ထောက်ပံ့လို့ရမယ်လေ။ ရှမ်းပြည်အနေနဲ့ ကြေးနန်း သွယ်တန်းခွင့် ပြုခြင်းကလည်း မြန်မာဘုရင်သာ အင်္ဂလိပ်ကို လက်နက်ချလိုက်ရရင် သူ့အနေနဲ့ ဘယ်လိုမှ တောင့်မခံနိုင်ဘူးဆိုတာ သိထားပြီး ဖြစ်လို့ နေပါလိမ့်မယ်။

၁၈၇၇ ခုနစ်လောက်မှာ ဒီ ကြေးနန်းလိုင်း လေးလိုင်းထက်မက ရှိနေမယ်လို့ ကျနော် ယုံကြည်ပါတယ်။ ဘာလို့လဲဆိုတော့ မြန်မာနိုင်ငံရဲ့ ဆန်အိုးကြီးတွေကို တင်စားရတဲ့ မြစ်ကြီးနား-ဗန်းမော် နယ်နဲ့ ရွှေဘို-မုံရွာ-ဒီပဲယင်း နယ်တွေ မပါသေးလို့ပါ။ နောက်ပြီး အဲဒီခေတ်ကတည်းက ပြည်တန်တဲ့ ကျောက်မျက်တွေ တဖြိုင်ဖြိုင် ထွက်နေတဲ့ မိုးကုတ်နယ်ကိုလည်း သွယ်တန်းလိမ့်မယ်လို့ ယူဆမိပါတယ်။ အုပ်ချုပ်ရေးပိုင်းအရ ကြည့်မယ်ဆိုရင် ကြေးနန်းရုံ တစ်ရုံစီမှာ အုပ်ချုပ်ဖို့ တစ်ယောက်စီ ထားထားတာ တွေ့ရပါတယ်။ နောက်ပြီး လမ်းပိုင်း တစ်ပိုင်းစီအတွက် ထိန်းသိမ်း စောင့်ရှောက်ဖို့ လူတွေ အသီးသီး ခန့်ထားတဲ့ အထောက်အထားလည်း တွေ့ရပါတယ်။ လမ်းက တိုင်တွေ ယိမ်းယိုင်လို့ ပြုပြင်ဖို့ အစီရင်ခံတဲ့ ပုရပိုက်တွေ တွေ့ရပါတယ်။ သဘောအရဆို ကြေးနန်းလိုင်း လမ်းကြောင်းတလျှောက် အမြဲ စောင့်ကြည့်နေတဲ့ လူတွေလည်း ရှိဖို့ လိုတာပေါ့။ ကြေးနန်းကြိုး သွယ်တန်းနိုင်ဖို့ တိုင်ထောင်တဲ့ နေရာမှာလည်း ကျွန်းတိုင်ကို မြေကြီးမှာ ခိုင်မြဲအောင် တွင်းတူးပြီး အင်္ဂတေမန်တာ သိရတော့ ရေရည်အတွက် စနစ်တကျ လုပ်တတ်ကြောင်း သိရပါတယ်။ တိုင်တစ်တိုင်အတွက် အဖိုးအခကလည်း မသေးလောက်ဘူး။ ကျနော် ဟိုအပေါ်က ဖော်ပြထားတဲ့ စရိတ်တွေနဲ့ တွက်ချက်ကြည့်မယ်ဆိုရင် ကြေးနန်းအတွက် ကုန်ကျမယ့် စရိတ်က အတော်လေး မသေးပါဘူး။ နောက်ပြီး ထိန်းသိမ်းစရိတ်လည်း မသေးလောက်ဘူး။ ဒါကို အကုန်အကျခံပြီး အမြော်အမြင် ရှိရှိ အကောင်အထည်ဖော်ခဲ့တဲ့ ကနောင်မင်းသားကြီးနဲ့ ယောအတွင်းဝန် ဦးဘိုးလှိုင်ကို မလေးစားဘဲကို မနေနိုင်လောက်အောင် ဖြစ်မိပါတယ်။

စနည်းနာခြင်း

စနည်း / စနီး၊ စနဲ / နာမ် – ရှေ့ပြေးနိမိတ်အနေဖြင့် ကြားရသောအသံ။
စနည်းနာ / စနဲနာ / ကြိယာ – လူအများ ပြောသံဆိုသံကို ထောက်လှမ်းသည်။

ဒါ မြန်မာစာဌာနက ထုတ်တဲ့ မြန်မာအဘိဓာန်မှာ ဖော်ပြထားချက်ပါ။ ကျနော်တို့ စနည်းနာတယ်လို့ သုံးလေ့ရှိတယ်။ မလုပ်ခင် ထောက်လှမ်းတယ်လို့ ကျနော်တို့ နားလည်ထားကြတယ်။ အဓိပ္ပာယ်ကို ပိုပြီး ရှင်းလင်း နားလည်ချင်တာနဲ့ အဘိဓာန်စာအုပ်ကို လှန်ပြီး ဖတ်ကြည့်မိတယ်။ အဲဒီစာအုပ်နဲ့ အတူ တခြား စာအုပ်တစ်အုပ်ကိုလည်း သွားသတိရမိတယ်။ စနည်းနာခြင်းနဲ့ ပတ်သက်တဲ့ အချက်အလက်တွေ တင်ပြထားတဲ့ သမိုင်းစာအုပ်ပါ။ စနည်းနာတာနဲ့ သမိုင်းနဲ့ ဘာပတ်သက်သလဲလို့ တွေးမိပါလိမ့်မယ်။ ဘယ်လို ပတ်သက်သလဲ ဆိုတာသိရအောင် ဆက်ဖတ်ကြည့်စေချင်တယ်။ အခု တင်ပြမယ့် စိတ်ဝင်စားစရာ အချက်အလက်တွေကို အဓိကအားဖြင့် ဆရာ ဒေါက်တာသန်းထွန်း ရေးတဲ့ မြန်မာထွေထွေရာရာသမိုင်း ဆိုတဲ့ စာအုပ်ထဲက မြန်မာသမိုင်းတွင် လောကီပညာ အရေးပါပုံ (စာ – ၄၈) စာတမ်းမှ ညွှန်းဆိုလိုပါတယ်။

ကျနော်တို့ မြန်မာနိုင်ငံကို အုပ်ချုပ် မင်းလုပ်ခဲ့တဲ့ ခေတ်အဆက်ဆက်က ရှင်ဘုရင်တွေဟာ တိုင်းပြည်အုပ်ချုပ်တဲ့ အခါမှာ ဘယ်သူမှ (လို့ ပြောလို့ရပါတယ်) လောကီပညာနဲ့ မလွတ်ကင်းကြပါဘူး။ မှော်ပညာလို့ အလွယ်တကူ ခေါ်တဲ့ မြန်မာတွေရဲ့ လောကီပညာဆိုတာ အင်း၊ အိုင်၊ ခလဲ့၊ လက်ဖွဲ့၊ ဂါထာ၊ မန္တန်၊ ပီယ၊ ဗေဒင်ယတြာဆိုတာတွေ အားလုံး ပါပါတယ်။ ရန်သူ (သို့) အချစ်မနှစ်သက်သူရဲ့ ရန်ကို အကာအကွယ်ယူဖို့ အင်း၊ အိုင်၊ ခလဲ့၊ လက်ဖွဲ့၊ ဂါထာ နဲ့ မန္တန်ကို အသုံးပြုကြတယ်။ ဗေဒင်မေးပြီး ကျရောက်လာမယ့် အန္တရာယ်ကို ကြိုတင် ကာကွယ်နိုင်ဖို့ ဘယ်လိုနေပါ၊ ဘာတွေဆောင်ပါ၊ ဘာတွေ ကြိုတင်လုပ်ထားပါ ဆိုတဲ့ ယတြာဟာ အကာအကွယ်ကို တကယ်ဖြစ်စေတယ်လို့လည်း ယုံကြသေးတယ်။ ဗေဒင်မေးပြီး ယတြာချေတာအပြင် အားကိုးစရာတွေ ရှိနေပါသေးတယ်။ အတိတ်၊ နိမိတ်၊ တဘောင်၊ စနည်း၊ ဘဝေါတွေကို နားထောင်ရတယ်။ အဓိပ္ပာယ်ဖော်ပြီး အန္တရာယ်ကို ရင်ဆိုင်ဖို့ ပြင်ဆင်ရတယ်။ အတိတ်ကဖြစ်တာ၊ အခု ဖြစ်တာတွေဟာ နောင်အခါ ဖြစ်ဖို့ရှိတယ်လို့ သတိပေးတာ ဖြစ်တယ်လို့ စွဲယူမှတ်သားထားတယ်။ နိမိတ်ဆိုတာကတော့ မကြာခင် ကျရောက်မယ့် ဘေးအန္တရာယ်ကြီးကြီးကို အခု ထင်သာမြင်သာအောင် (အခု ခလုတ်တိုက်တယ် ဆိုသလို) အခက်အခဲတစ်ခုကို ကြုံရတာမျိုး ဖြစ်တယ်။ တဘောင်က နောင် မကြာခင်ကျရောက်မယ့် ဘေးအန္တရာယ်ကို လူအများက ကြိုပြီး ပြောနေတတ်တယ်လို့ ယုံတယ်။ ဘဝေါက သိပ်ကြီးကျယ်တဲ့ ဒုက္ခ တွေ့ရတော့မယ်လို့ ကြောက်လန့်စိတ်ပေါ်အောင် မဖြစ်စဖူး ဖြတ်တဲ့ ကိစ္စဖြစ်ပါတယ်။

ပဒုံမင်း (၁၇၈၂ – ၁၈၁၉) လက်ထက်မှာ ပေါ်ခဲ့တဲ့ စနည်းတွေကို စိတ်ဝင်စားစရာကောင်းလို့ နည်းနည်း တင်ပြလိုပါတယ်။ ဘာလို့ ပဒုံမင်းကိုမှ ရွေးပြီး တင်ပြရသလဲဆိုရင် ပဒုံမင်းလက်ထက်မှာ လောကီအစီအမံတွေနဲ့ အုပ်ချုပ်တဲ့ အလေ့အထဟာ အထွတ်အထိပ်ကို ရောက်နေလို့ပါ။ နောက်ပိုင်း ပဒုံမင်း လက်ထက်မှာပဲ အိန္ဒိယပြည်ကနေ ကူးယူခဲ့တဲ့ လောကီကျမ်းပေါင်း (၂၅၃) ကျမ်းရှိကြောင်း အထောက်အထားနဲ့တကွ တွေ့ရပါတယ်။ ပဒုံမင်းဟာ တိုင်းပြည် အရေးအရာတွေကို ဆုံးဖြတ်တဲ့အခါမှာ စနည်းနာလေ့ ရှိကြောင်း တွေ့ရပါတယ်။ ဒီနေရာမှာ မပြောမဖြစ်တဲ့ လူတစ်ယောက်ရှိပါတယ်။ သူ့နာမည်က အယူတော်မင်္ဂလာတဲ့။ ၁၆ ဇွန် ၁၇၆၂ ခုနစ်၊ ဒီပဲယင်းမြို့နယ် ကိုးသန်းတိုက်နယ် အရှမ်းကြခပ်ရွာမှာ မွေးပါတယ်။ အဖ ဦးရွှေညို၊ အမိ ဒေါ်မင်းလှ ဖြစ်ပြီး ငယ်နာမည် မောင်နိုးလို့ ခေါ်တယ်။ ၁၇၈၂ ပဒုံမင်း နန်းတက်တော့ အမှာတော်ရေးအဖြစ် ခန့်အပ်ခံရတယ်။ တဘောင်တွေ အဓိပ္ပာယ်ကောက်တာ တော်တယ်လို့ နာမည်ရလာတော့ ပဒုံမင်းဟာ အယူတော်မင်္ဂလာဘွဲ့ ချီးမြှင့်ပြီး အပါးတော်မှာ ခစားစေတယ်။ အတိတ်၊ နိမိတ်၊ တဘောင်၊ စနည်း၊ ဘဝေါတွေကို သဘောအဓိပ္ပာယ် ကောက်တဲ့နေရာမှာ အယူတော်မင်္ဂလာကို မီတဲ့သူ မရှိပါဘူး။ ကဲ ကျနော်တို့ စနည်းနာလိုက်ကြရအောင်။

မိုးတားစား သတိုးမင်းကြီး မင်းထင်ကျော်သူဟာ လွှတ်တော်တရားသူကြီး ဖြစ်တယ်။ အလွန်အမင်း လာဘ်စားတဲ့အတွက် နာမည်ပျက်ပြီး လူအပေါင်းဟာ အဲဒီတရားသူကြီး နှိပ်စက်သမျှကို ကြောက်ရွံ့ပြီး ခံနေကြရပါတယ်။ ပဒုံမင်းက ဒီကိစ္စကို ထိထိရောက်ရောက် အရေးယူနိုင်ဖို့ အယူတော်မင်္ဂလာကို စနည်းနာစေတယ်။ အယူတော်မင်္ဂလာ နာခဲ့ရတဲ့ စနည်းက ဒီလိုပါ။ အမေက သမီးကို ဆန်ဝယ်သွားတာ ငွေစကို တစ်မူးလည်းမဟုတ်၊ တစ်မတ်လည်း မဟုတ်လေတော့ တစ်ပြည်ပဲ ရတော့တယ်လို့ ကြိမ်းတယ်။ ဒီလိုသာ ဆက်ပြီးလုပ်ရင် နင့်ကို ပြည်တောင်းမှောက်ပြီး ဆန်ချင်ပေးလိ့မ်မယ်လို့ ပြောပြန်တယ်။ ဒီအခြင်းအရာကို စကားတစ်ဆက်တည်း ပြောရင် မူးမဟုတ် မတ်မဟုတ်လို့ ပြည်မှောက်တယ်လို့ ဆိုလိုပါတယ်။ တရားသူကြီးကို ရာထူးက ဖြုတ်လိုက်ပါတယ်။

၁၃ မတ် ၁၈၁၀ နေ့မှာ တရုတ် ငရွှေကြည် အိမ်က စပြီး မီးကြီးလောင်လိုက်တာ နန်းတော်၊ ရွှေတိုက်နဲ့ တစ်မြို့လုံးနီးပါး လောင်ကျွမ်းသွားတယ် အဲဒီ အချိန်မှာပဲ တရုတ်သံအဖွဲ့ဟာ ဝန်တင်လား ခုနစ်ထောင်နဲ့ ငွေရှစ်သိန်းကိုင်ပြီး ကုန်ဝယ်ဖို့ အမရပူရကို ရောက်လာတယ်။ တစ်ည စစ်ကိုင်းမင်းသားရဲ့ လူတွေက တရုတ်သံအဖွဲ့ကို ဓါးပြဝင်တိုက်တယ်။ တရုတ်က ငွေကို ပြန်ပေးပြီး အပြစ်ရှိသူတွေကို ထိုက်သင့်တဲ့ဒဏ် ပေးဖို့ တောင်းဆိုတယ်။ ပဒုံမင်းက မီးထဲ ရွှေတိုက်ပါသွားလို့ ငွေကလည်း မဆပ်နိုင်၊ မြေးတော် စစ်ကိုင်းမင်းသားကိုလည်း ဒဏ်က မပေးချင် ဖြစ်နေတယ်။ ဒါနဲ့ နှုတ်သွက်လျှာသွက်တဲ့ ဦးပေါ်ဦးကို တရုတ်သံနဲ့ ဝင်တွေ့ပြီး ညှိနှိုင်းစေတယ်။ တရုတ် ငရွှေကြည်ရဲ့ မီးကြောင့် ငွေသိန်းသန်းကုဋေ တန်းဖိုးရှိတဲ့ ပစ္စည်းတွေ ဆုံးရှုံးရလို့ တရုတ်တွေဆီက ပြန်တောင်းဆိုတယ်။ ဒီလို တန်ပြန်လုပ်တာ အောင်မြင်ပါ့မလား သိချင်လို့ စနည်းနာစေတယ်။ တရုတ်စကား မိဘများ လက်သုပ်လည်း စားကိန်းဖြစ်လာ။ ကျေးသားစစ်ပွဲအောင် ပြည်ထောင်လွမ်းခြင်းအေး ကျင်စွမ်လူ့ပဂေး တဲ့။ မင်းမိဖုရားက ယတြာဖြစ်တဲ့ တရုတ်စကားရွက်ကို လက်သုပ်ပြီး ပွဲတော်တည်လို့ ဦးပေါ်ဦး စကားစစ်နိုင်ပြီး တရုတ်တို့ အသာတကြည် ပြန်သွားရတယ်လို့ အယုံအကြည် ရှိပါတယ်။

နောက် စနည်းတစ်ခုနဲ့ သာသနာရေး အငြင်းအခုံတစ်ခုကို ဖြေရှင်းခဲ့ပါသေးတယ်။ ၁၈ ရာစု နှစ်ဦးကစပြီး သံဃာတော်တွေ မညီမညွတ် ရှိခဲ့ကြတယ်။ အပေါ်ဝတ်ရုံကို အလုံခြုံသင့်၊ ပုခုံးတစ်ဖက် လှပ်သင့်ဆိုတဲ့ ငြင်းခုံပွဲ ဖြစ်ပါတယ်။ ပုခုံးတစ်ဖက်ပဲ ဖုံးအုပ်လိုတဲ့ သံဃာကို အတင် (ဧကံသိက)၊ ပုခုံးနှစ်ဖက်လုံး ဖုံးရင် အရုံ (ပရုပဏ) လို့ လွယ်လွယ် ခေါ်လေ့ရှိတယ်။ ၁၈၁၄ ခုနစ်မှာ အဲဒီ အချေအတင်ပွဲကို ပြီးပြတ်စေဖို့ ပဒုံမင်းဟာ ဆွေးနွေးပွဲကြီး ကျင်းပစေပြီး အပြိုင်အဆိုင် ပြောဆိုစေတယ်။ အတုလဆရာတော် (မောင်ပန်းထွေး) ရဲ့ ဧကံသိကအဆို ရှုံးပါတယ်။ အယူတော် မင်္ဂလာ ရထားတဲ့ စနည်းက
ဦးပြည်းယောက်ျား လဘက်စားသည် တိုင်းကားပြည်ရွာ ဆူလတ္တံ့။
ဦးပြည်းမိုးကြိုး ပစ်ခတ်ချိုးက အရိုးနေလ မှိန်လတ္တံ့။
ဦးပြည်းလူမော် ရေကြောင်းပျော်သည် လှေပေါ်တောင်းမှောက် ဖြစ်လတ္တံ့။
ထိုရောအခါ သာသနာသည် ရောင်ဝါနေသို့ ထွန်းလတ္တံ့။
ဒီစနည်းကို ရှင်ဘုရင်က သဘောကျပြီး စနည်းထဲက ပါတဲ့အတိုင်း အတုလ လူထွက် မောင်ပန်းထွေးကို အဝတ်မပါ ဗလာ လှောင်အိမ်ထဲ ထည့်ပြီး ဧရာဝတီမြစ်ကြောင်းအတိုင်း သရက်အထိ မျှောချလိုက်တော့တယ်။

ဒီပုံစံအတိုင်းပဲ အင်္ဂလိပ်တွေ တွဲဖက်ရုံးဆောက်ဖို့ မြေတောင်းတဲ့အခါ အယူတော်မင်္ဂလာရဲ့ စနည်းအတိုင်း တောင်းဆိုချက်ကို ငြင်းဆန်ခဲ့တယ်။ နောက်တစ်ကြိမ် အင်္ဂလိပ်တွေက ပုသိမ်မှာ ကုန်တိုက်ဆောက်ဖို့ မြေတောင်းတော့လည်း စနည်းအတိုင်း ပြေပြေလည်လည် ဆက်ဆံ၊ ငွေပေးပြီး ပြန်လွှတ်လိုက်တယ်။ ၁၈၀၆ ခု နန်းသစ်ဆောက်ဆဲ အဆောင်မိုးမှာ လင်းတနားတော့ အများစုက နိမိတ်မကောင်းဘူးလို့ ယူကြတယ်။ ဒါပေမယ့် အယူတော်မင်္ဂလာရဲ့ အမြင်က တမူထူးနေတယ်။ ဂဏန်းဗေဒင်အရ လင်းတဟာ (၄ + ၇) ၁၁ ဖြစ်လို့ ပဒေသရာဇ် မင်းတစ်ပါးပါးက လက်အောက်ခံလိုပါတယ် ဆိုပြီး သမီးကညာဆက်ဖို့ တစ်ဆယ့်တစ်ရက်အတွင်း ရောက်လာလိမ့်မယ်လို့ ဟောတယ်။ အမှန်တကယ်ပဲ တိုလျားစော်ကဲက သမီးကညာ ဆက်တယ်။ ဆန္ဒြကန္တသိင်္ဃကလည်း သမီးကညာ ဆက်လာတယ်။ လောကီပညာကို အသုံးချတဲ့ နေရာမှာ အသုံးများတာက အတိတ်၊ နိမိတ်၊ တဘောင်၊ စနည်းဖြစ်ပြီး အရေးပါတဲ့ သမိုင်းဝင် ကိစ္စတွေမှာ စနည်းနာပြီးမှ လုပ်လေ့ရှိတာကို တွေ့ရပါတယ်။ စနည်းရဲ့ သဘောက အချင်းချင်း (တခြားလူ မကြားဘူး အထင်နဲ့) မျက်မြင် ကြုံတွေ့နေရတဲ့ ကိစ္စတွေကို ကောင်းမကောင်း ရဲရဲ ပြောကြပုံကို ချောင်းနားထောင်ပြီး ဝေဖန်ချက်ကို အရေးယူ ဆောင်ရွက်ခြင်းပဲ ဖြစ်ပါတော့တယ်။

မြန်မာ့ကြက်ခြေနီ ဖခင်ကြီး

၂၀၀၈ ခုနစ်၊ ဇန္န၀ါရီလ၊ ၅ ရက် (စနေနေ့)

ဒေါက်တာစံစီပိုးဟာ အမေရိကန်နိုင်ငံမှ ဆေးပညာပါရဂူ (MD) ဘွဲ့ရပြီး မြန်မာနိုင်ငံသို့ ပြန်လည်ရောက်ရှိလာပြီး ပုသိမ်မြို့မှာ အစိုးရအမှုကို ထမ်းဆောင်နေတယ်။ ရှေးဦးသူနာပြုခြင်း အတတ်ပညာရဲ့ ကျေးဇူးကြီးမားလှပုံကို သိတဲ့အလျောက် ရှေးဦးသူနာပြု အတတ်သင်တန်းတွေ ဖွင့်ပြီး ကိုယ်တိုင်ကိုယ်ကျပ် သင်ကြားပေးတယ်။ ဒါအပြင် ဒေါက်တာစံစီပိုးဟာ `ဒါဏ်ရာရှိသူနာတို့ကို ပဌမကုနည်း´ လို့နာမည်ရတဲ့ `ဂီလာနုပဌက´ ကိုလည်း ရှေးဦးသူနာပြု အတတ်ပညာကျမ်းတစ်စောင် အနေနဲ့ ရေးသားပြုစုခဲ့တယ်။ ၁၉၀၇ ခုနစ် မေလမှာ ပုသိမ်ပုံနှိပ်တိုက်ကနေ ပုံနှိပ်ထုတ်ဝေတယ်။ ကျမ်းစာဟာ ကိုယ်တွေ့ဖြစ်ရပ်များကို အခြေခံထားပြီး ထိုစဉ်က ပလိပ်ရောဂါ ဖြစ်ပွားနေတဲ့ အချိန်မို့ ပလိပ်ရောဂါအကြောင်းပါ ထည့်သွင်း ဖော်ပြပေးထားတယ်။

ကျမ်းစာအုပ်မှာ လူ့ခန္ဓာကိုယ်ရဲ့ အစိတ်အပိုင်းများဖြစ်တဲ့ အရိုးအဆစ်များ၊ အသားပြင်၊ အာရုံကြော၊ သွေးကြော၊ အဆုတ်၊ ကျောက်ကပ်၊ အရေပြား၊ အစာသစ်အိမ်၊ နှလုံးသား၊ အသည်များအကြောင်း၊ သွေးထွက်ခြင်းအကြောင်းနဲ့ ကုသနည်းတွေ၊ အရိုးအဆစ်လွဲခြင်းအကြောင်းနဲ့ ကုသနည်းတွေ၊ အသားကြေခြင်းအကြောင်း၊ အဆိပ်ရှိတဲ့ ပိုးမွှားကိုက်ခြင်း၊ အပူလောင်ခြင်း၊ မျက်စိနှာခေါင်းအတွင်းသို့ အမှိုက်သရိုက်ဝင်ခြင်း၊ အဆိပ်သောက်ခြင်းတွေကို ပြုစုနည်း၊ ၀က်ရူးထခြင်း၊ အရက်မူးလွန်ခြင်း၊ တက်ခြင်းစတဲ့ သတိမေ့ခြင်းအကြောင်း၊ ရေနစ်ခြင်း၊ ဆွဲကြိုးချခြင်းတို့ကို ပြုစုနည်း၊ ပတ်တီးစည်းနည်း၊ လူနာသယ်နည်း၊ ကျန်းမာခြင်းဆိုင်ရာ ဥပဒေစည်းမျဉ်း၊ ပလိပ်ရောဂါ စတဲ့ အကြောင်းတွေကို အခန်းပေါင်း (၁၁) ခန်း ခွဲပြီး စေ့စေ့စုံစုံ ဖော်ပြထားတယ်။ ဒုတိယအကြိမ် ထပ်မံထုတ်ဝေတဲ့အခါမှာ ကျန်းမာရေး လေ့ကျင်းနည်း အခန်းတစ်ခန်း ပိုလာပါတယ်။

ခန္ဓာကိုယ် အစိတ်အပိုင်းတွေအကြောင်း ဖော်ပြရာမှာ လူတိုင်း နားလည်လွယ်အောင် ၀ါကျတွေကို ရှင်းရှင်းလင်းလင်း တိတိကျကျ၊ မြန်မာစကားပြေ ရိုးရိုးနဲ့ ဥပမာလေးတွေ ညှပ်ပြီး ရေးသားထားတာ အင်မတန်မှ ကောင်းပါတယ်။ ဥပမာ အနေနဲ့ တချို့ကို ကောက်နုတ် တင်ပြလိုက်ပါတယ်။ နှလုံးအကြောင်းကို ဖော်ပြရာမှာ
နှလုံးသားသည် လူ၏ လက်သီးခန့်လောက်ကြီး၏။ သရက်သီးပုပုသဏ္ဌာန်ရှိ၏။ အဆင်းနီ၏။ …. နှလုံး၏ပြင်သားကား ချောမော၏။ အတွင်းသားကား အကြောတို့၏ ပေါင်းစုံရာဖြစ်၍ သပွတ်အူကဲ့သို့ ရှုပ်၏။ နှလုံးသား၏ အခေါင်းအတွင်း၌ ထူထဲ ခိုင်ခံ့သော အမြှေး၊ အပိုင်းအခြား၊ အကန့်ကြက်ခြေခပ်ရှိ၍ တွင်းငယ် ၄ ခု ဖြစ်၏။ ထိုတွင်းငယ်လေးခု၌ ကိုယ်အားလုံးကို သွားလာလျက်နေသော သွေးချိန် ( ၁၂ ကျပ် ၈ ပဲ ) သားခန့်ရှိ၏။ လက်ဝဲဘက်ခြမ်းအခန်း တွင်းငယ် ၂ ခုက တကိုယ်လုံးသို့ သွေးစီးသွန် ပျံ့နှံ့စေသည်။ လက်ျာဘက်ခြမ်း အခန်း ၂ ခုက၊ အဆုတ်ထဲသို့ သွေးစီးသွန် ပျံ့နှံ့စေသည်။
လို့ ရေးသားထားပြီး အဆုတ်အကြောင်းကို ဖော်ပြရာမှာ
အဆုတ်သည် ပင်လယ်ရေမြှုပ် ၂ ခု ပုံသဏ္ဌာန်ကဲ့သို့ ပျော့ပြောင်းသော အရာဖြစ်၍ နှစ်ခြမ်းပိုင်းခြားသည်။ အစဉ်အမြဲ အထည်းတွင်နေရှိ၍ အဆုတ်ထည်းသို့ လေသစ်ဝင်ရန် အသက်ရှူသောအခါ၊ အောက္ကဇီဂျင်ဂတ်စ် ခေါ်သော ဓာတ်ကောင်းအများ ပါဝင်သွားသောကြောင့် နှလုံးလက်ျားဘက်ခြမ်းမှ စီးဝင်လာသော ပြန်သွေးခေါ် သွေးဆိုး၊ သွေးပုတ်များနှင့် ပေါင်းဆုံမိသေအခါ ကာဘိုနစ်အက်စစ် ဂတ်စ်ခေါ် ဓာတ်ငွေ့ဆိုးများကို ထွက်သက် ရှူသောအခါတိုင်း ထုတ်ပစ်လိုက်၍ သွေးနီသွေးကောင်း ဖြစ်ပြီးလျှင် လက်ဝဲဘက် နှလုံးထည်းသို့ တကိုယ်လုံး သွေးပျံ့နှံ့ရန် အဆုတ်က သွင်းပေးပြန်သည်။
လို့ ရေးသားထားတယ်။

တဖန် ရှေးဦးသူနာပြုစုရာမှာ ကြိုတင်သိရှိသင့်တဲ့ အကြောင်းခြင်းရာတွေကို ဖော်ပြရာမှာလည်း ကွက်ကွက်ကွင်းကွင်း ထင်းကနဲ မြင်အောင် ဖော်ပြနိုင်စွမ်းရှိကြောင်း အောက်ပါ ဥပမာအရ သိနိုင်တယ်။
သွေးထွက်ခြင်း သုံးမျိုးရှိသည့်အနက်၊ မည်သည့်အကြောမျိုးက ထွက်လာသည်ဟု ပိုင်းဖြတ်၍ သိခြင်းသည် အလွန်ကျေးဇူးများ၏။

  1. သွေးနီကြောကထွက်သော သွေးသည် တသမတ်တည်းမထွက်။ တငေါက်ငေါက် ပန်း၍ထွက်၏။ အရောင်အဆင်းလည်း ခြင်းခြင်းနီ၏။ နှလုံးခုံချက်နှင့် တပြိုင်တည်း ပန်းထွက်၏။
  2. နှလုံးသို့ ပြန်၍၀င်သော၊ သွေးပုတ်ကြောကထွက်သည့် သွေးမှာ တရှိန်တည်းထွက်၍ အဆင်းရောင်နီညို့ညို့၊ ညစ်ပုတ်ပုတ်ဖြစ်၏။
  3. ကပီကရီ (Capillary) ခေါ် သွေးကြောတို့ကထွက်သော သွေးမှာ အနည်းငယ် တစိမ့်စိမ့်ထွက်၍ နေ၏။

ရှေးဦးသူနာပြုရာမှာ ရေမြေဒေသအလိုက် အလွယ်တကူ ရရှိနိုင်တဲ့ ပစ္စည်းများနဲ့ ဆောင်ရွက်နိုင်ပုံတွေကို ဦးစားပေး ဖော်ပြထားတယ်။ လက်တွေ့အလုပ်ဖြစ်တဲ့ နည်းတွေဖြစ်လို့ အလွန်အသုံးဝင်လှတယ်။ သွေးထွက်လွန်တဲ့ ဒဏ်ရာအတွက် သွေးကြောပိတ်အောင် ပြုစုတဲ့နည်းကို တင်ပြရာမှာ
ကျေးလက်တောရွာ၌ပင် ဖြစ်ငြားသော်လည်း အလွယ်တကူ တိုင်းသူပြည်သားတို့ အသုံးများသော ကျောက်ချဉ်ကို ကြိတ်၍ ဒဏ်ရာပေါ်မှာ အုံပြီးလျှင် အ၀တ်နှင့်စည်းထားရမည်။ ရှားစေး၊ ဘင်္ဂလားဆေးရွက်၊ ထုံး၊ ဤသုံးမျိုးကို အညက်ကြိတ်၍ ဒဏ်ရာထည်းကို သိပ်ပြီးလျှင် အ၀တ်နှင့် စည်းရမည်။ ရှားစေးမရလျှင် ဆေးရွက်နှင့် ထုံး နှစ်မျိုးဖြင့်လည်း … ပြုလုပ်နိုင်သည်။ … ပင့်ကူအိမ်ကို ခပ်များများယူ၍ လုံးပြီးလျှင် အနာပေါ်ကို ကြပ်ကြပ်သိပ်လျှင် (သွေး) ရပ်လိမ့်မည်။
လို့ ရေးသားထားပြီး အဆိပ်ရှိသော ပိုးမွှားကိုက်ရာမှာ ပြုစုရာတွင်လည်း
အစွယ်များ၊ အမြီးဆူးဖျားများ၊ အသားထည်းတွင် ကြွင်းကျန်လျှင် ဇာဂနာနှင့် ဆွဲနုတ်ရမည်။ … ဇ၀က်သာ၊ ထုံး ၂ ဦးကို ရေနှင့်ရော၍ဖြစ်စေ၊ ကြက်သွန်နီကို ဖြစ်စေ၊ အနာထဲသို့ဝင်အောင် ပွတ်၍သွင်းရမည်။
လို့ ရေးသားထားပြီး မီးလောင်၊ ရေနွေးပူ လောင်ခံရသူတွေကို ပြုစုရာမှာလည်း
မီးလောင်သော ဒဏ်ရာတွင် လေမ၀င်စေခြင်းငှာ၊ မြေဖြူမှုံ့၊ အာတာလွတ်ဥ ပေါင်ဒါမှုံ့၊ ဂျုံမှုံ့ တို့ကို ရရာဖြူးရမည်။ သို့မဟုတ် အ၀တ်စကို ထောပတ်ဖြစ်စေ၊ ဆီဖြစ်စေဆွပ်၍ အနာကို ကပ်ရမည်။ နှမ်းဆီ သို့မဟုတ် အုန်းဆီနှင့် ထုံးကြက်တက်ရေကို ဆတူရောစပ် (၍)၊ … ၎င်းဆီကို သုတ်လိမ်းပြီးလျှင် ဂွမ်းနှင့် ဖုံးအုပ်စည်းထားရမည်။ ငှက်ပျောရွက်နုကို ဆီဆွတ်၍ အနာမှာ ကပ်ရမည်။ ၎င်းပြင် မီးလောင်၍ အလွန်ပူနေလျှင် ငှက်ပျောပင်ကို ခုတ်၍ ကြမ်းသောအခွံများကို ခွာပြီးလျှင် ခပ်နုနု ငှက်ပျောပတ်ရည်ကို အနာပေါ်သို့ ညှစ်ချရမည်။
လို့ ရေးသားဖော်ပြထားပါတယ်

ကြိုတင်ကာကွယ်ဆေး ထိုးတဲ့ ဓလေ့ကို အဲဒီအချိန်က မြန်မာတွေ လုပ်လေ့လုပ်ထ မရှိသေးလို့ ကာကွယ်ဆေးထိုးဖို့ ပညာပေးစည်းရုံးရာမှာ အလွန်ပဲ လက်ဝင်ခက်ခဲလှတဲ့ အချိန်ဖြစ်တယ်။ အထူးသဖြင့် ပလိပ်ရောဂါ ကာကွယ်ဆေး ထိုးသင့်ကြောင်းကို လက်တွေ့ဥပမာတွေနဲ့ အများပြည်သူ လက်ခံယုံကြည်လာအောင် ယထာဘူတကျကျ တင်ပြထားတာ အောက်ပါအတိုင်း တွေ့ရလိမ့်မယ်။
အိန္ဒိယတိုင်း၌ တိုင်းသူပြည်သားတို့ကို ပလိပ်ဆေးထိုးစေ၍ မထိုးသေးသောသူများနှင့် ပြိုင်ယှဉ်နှိုင်းစာလျှင် စာရင်း ကောက်ယူသောအခါ အများပင် ပလိတ်ရောဂါကို ကွယ်ကာနိုင်သောကြောင့် ပလိတ်ဆေးထိုးခြင်းသည် အလွန်အကြိုးကြီးကြောင်း သိမြင်ရသည်။ ကျွန်ုပ်တို့ ပုသိမ်မြို့မှာလည်း ၎င်းနည်းတူ ပလိတ်ဆေးထိုးစေ၍ စာရင်း ကောက်ယူရာ အလွန် ကာကွယ်နိုင်ကြောင်းကို တွေ့မြင်ရလေသည်။ … ကျွန်ုပ်ကိုယ်တိုင် ယုံကြည်စိတ်ချလျက် ပလိတ်ဆေး ထိုးခံပြီးလျှင် ကျွန်ုပ်၏ဇနီး၊ သားသမီး၊ ဆွေမျိုးညာတကာတို့ကို ပလိတ်ဆေးထိုးစေပြီးမှ တိုင်းသူပြည်သားတို့အား ထိုးပေးသည်ဖြစ်သောကြောင့် ပလိတ်ဆေးထိုးသည့်အတွက် ဘေးဥပဒ် အနည်းငယ်မျှ မရှိကြောင်း ၀ံခံနိုင်ပါသည်။

ဒေါက်တာစံစီပိုးရဲ့ `ဂီလနုပဌက´ ရှေးဦးသူနာပြုကျမ်းဟာ လွန်ခဲ့တဲ့ နှစ်ပေါင်း ၁၀၀ ကျော်က ပြုစုခဲ့တဲ့ ကျမ်းဟောင်းတစ်ဆူ ဖြစ်ပေမယ့် ဒီနေ့အထိ ခေတ်မီပြီး အသုံးတည့်သေးတာကို တွေ့ရတယ်။ ရှေးဦးသူနာပြုကျမ်းလို့ ဆိုရပေမယ့် ခန္ဓာဗေဒဆိုင်ရာ ဆေးသိပ္ပံ အချက်အလက်များကိုလည်း ပြေပြစ်ချောမောတဲ့ မြန်မာစကားပြေ သက်သက်နဲ့ ရှင်းရှင်းလင်းလင်း တိတိကျကျ ဖော်ပြထားပါတယ်။ ဒါအပြင် ဒီဂီလာနုပဌကကျမ်းဟာ မြန်မာနိုင်ငံမှာ ကြက်ခြေနီလုပ်ငန်းနဲ့ ပတ်သက်ပြီး ရေးသားဖော်ပြတဲ့ စာပေတွေအထဲမှာ အစောဆုံးတွေ့ရတဲ့ အထောက်အထားတစ်ခု ဖြစ်လို့ မြန်မာ့ ကြက်ခြေနီသမိုင်းအတွက်လည်း လွန်စွာမှ တန်ဖိုးရှိလှပါတယ်။ ဒေါက်တာစံစီပိုးဟာ မြန်မာ့ကြက်ခြေနီဆိုင်ရာ ရှေးဦးသူနာပြုလုပ်ငန်းကို မျိုးစေ့ချခဲ့သူ ကြက်ခြေနီ ဖခင်ကြီးတစ်ဦး အဖြစ်နဲ့ ဂုဏ်ပြုထိုက်လှ ပါပေတော့တယ်။

ဤပို့စ်အား ရှေးခေတ် မြန်မာသိပ္ပံကျမ်းများ – ဒေါက်တာမျိုးသန့်တင် စာအုပ်မှ ကိုးကား၍ ကောက်နုတ်တင်ပြအပ်ပါသည်။


မြန်မာအစ ???

၂၀၀၈ ခုနစ်၊ ဇန္န၀ါရီလ၊ ၁ ရက် (အင်္ဂါနေ့)

ပုဂံသမိုင်းကို ပြောရင် တုတ်ထမ်းပြီး ပြောရမယ်တဲ့။ ဒါပေမယ့် တကယ်တမ်းတော့ မြန်မာ့သမိုင်းကို တုတ်ထမ်းပြီး ပြောရမယ်ဆိုရင် ပိုမှန်လိမ့်မယ်။ ကျနော်တို့တွေ ငယ်ငယ်ကတည်းက သင်ရိုးညွှန်းတန်းနဲ့ သင်ထားခဲ့တဲ့ မြန်မာရဲ့ အစ သမိုင်းက ဘယ်လောက် မှန်ကန်မှု ရှိနေမလဲ။ ကျနော်တို့ အားလုံး ကြားဖူးကြမယ်။ `မြန်မာအစ တကောင်းက´ တဲ့။ ဒါကို မြန်မာသမိုင်းသုတေသန လောကမှာ ထိတ်ထိတ်ကြဲ ကျော်ကြားခဲ့တဲ့ ဆရာကြီးတွေက လက်မခံကြဘူး။ အခုခေတ် ကျနော်တို့နဲ့ လက်လှမ်းမီခဲ့တဲ့ ကွယ်လွန်သွားရှာပြီ ဖြစ်တဲ့ သမိုင်းဆရာကြီး ဒေါက်တာသန်းထွန်း ကိုယ်တိုင်ကလည်း ဒါကို လုံးဝ လက်မခံဘူး။ သူရဲ့ စကားလေးကို ကျနော် နားလည်သလို ပြန်ပြောပြပါ့မယ်။ ကျနော်တို့ဗျာ အိန္ဒိယနိုင်ငံသား တစ်ယောက်ကို ခေါ်မယ်။ တရုတ်နိုင်ငံသား တစ်ယောက်ကို ခေါ်မယ်။ ပြီးရင် ဗမာ တစ်ယောက်ကို ခေါ်မယ်။ သူတို့သုံးယောက်ကို ယှဉ်ရပ်ခိုင်းလိုက်။ ကမ္ဘာပေါ်မှာ ရှိတဲ့ ကြိုက်တဲ့လူကို ခေါ်မေးကြည့်။ ဗမာရဲ့ ရုပ်သွင်ပြင်ဟာ အိန္ဒိယနိုင်ငံသားနဲ့ ပိုဆင်လား၊ တရုတ်နိုင်ငံသားနဲ့ ပိုဆင်လား လို့။ ဒါ သိပ်သိသာတယ်။ တရုတ်လူမျိုးနဲ့ ပိုပြီး နီးစပ်တယ်လို့ ဘယ်သူမဆို ဖြေကြလိမ့်မယ်။

ဒါဆို ဘာလို့ `မြန်မာအစ တကောင်းက´ ဆိုတာ ပေါ်လာတာလဲ။ ကျနော် ဖတ်ဖူးတဲ့ စာအုပ်တစ်အုပ်ရှိတယ်။ စာအုပ်နာမည်က `ဗုဒ္ဓသည် မြန်မာလူမျိုး´ တဲ့။ စာအုပ်က သုတေသန စာစောင် ဆန်ပေမယ့် လိုရာကို မရမက ဆွဲထားတယ်။ ဒီစာအုပ်နာမည်ကြောင့်ပဲ ထုတ်ဝေပြီး မကြာခင်မှာ ဖြန့်ဝေခွင့် ပိတ်ခံရတယ်။ အဲဒါ ကျနော်တို့ ငယ်ငယ်က ကိစ္စပါ။ နောက်တော့ အဲဒီ စာအုပ်ကိုပဲ နာမည်ပြောင်းထုတ်တယ်။ `ဗုဒ္ဓနှင့် မြန်မာလူမျိုး´ တဲ့။ အရင်စာအုပ်နဲ့ ဘာကွာသလဲ ဆိုတာတော့ ကျနော် ပြန် မဖတ်ကြည့်ရသေးဘူး။ ဒီစာအုပ်ကိုတော့ စာအုပ်ဆိုင်တွေမှာ အခု သွားလို့ ရနိုင်ပါတယ်။ စာအုပ်ရဲ့ အဓိက ရည်စူးချက်က မြန်မာတွေဟာ ဗုဒ္ဓ အနွယ်တော် သာကီဝင်တွေကနေ ဆင်းသက်တာပါလို့ သက်သေပြချင်တာပဲ။ နောက်တစ်ခုက ကျနော်တို့ ငယ်ငယ်ကတည်းက ကြားဖူးနေတဲ့ ကြွေးကျော်သံပါ။ `သာကီမျိုးဟဲ့ တို့ဗမာ´ ဆိုတာပါပဲ။ ဒီအတိုင်းသာဆို ကျနော်တို့ ဗမာ ဆိုတာဟာ အိန္ဒိယအနွယ်ဖွား တိုင်းရင်းသား တစ်စုပဲ ဖြစ်နေမှာပေါ့။

ဒါဆိုဘာလို့ မြန်မာ့ သမိုင်းရေးဆရာတွေဟာ မြန်မာအစ တကောင်းက ဆိုတာမျိုးကို တွင်ပြီး မှတ်တမ်းတင်ခဲ့ကြသလဲ ဆိုတာနဲ့ ပတ်သက်ပြီး ဒေါက်တာသန်းထွန်းရဲ့ အမြင်က ဒီလိုပါ။ ပထမ မြန်မာနိုင်ငံတော်ကို စတင်တည်ထောင်တယ်လို့ သက်မှတ်ခံခဲ့ရတဲ့ အနော်ရထာ မင်းဟာ ငါတပါးမင်းပါ။ ဆိုလိုတာက သူဟာ ထီးမွေနန်းမွေ ဆက်ခံတာ မဟုတ်ဘဲ ကိုယ်ပိုင် ရယူခဲ့ရတာ ဆိုတော့ တိုင်းပြည်ငြိမ်ဝပ်အောင် လုပ်တဲ့ အခါမှာ အမျိုးဂုဏ်ဆိုတာ လိုလာတယ်။ ဒီတော့ သူတို့ဟာ အဲဒီ အမျိုးဂုဏ်ကို ဖော်ဆောင်ဖို့အတွက် သူတို့ဟာ ဘယ်က ပေါက်ဖွားလာတာပါ၊ သိကြားမင်း ၀င်စားတာပါ စသဖြင့် မြှင့်တင်ဖို့ ကြိုးစားကြတယ်။ မြန်မာ့သမိုင်း ရာဇ၀င်ကျမ်းတွေကို ပြန်ဖတ်ကြည့်ရင် အဲဒီလို ငါတပါးမင်းတွေ ဖြစ်တဲ့ အနော်ရထာ၊ ကျန်စစ်သား၊ ဘုရင့်နောင်၊ အလောင်းမင်းတရား၊ စတဲ့ စတဲ့ မင်းတွေဟာ အမျိုးဂုဏ်မြှင့်တင်ဖို့ ဘယ်လို ကြီးမြတ်တဲ့ လူတွေ ၀င်စားတယ်၊ ဒါမှ မဟုတ် ဘယ်လို ထူးထူးဆန်းဆန်း ပေါက်ဖွားလာတယ်ဆိုတဲ့ လူတွေ အံ့ချီးဘနန်းဖြစ်မယ့် ဒဏ္ဍာရီတွေနဲ့ သမိုင်းကြောင်းကို ဖော်ပြထားတာ တွေ့ရလိမ့်မယ်။ အဲဒါတွေကို ကြည့်ရင် ဗုဒ္ဓဘာသာနိုင်ငံရဲ့ တန်ဖိုးအထားဆုံး လူပုဂ္ဂိုလ်ဖြစ်တဲ့ ဗုဒ္ဓဂေါတမနဲ့ အမျိုး ပြေးတော်လိုက်တာ ကတော့ သိပ်မဆန်းတော့ဘူး။ ဒါဟာ ရှင်ဘုရင် ကိုယ်တိုင် ခိုင်းစေတာ ဖြစ်နိုင်သလို၊ ရှင်ဘုရင် စိတ်ကြိုက် ရေးကြတာလည်း ဖြစ်နိုင်တယ်။ ဘာပဲ ဖြစ်ဖြစ် ဘုရင်အလိုကျ ဆိုတာတော့ ပြေးမလွတ်ပါဘူး။

သုတေသန တစ်ခုအနေနဲ့ အကြောင်းအရာတစ်ခုကို အတည်ပြုချင်ရင် အထောက်အထားတွေ လိုတယ်။ အခု မြန်မာရဲ့ အစနဲ့ ပတ်သက်ပြီး သုတေသန လုပ်ကြတဲ့အခါမှာ အထောက်အထားတွေအရ မြန်မာဟာ အိန္ဒိယနွယ်ဖွား မဟုတ်တာတော့ လုံးဝ သေချာတယ်။ ဒီသုတေသန စာတမ်းမှာ နာမည်ကြီးတဲ့ ပုဂ္ဂိုလ်ကတော့ ဒေါက်တာလုစ် ပါ။ သူ့ရဲ့ သုတေသန စာတမ်းကိုပဲ ဒေါက်တာသန်းထွန်းက ကိုးကားပြီး လေ့လာရတယ်။ အခု ကျနော် တင်ပြချင်တာက ဒေါက်တာသန်းထွန်းကတဆင့် သိရတဲ့ ဒေါက်တာလုစ်ရဲ့ စာတမ်းရဲ့ အစိတ်အပိုင်း သေးသေးလေးကို ကောက်နှုတ် ဖော်ပြချင်တာပါ။ စာလေးမှာ စိုးလို့ အထောက်အထား အတိအကျ ဆိုတာကြီးကို အခု စာရေးတဲ့ အခါမှာ ကျနော် ချန်ထားခဲ့ပါမယ်။ တကယ့်ကို စိတ်ဝင်စားလို့ (သို့) မယုံကြည်လို့ ဆိုရင်တော့ အသစ်မြင် မြန်မာ့သမိုင်း – ဒေါက်တာသန်းထွန်း စာအုပ်နဲ့ မြန်မာနိုင်ငံတော်သမိုင်း – ဗိုလ်ဘရှင် စာအုပ်မှာ အတိအကျ လေ့လာနိုင်ပါတယ်။

မြန်မာလူမျိုးတို့ရဲ့ မူလအစဟာ တရုတ်နိုင်ငံ အနောက်မြောက်ပိုင်း မွန်ဂိုကုန်းမြင့်အစွန်းမှာ ရှိတဲ့ ကန်စု ဒေသက ဖြစ်တယ်လို့ ဆိုပါတယ်။ လွန်ခဲ့တဲ့ နှစ်ပေါင်း သုံးထောင်လောက်ကတည်းက ကန်စုဒေသဟာ ယဉ်ကျေးမှုစံနှုန်းအရ တရုတ်ပြည်နဲ့ တန်းတူညီ တည်ရှိနေခဲ့တယ်။ ဒါပေမယ့် အဲဒီအချိန်က တရုတ်နိုင်ငံရဲ့ အင်ပါယာ ချဲ့ထွင်မှုကြောင့် ယဉ်ကျေးမှု ဆိုတာကို မေ့ထားပြီး တောင်ဘက်ပိုင်း စတင် ရွှေ့ပြောင်းလာခဲ့တာ အေဒီ ၂ ရာစု ကတည်းကပဲ။ အဲဒီလို တောင်ဘက်ပိုင်းကို ရွှေ့ပြောင်းလာရာမှာလည်း အခက်အခဲ ပေါင်းစုံနဲ့ ကြုံတွေ့ကြရတယ်။ အဲဒီအချိန်မှာ တိဗက်၊ တရုတ်နဲ့ နန်ကျောက်တွေဟာ အဆက်မပျက် စစ်တိုက်နေကြတယ်။ အဲဒီလို စစ်တိုက်တဲ့ အခါတိုင်းမှာလည်း မြင်းစီး လေးပစ်ကျွမ်းကျင်တဲ့ ခနဦးမြန်မာတွေကို ရှေ့တန်းကနေ တိုက်ခိုက်စေတာမို့ သူတို့ အားလုံးကို ရုန်းထွက်ဖို့ ကြိုးစားရင်းနဲ့ပဲ အဲဒီလူတစ်စုဟာ ၇ ရာစုမှာ ရှမ်းကုန်းပြင်မြင့်ကို ကျော်ပြီး ကျောက်ဆည်နယ်ကို ဆင်းသက်လာကြတယ်။ သူတို့ မရောက်ခင်ကတည်းက မွန်တွေဟာ အဲဒီနေရာမှာ ရှိနှင့်နေပြီးသားပါ။ သူတို့ရဲ့ ပင်ကိုယ် ကာယာဗလ ကောင်းမွန်ခြင်း၊ ရွှေ့ပြောင်းလာတဲ့ တလျှောက် တိုက်ရည်ခိုက်ရည် အတွေ့အကြုံများပြားခြင်း၊ မြင်းစီးအတတ် အထူး ကျွမ်းကျင်လိမ္မာခြင်း၊ တစိမ့်စိမ့်ဝင်လာတဲ့ လူတွေနဲ့ အင်အားတောင့်တင်းလာခြင်း စတာတွေကြောင့် မြန်မာနိုင်ငံအတွင်း ရောက်နှင့်ပြီး အခြေခိုင်နေပြီးဖြစ်တဲ့ မွန်-ပလောင်-၀ အနွယ်ဝင်တွေ၊ ပျူ နဲ့ သက် လူမျိုးတွေထက် အင်အားသာလွန်လာကြတယ်။

သက္ကရာဇ် (၈၃၂) ခုမှာ မြန်မာနိုင်ငံ အလယ်ပိုင်းမှာ ကြီးစိုးနေတဲ့ ပျူနိုင်ငံကြီးဟာ နန်ကျောက်တွေရဲ့ သိမ်းပိုက် ဖျက်ဆီးခြင်းကို ခံရတယ်။ နောက် ၉ ရာစု အကုန်ပိုင်းမှာ အရင်သြဇာ ကြီးနေတဲ့ နန်ကျောက်တွေ သြဇာကျလာတယ်။ ဒါကို အခွင့်ကောင်းယူပြီး ကနဦးမြန်မာတွေဟာ အင်အားချဲ့ထွင်လာခဲ့တယ်။ ပထမခြေကုတ်အနေနဲ့ မွန်တွေဆီကနေ ကျောက်ဆည်နယ်ကို လုယူနိုင်ခဲ့တယ်။ အဲဒီကနေ ဧရာဝတီ နဲ့ ရခိုင်ရိုးမအထိ ခြေဆန့်နိုင်ခဲ့တယ်။ ဒုတိယ ခြေကုတ်အနေနဲ့ မင်းဘူးနယ်ကို ပေလောင်နဲ့ စကြစ်တွေဆီကနေ လုယူခဲ့ကြဟန် တူတယ်။ အဲဒီလို ဒေသတစ်ခုစီ ခရိုန်တစ်ခုစီကို အုပ်ချုပ်တဲ့လူကို မင် လို့ ခေါ်တယ်။ ဒီတော့ အဲဒီအချိန်မှာ အဲဒီဒေသတွေမှာ မင်ပေါင်းများစွာ ရှိတယ်။ အဲဒီအထဲကမှ နောက်တော့ ခရိုန်တစ်ခုက မင်ဟာ သြဇာအာဏာကြီးမြင့်လာပြီး သူကို အားလုံးက အရိုအသေပေးရတော့ မင်ဂြီ (မင်းကြီး) ဖြစ်လာတယ်။ အဲဒီ ခရိုန်က အခုအချိန်မှာ ကျနော်တို့ သိကြတဲ့ ပုဂံပါပဲ။ အဲဒီခရိုန်ရဲ့ အကြီးအကဲဖြစ်တဲ့ မင်ဂြီ (မင်းကြီး) ကတော့ ကျနော်တို့ သိကြတဲ့ အနော်ရထာမင်း ခေါ် အနိရုဒ္ဓ ပါပဲ။ သက္ကရာဇ် အရတော့ အေဒီ ၁၀၄၄ ခုပေါ့။ ဒါဆို ကျနော်တို့ သိနှင့်ပြီးသား ရာဇ၀င်တွေနဲ့ ဆက်စပ်လို့ ရပြီထင်ပါတယ်။

အနော်ရထာမင်းလက်ထက် မြန်မာနိုင်ငံဆိုတဲ့ ပရ၀ုဏ်ထဲမှာ အများဆုံး ရှိတဲ့ လူမျိုးက မွန်ပါ။ နောက်ပြီး ပုဂံခေတ်ဦးမှာ မြန်မာနဲ့ မွန်တွေရဲ့ အားပြိုင်မှုတွေ နန်းတွင်းရေးအနေနဲ့ ရှိနေမယ်လို့ ခန့်မှန်းကြပါတယ်။ ကျန်စစ်မင်းဟာလည်း သူနန်းမတက်မီ ဒီ အဓိကရုဏ်းတွေကို နိမ့်နင်းနေရမယ်လို့ တွက်ဆထားကြတယ်။ အထောက်အထားအရတော့ မစုံလင်ပါဘူး။ နန်းတွင်းမှာတောင် မွန်ပညာရှိတစ်ဝက်နဲ့ မြန်မာပညာရှိ တစ်ဝက် ရှိတယ်လို့ ဆိုပါတယ်။ ဒါကြောင့်လည်း ပုဂံခေတ် ယဉ်ကျေးမှုဟာ မွန်လက်ရာတွေနဲ့ ထုံမွှန်းနေတာ မဆန်းပါဘူး။ လွန်ခဲ့တဲ့ နှစ်ပေါင်း ၁၀၀၀ ကျော်က တရုတ်နဲ့ စင်ပြိုင် ယဉ်ကျေးမှုတစ်ခု ပိုင်ဆိုင်ခဲ့ပေမယ့် စစ်ပြေးအနေနဲ့ ရွှေ့ပြောင်းအိမ်ရာ တည်ထောင်ခဲ့ရလို့ နှစ်ပေါင်း ရာချီကြာတဲ့အခါမှာ နဂိုရှိရင်းစွဲ မြင့်မားလှတဲ့ ယဉ်ကျေးမှုဟာ လုံးဝနီးပါး ကွယ်ပျောက်သွားပါတယ်။ ဒါပေမယ့် မူလမြေပိုင်ရှင်တွေဖြစ်တဲ့ မွန်တွေစီကနေ လယ်ယာစိုက်ပျိုးမှု ပညာ၊ လက်မှုပညာ အပါအ၀င် တခြား ယဉ်ကျေးမှုတွေပါ လက်ဆင့်ကမ်း ဆက်ခံခဲ့တဲ့အတွက် ဆယ်စုနှစ် အတွင်းမှာပဲ ပတ်ဝန်းကျင်နိုင်ငံအခြားမှာ မြန်မာယဉ်ကျေးမှုရယ်လို့ ပြန်လည်ဦးမော့လာခဲ့ပါတယ်။

အနော်ရထာမင်းလက်ထက် နောက်ပိုင်း မြန်မာနိုင်ငံ အခြေအနေဟာ သင်ရိုးတန်းမှာရော၊ စာအုပ်စာတမ်းအရပါ စုံလင်လို့ ကျနော် ဆက်ပြီး မဆွေးနွေးလိုတော့ပါဘူး။ အထက်မှာ တင်ပြခဲ့တာကို လေ့လာပြီး မြန်မာဘယ်က စသလဲ ဆိုတာ အတိအကျ ခြေရာမကောက်နိုင်တောင် ဒီလိုလည်း ဖြစ်နိုင်တယ် ဆိုတာကိုတော့ အသိပေးချင်ပါတယ်။ ကျနော်တို့တွေ မျက်စိကြီးမှိတ်ပြီး `မြန်မာအစ တကောင်းက´ လို့ ယုံကြည်ခဲ့ဖူးပါတယ်။ အဲဒီ စာကြောင်းနဲ့ အဆိုကို လက်ခံသင့်မသင့် ပြန်လည် သုံးသပ်နိုင်အောင် ဒီပို့စ်လေးကို တင်ပေးလိုက်ပါတယ်။ ဆက်လက် အတွေးပွားနိုင်ကြပါစေ။


၁၇၇၄ ခုနစ်မှ ရှေးမြန်မာ့ သင်္ချာကျမ်းကြီး

ဂဏန်းသင်္ချာ ပညာဝဍ္ဎနကျမ်း ( ၁၇၇၄ )

မြန်မာ့သိပ္ပံပညာဆိုင်ရာ ကျမ်းတွေ စာပေတွေဟာ ဗဒုံမင်း (ဘိုးတော်ဘုရား) လက်ထက် (၁၇၈၂ – ၁၈၁၉) မှာ အခြေတကျ စပြီး ထွန်းကားလာတယ်လို့ ပညာရှင်အများက လက်ခံ ယုံကြည်ထားကြတယ်။ အဲဒီလို လက်ခံရတဲ့ အကြောင်းကတော့ ဗဒုံမင်းဟာ အိန္ဒိယနိုင်ငံနဲ့ သီဟိုဠ်နိုင်ငံကနေ ကျမ်းပေါင်း (၂၀၀) ကျော်ကို မြန်မာနိုင်ငံသို့ ယူဆောင်စေခဲ့တယ်။ အဲဒီလို ယူလာတဲ့ ကျမ်းတွေရဲ့ မြန်မာပြန်မူတွေကို အခုအချိန်အထိ လက်ဆုတ်လက်ကိုင် ပြနိုင်သေးတယ်။

မြန်မာ့သင်္ချာ ပညာသမိုင်းကြောင်းနဲ့ ပတ်သက်ပြီး ကျမ်းပြုသူ အစောဆုံး ခြေရာကောက်မိတဲ့ သင်္ချာကျမ်းကတော့ သင်္ချာပကာသက အမည်ရှိတဲ့ ကျမ်းဖြစ်တယ်။ အဲဒီကျမ်းက ၁၄ ရာစု နှစ်ဦးပိုင်းကတည်းက ယိုးဒယားနိုင်ငံက တဆင့် မြန်မာနိုင်ငံကို ရောက်လာတဲ့ ကျမ်းဖြစ်တယ်။ ကျမ်းရဲ့ မူလ စာကိုယ်ကို ပြုစုတဲ့သူက ယိုးဒယားနိုင်ငံ ဇင်းမယ်မြို့က ရှင်ညာဏ၀ိလာသ ဖြစ်တယ်။ အဲဒီကျမ်းကို အခြေခံပြီး ၁၅၂၀ မှာ မြစ်ငယ်တောင်ဘက် ပလိပ်ရွာ အရှေ့ရှိ မြို့သစ်မြို့နေ ရှင်သိရိမင်္ဂလက သင်္ချာပကာသကဋီကာကို ထပ်မံပြုစုပြီး တတိယ ညောင်ကန်ဆရာတော် ရှင်က၀ိန္ဒရဲ့ တပည့် ရှင် မုနိန္ဒသာရက တဖန် သင်္ချာပကာသက စာကိုယ်နဿယကို ပြုစုခဲ့တယ်။

အခုအကျဉ်း တင်ပြချင်တဲ့ ကျမ်းက ၁၇၇၄ခုနစ်မှာ ရေးပြီး ဂဏန်းသင်္ချာ ပညာဝဍ္ဎနကျမ်းလို့ နာမည်ရတယ်။ ဒီကျမ်းက မြန်မာ့သိပ္ပံ ပညာသမိုင်းအတွက် အရေးပါတဲ့ အထောက်အထားတစ်ခု ဖြစ်တဲ့အပြင် ကျနော်တို့ မြန်မာတွေ ဂုဏ်ယူဝင့်ကြွားထိုက်တဲ့ ကျမ်းတစ်ဆူလည်း ဖြစ်တယ်။ ဒါကြောင့် ဒီကျမ်းမှာ ပါတဲ့ အချက်အလက်တချို့ကို အကျဉ်းမျှလောက် ပြန်ပြီး ဖောက်သည်ချပေးလိုက်ပါတယ်။

ဂဏန်းသင်္ချာ ပညာဝဍ္ဎနကျမ်းဟာ အပိုင်းလေးပိုင်း ခွဲခြားပြီး ဥပမာပေး နမူနာ ပုစ္ဆာပေါင်း ၁၇၅ ပုဒ်ကို တွက်နည်း အဖြေနဲ့တကွ စုံစုံလင်လင် ပြုစုထားတယ်။

ပထမပိုင်းမှာ သင်္ချာပညာရပ်အတွက် အဓိကဖြစ်တဲ့ `ရေတွက်ခြင်း ဂဏန်းသင်္ချာ´ ခေါင်းစဉ်နဲ့ အလေးချိန်၊ အကွာအဝေး၊ ထုထည်၊ အချိန်နာရီ တွေကို တိုင်းတာတဲ့ ယူနစ်ကိန်းသင်္ချာ အကြောင်းနဲ့ ခု ကနေ အသင်္ချေ (တစ်နောက်က သုည အလုံး ၁၄၀) တိုင်အောင် ရေတွက်ခေါ်ဝေါ်ပုံ နည်းစနစ်ကို ဖော်ပြထားတယ်။

ဒုတိယပိုင်းမှာ `ဂဏန်းဆယ်ပါး´ ခေါင်းစဉ်နဲ့ စပါးတွက်၊ ဆန်တွက်၊ ရွှေတွက်၊ ငွေတွက်၊ ဆီမီးတွက်၊ ရထားတွက်၊ သစ်ပင်တွက်၊ လှေတွက်၊ သားရေတွက်၊ မြေတွက် ဆိုပြီး လုပ်ငန်းအလိုက် တိုင်းထွာတွက်ချက်နည်းကို ဥပမာ ပုစ္ဆာပေါင်း ၉၈ ပုဒ်နဲ့ ဖော်ပြထားတယ်။

စပါးတွက်နည်းမှာ ကျီတွက်နည်း၊ သရိုင် (ပုတ်) တွက်နည်း၊ စပါးပုံတွက်နည်း၊ လှေဝင်စပါးတွက်နည်း၊ စပါးကို ငှက်စားတဲ့ ပုစ္ဆာ၊ စပါး နှစ်ထပ်တိုးပေး တွက်နည်း အစရှိတဲ့ နမူနာပုစ္ဆာ ၂၁ ပုဒ်နဲ့ ဖော်ပြထားတယ်။

ဆန်ဂဏန်းတွက်နည်းမှာ စပါးနှစ်တင်းကို ထောင်းရင် ဆန်တစ်တင်းရပြီး ဆန်တစ်တင်းမှာ အစေ့ပေါင်း ၇၆၈၀၀၀ ရှိကြောင်း ဖော်ပြထားတယ်။ ဆန်ဂဏန်းမှာ အဓိက အရေးကြီးတဲ့ အပိုင်းက သင်္ချာပေါင်းပွားကိန်း (Arithmetic Progression) သဘောကို အခြေခံတဲ့ နည်းတွေ ဖြစ်တယ်။

ရွှေဂဏန်းကို ပြောတဲ့အခါမှာ ရွှေမျိုးပေါင်း (၂၀) ရှိတယ်လို့ ဖော်ပြထားတယ်။ တစ်ဆင့်ပြီးတစ်ဆင့် သန့်စင်အောင် လှော်ခတ်ပြီး အဆင့်လိုက် ရွှေလှော် (၁၂) မျိုးကိုလည်း ဖော်ပြထားတယ်။ အဲဒါတွေက နီဗလ၊ နာရဏီ၊ နာရဝေါ၊ နာလိကာ၊ နာလိမုတ္တာ၊ အဉ္စနီ၊ အဉ္စမုတ္တ၊ အဇာဝနိ၊ ဇာတရူပ၊ ဥတရနိတာ၊ သိင်္ဃနိတ် နဲ့ ဇမ္ဗူရဇ်တို့ ဖြစ်တယ်။ ရွှေကို သန့်စင်ဖို့ လုပ်တာ အင်မတန် အနုစိတ်ပြီး စနစ်ကျတာ တွေ့ရတယ်။ ဥပမာအနေနဲ့ ပြရရင် အသန့်စင်ဆုံး ဇမ္ဗူရဇ်ရွှေ အဆင့်ရအောင် သိင်္ဃနိတ်ရွှေကို ထပ်မံသန့်စင်တဲ့နည်းလေး ဖော်ပြပေးလိုက်တယ်။
`သိင်္ဃနိတ်ရွှေ ၄ိ ၂ံ ၂ ဆံ ၃ နှံ့ (နှမ်း) ၁ မုံညင်(း) ၆ သံခေါင် (သန်းခေါင်း) ၂ ကညစ်ချေကို ၃ိ ၃ူ ၁ဲ ၄ံ ၂ ဆံ ၂ နံ ၁ မုံညင် ၃ သံခေါင် ၂ ကညစ်ချေ တင်အောင် လှေ (လှော်) မှ ဇမ္ဗူရဇ်ရွှေ ဖြစ်၏။´

ရေဂဏန်းကို ဖော်ပြတဲ့နေရာမှာ ထုထည်ရှာပုံတွေ၊ ရေကန်ကနေ ရေထုတ်တဲ့အခါ ကြာမယ့် အချိန်နာရီ တွက်ပုံတွေကို ပုစ္ဆာ ၅ ပုဒ်နဲ့ ပြထားတယ်။ စိတ်ဝင်စားစရာ ကောင်းတဲ့ ပုစ္ဆာတစ်ပုဒ်ကို တင်ပြပေးလိုက်ပါတယ်။
ပုစ္ဆာ။ ဖလားတလုံ(း)သဉ် အ၀န်(း) ခြောက်တောင် စောက် ၁င်္ (တောင်) ရေအပြဉ်ရှိ၏။ ထိုရေကို မုံဉင်စေ့ရှိ ဖောက်သော် ဘယ်မျှလောက်သောကာ(လ)မှ ရေကုံအံ့နဉ်။
အဖြေ။ ၃ လနှင့် ၂ ရက် ၉ နာရီ နှစ်ပါဒ် ၆၂ ဗီဇနာမှ ရေကုန်၏။

ဆီမီးဂဏန်း တွက်နည်းထဲမှာလည်း ထုထည်ရှာနည်းကို အခြေခံပြီး ဖယောင်းတုံးကြီးကနေ ဖယောင်းတိုင်တွေ ပြုလုပ်ရင် ရလာမယ့် ဖယောင်းတိုင် အရေအတွက်ကို ရှာတဲ့နည်းတွေ၊ ဖယောင်းတိုင်ကို မီးထွန်းရင် အချိန်ဘယ်လောက်ကြာမှ ကုန်မလဲလို့ တွက်တဲ့နည်းတွေကို ပုစ္ဆာ ၅ ပုဒ်နဲ့ ဖော်ပြထားတယ်။

သစ်ပင်ဂဏန်းမှာတော့ သစ်ခွဲစိတ်ဖြတ်တောက်တာနဲ့ ဆိုင်တဲ့ သစ်တွက်နည်းတွေ၊ သစ်လုံးကို ပါးပါးလွှာထုတ်တဲ့ တွက်နည်းတွေ အပြင် သစ်ပင်ကို အဝေးကကြည့်ပြီး အမြင့်ရှာနည်းတွေ အပါအ၀င် ပုစ္ဆာ ၇ ပုဒ်နဲ့ ဖော်ပြထားတယ်။ သစ်ပင်အမြင့်ရှာပုံက ဂျီသြမေတြီဘာသာရပ် (Geometry) ကို အခြေခံထားတယ်။

လှေဂဏန်းကို ပြရာမှာ သင်္ဘောနဲ့ ခရီးထွက်ရင် ကြာမြင့်ချိန်၊ ဆိုက်ရောက်ချိန် နေ့ရက်ကို တွက်တဲ့ ပုစ္ဆာတွေနဲ့ အက္ခရာသင်္ချာ (Algebra) သဘောပါတဲ့ ဆင်၊ မြင်း၊ ကျွဲ၊ နွား၊ လှေနဲ့ တစ်ဖက်ကမ်းကို ကူးတဲ့ ပုစ္ဆာမျိုးတွေကို နမူနာပုစ္ဆာ ၅ ပုဒ်နဲ့ တွက်ပြထားတယ်။

သားရေဂဏန်းမှာတော့ သားရေချပ်ကို လှီးဖြတ်ရာမှာ လေးထောင့်ပုံ၊ စက်ဝိုင်းပုံ စတဲ့ ပုံစံ အမျိုးမျိုးရဲ့ ဧရိယာနဲ့ အ၀န်းတွက်နည်းတွေကို ပုစ္ဆာ ၅ ပုဒ်နဲ့ တွက်ချက်ပြထားတယ်။

မြေဂဏန်းမှာ မြေကြီးကနေ အုတ်ထုတ်ရာမှာ ထွက်ရှိမယ့် အုတ်ချပ်ရေ ခန့်မှန်းပုံ၊ မြို့ရိုး တိုက်တာ အိုးအိမ် တည်ဆောက်ရာမှာ အုတ်လိုအပ်မှု လယ်ယာမြေကွက် ပုံစံအမျိုးမျိုး ပယ်ဖွဲ့နည်းတွေကို ဥပမာ ပုစ္ဆာပေါင်း ၃၀ နဲ့ ကျယ်ကျယ်ပြန့်ပြန့် ဖော်ပြထားတယ်။

တတိယပိုင်းမှာ နည်းတဆယ့်ခြောက်ပါး ဆိုတဲ့ ခေါင်းစဉ်နဲ့ သင်္ချာနည်းပေါင်း ၁၆ နည်းကို ပုစ္ဆာပေါင်း ၇၆ ပုဒ်နဲ့ ဖော်ပြထားတယ်။ အဲဒီနည်းတွေကို အကျဉ်းချုပ် အနေနဲ့ ဖော်ပြရရင် နှစ်ထပ်တိုးတွက်နည်း၊ အချိုးတွက်နည်း၊ မရေမရာညီမျှခြင်း (Indeterminate equation) တွက်နည်း၊ သင်္ချာပေါင်းပွားကိန်း (Arithmetic progression) တွက်နည်း၊ သင်္ချာဆပွားကိန်း (Geometric progression) တွက်နည်း၊ အက္ခရာသင်္ချာ ညီမျှခြင်း (Algebra equation) တွက်နည်း၊ ဆခွဲကိန်း တွက်နည်း၊ ဘုံသုဉ်းကိန်း တွက်နည်း တို့ ဖြစ်ပါတယ်။

ဒီကျမ်းရဲ့ နောက်ဆုံးအပိုင်း စတုတ္ထပိုင်းမှာတော့ ရှေ့ပိုင်းက နည်းတွေကို အခြေခံပြီး ပုစ္ဆာပေါင်း ၃၀ ကို ထပ်ပြီး တွက်ပြထားပါတယ်။

ဂဏန်းသင်္ချာ ပညာဝဍ္ဎနကျမ်းကို ခြုံငုံကြည့်ရင် ရှေးမြန်မာတွေရဲ့ လယ်ယာအိုးအိမ် စတဲ့ စားဝတ်နေရေး လူနေမှုစနစ်ကို လက်တွေ့ အထောက်အကူပြုတဲ့ သင်္ချာတွက်နည်းတွေကို ဖော်ပြထားကြောင်း တွေ့ရတယ်။ ဒါ့အပြင် စက်ဝိုင်းတွေရဲ့ ဧရိယာ၊ စက်လုံး၊ ထုလုံး၊ ထုချွန်တွေရဲ့ ထုထည်ရှာပုံ၊ ဂဲသြမေတြီရဲ့ အခြေခံတွေ၊ သင်္ချာပေါင်းပွားကိန်း၊ ဆပွားကိန်း၊ အချိုးဆက်တွေ၊ အက္ခရာသင်္ချာတွက်နည်းတွေကိုပါ ထည့်သွင်း ဖော်ပြထားတာကို ထောက်ရှုမယ်ဆိုရင် အဲဒီအချိန်က မြန်မာတွေရဲ့ သင်္ချာအဆင့် မြင်းမားကြောင်း တွေ့ရတယ်။ ဗဒုံမင်း လက်ထက် မတိုင်မီကတည်းက မြန်မာ့ သင်္ချာပညာဟာ ပီပီပြင်ပြင် အဆင့်မြင့်မြင့် ရှိနေပြီ ဆိုတာကို ဒီ ၁၇၇၄ ခုနစ်က သင်္ချာကျမ်းနဲ့ လက်ဆုတ်လက်ကိုင် ပြပြီး သက်သေထူလိုက်ပါတော့တယ်။

ရှေးခေတ် မြန်မာသိပ္ပံကျမ်းများ – ဒေါက်တာ မျိုးသန့်တင် စာအုပ်မှ ထုတ်နှုတ် တင်ပြပါသည်။

ရှေးခေတ် ဓာတုဗေဒ ပညာရပ်

မြန်မာနိုင်ငံမှာ ဓာတုဗေဒ ဓာတ်ဆေး (Chemicals) တွေကို ပုဂံခေတ် ကတည်းက စပြီး သုံးတတ်တဲ့ အလေ့အဓ ရှိနေပြီလို့ ကျောက်စာ အထောက်အထား အရ သိရပါတယ်။ ပုဂံမြို့ဟောင်း စောလှဝန်းဘုရား အနီး အမတ် အသ၀တ် ဓမ္မာမယား ကျောက်စာမှာ တွေ့နိုင်ပါတယ်။ ကျမ်းကိုး ကျမ်းကားနဲ့ စပြီး တွေ့ရတာကတော့ ၁၇၅၉ ခုနစ်က သင်္ဘောဆေးစာ အမည်ရှိတဲ့ ပေစာမူအရ သိရတယ်။ ကုန်းဘောင်ခေတ်အစ အလောင်းမင်းတရား လက်ထက်မှာ ရေးမှတ်ထားခဲ့တဲ့ သင်္ဘောဆေးစာ ဆိုတဲ့ ပေမူဟာ ဓာတုဗေဒကျမ်း တစ်ဆူပါပဲ။ အထဲမှာ ပါတဲ့ စာသားတချို့အရ အဲဒီကျမ်းဟာ မြန်မာနိုင်ငံနဲ့ အဲဒီအချိန်က အဆက်အသွယ် ရှိနေတဲ့ ပေါ်တူဂီတွေ ဆီကနေ ကူးယူထားတယ်လို့ သိရတယ်။
မူရင်းကျမ်းမှာ ထုတ်လုပ်နည်းပေါင်း ၁၀၀ ကျော် ဖော်ပြထားတယ်။ အဲဒါတွေကို မျိုးတူမျိုးတူ အစုပဲ ဒီအတိုင်း အဆင်ပြေသလို ပြထားတော့ အားလုံးဟာ ပြန့်လျားကြီး ဖြစ်နေတယ်။ ဒါကို တူရာတူရာ စုစည်းပြီး အုပ်စုဖွဲ့လိုက်ရင် အုပ်စု (၃၀) ရလာတယ်။ အဲဒါကို အကျဉ်းချုပ်မျှ ဖော်ပြချင်ပါတယ်။

  1. ဆင်စွယ်လုပ်ငန်း – အစိမ်းဆိုးနည်း၊ ဆင်စွယ်ပျော့နည်း။
  2. သင်္ဘောဆေးနှင့် ငွေမင်လုပ်နည်း (၃) နည်း။
  3. အရိုး အနက်ဆိုးနည်း၊ အရိုးပျော့နည်း။
  4. ပုလဲတု လုပ်နည်း။
  5. ရွှေလုပ်ငန်း – ရွှေရေး ရွှေချနည်း၊ သံပေါ် ရွှေရေးနည်း၊ ရွှေချနည်း (၂) နည်း၊ ရွှေပင် ငွေပင် စိုက်နည်း (၄) နည်း၊ ရွှေမှုန့် စားဆေးဖော်နည်း (၂) နည်း၊ သံ ရွှေရောင်တင်နည်း၊ ရွှေရောင်ရေးနည်း (၂) နည်း ရွှေ အတုချက်နည်း။
  6. ကြေးနီလုပ်ငန်း – ကြေးနီဖြူနည်း (၂) နည်း၊ ကြေးဝါ ကြေးနီ ဖော်နည်း၊ သံကြေးနီလုပ်နည်း။
  7. ရေပြင်း (Acid) လုပ်နည်း (၅) နည်း။
  8. မီးစုံး (Phosphorus) ချက်နည်း (၂) နည်း။
  9. သတ္ထု အရည်ပျော် အကူပစ္စည်း (Flux) လုပ်နည်း (၅) နည်း။
  10. ဒုတ္ထာ ဆီချက်နည်း (၃) နည်း။
  11. သန္ဓာ၊ ဥဿဘုရား နှင့် ကျောက်မျက် ရတနာ အတုလုပ်နည်း။
  12. သံပင် စိုက်နည်း။
  13. လောင်မီး ဖော်နည်း (၃) နည်း။
  14. ဖန်ချက်နည်း (၁၁) နည်း။
  15. သစ်ပင်ဆား (Potassium Carbonate) ထုတ်လုပ်နည်း။
  16. မိန်လာ မျိုးစုံ လုပ်နည်း (၁၂) နည်း။
  17. သစ်သား အရောင်တင်ဆီ လုပ်နည်း (၃) နည်း။
  18. သစ်သီး၊ သစ်စေ့၊ ကြက်ဥတို့မှ အဆီထုတ်နည်း
  19. ပြဒါး သန့်စင်နည်း။
  20. လက်ချား ပြုလုပ်နည်း။
  21. ကန်ပွင့် ချက်နည်း။
  22. မှန်ပြဒါးတင်နည်း၊ ဆေးရေးနည်း။
  23. တရုတ် ပန်းကန် လုပ်နည်း။
  24. ချည် အ၀တ်ဆိုးဆေး လုပ်နည်း (၆) နည်း။ ချုပ်ဆေး ဖော်နည်း။
  25. သစ်သီးများ တာရှည်ခံအောင် ထားသိုနည်း။
  26. သံလိုက်အိမ်မြှောင် လုပ်နည်း။
  27. တဏှာကျွဆေး ဖော်နည်း (၂) နည်း။
  28. သံဂုဏ်ဂမ္မံ အားဆေးဖော်နည်း (၂) နည်း။
  29. ဆံပင် မဖြူအောင် လုပ်နည်း
  30. ၀က်ခြံပျောက်ဆေး ဖော်နည်း။

အပေါ်မှာ ပြထားတဲ့ နည်းတွေကို အခြေခံ ဓာတုကုန်ထုတ် ပညာနည်းစဉ်တွေ ဖြစ်တဲ့ ကျိုချက်ခြင်း၊ အငွေ့ပြန်ခြင်း (Evaporation) ၊ ပေါင်းခံခြင်း (Distillation) ၊ မီးဖြင့်လှော်ခြင်း၊ ပြုတ်ခြင်း၊ အပူတိုက်ခြင်း၊ မီးအုံးခြင်း၊ မီးကင်ခြင်း၊ မီးဖုတ်ခြင်း၊ အခြောက်ခံခြင်း၊ အအေးခံခြင်း၊ အမှုန့်ကြိတ်ခြင်း၊ စကာချခြင်း၊ မွှေခြင်း၊ နှဲခြင်း၊ အရည်စိမ်ခြင်း၊ အရည်ဖျော်ခြင်း၊ အနည်ထိုင် အကြည်ခံခြင်း၊ အရည်စစ်ခြင်း၊ ဓာတ်စွဲကပ်ခြင်း (Absorption)၊ အဆီထုတ်ခြင်း (Oil Extraction) စတဲ့ လုပ်ငန်းစဉ်တွေနဲ့ ဆောင်ရွက်တယ်။ အပူပေးတဲ့နေရာမှာ ထင်းမီး၊ မီးသွေးမီးကို သုံးတယ်။ တစ်ခါတစ်လေ တိုက်ရိုက် အပူပေးပြီး တစ်ခါတစ်ရံ ရေ၊ သဲ၊ ဖွဲ၊ နွားချေး၊ မြင်းချေးတွေနဲ့ ကြားခံထားပြီး အပူပေးလို့ မီးအရှိန်ကို လိုသလို ထိန်းချုပ်နိုင်တယ်။

အဲဒီလို ထုတ်လုပ်တဲ့နေရာမှာ သုံးတဲ့ ကိရိယာတွေ၊ ကုန်ကြမ်းတွေ ( ဓာတုပစ္စည်းများ၊ သစ်ပင်ထွက် ပစ္စည်းများ နဲ့ လူ တိရိစ္ဆာန်ရဲ့ ပစ္စည်းများ ) ကို ကြည့်ပြီး အဲဒီခေတ်က သိပ္ပံပညာ အဆင့်အတန်းကို လေ့လာနိုင်တယ်။

ထုတ်လုပ်မှု ကိရိယာများ
အငွေ့ပြန် ပေါင်းခံရန် လံဘိကာပ (Alembic) ပေါင်းချောင်၊ စဥ့်သုတ်အိုးကောက်၊ ခံအိုး (Condenser Receiver)၊ ဖန်ခံအိုး၊ ခဲမဖြူ ပွတ်ခံအိုး၊ အလိုက်ကလိုက်။
အရည်ကျိုရန်၊ ပြုတ်ရန်၊ လှော်ရန် မြေအိုး၊ ကြေးအိုး၊ သံအိုး၊ ဖန်အိုး၊ သမ္ပရာပိုင်း။
မီးပြင်းတိုက်၍ ကျိုရန် လုံ၊ မိုက်၊ မိုက်လုံ၊ မိုက်ခွက်၊ စဥ့်သုတ်မိုက်၊ စဥ့်ဖြူသုတ်မိုက်၊ စဥ့်ဖြူလိမ်းမိုက်၊ ဖန်ဖြူ အတွင်းပြီးမိုက်၊ မိုက်စောက်၊ စလောင်းပါမိုက်။
အရည်စိမ်၊ အရည်ဖျော်၊ အနည်ထိုင်ရန် စဥ့်အိုး၊ ကြွေအိုး၊ အင်တုံ၊ မြေပုံး၊ ဖန်ဖလား၊ ဖန်အိုးလက်ရှည်၊ ပုလင်းကြီး၊ ညောင်ရေအိုး အ၀ကျယ်။
မွှေရန် သံဇွန်း၊ သံယောင်းမ။
အမှုန့်ကြိတ်ရန် ကြေးဆုံ၊ ကျောက်ပြင်။
စကာချရန် အ၀တ်၊ ပုဆိုး။
ဆီထုတ်ရန် အရည်စစ်သားရေအိတ်၊ အိတ်ကို ညစ်ယူရန် အပူပေးနိုင်သည့် ကြေးညှပ်၊ သံပြားညှပ်။
ပုဂံကြွေရည်သုတ် ရာတွင် ညှိပေးသည့် ယုန်မွှေးစုတ်တံ၊ နွားမွှေးစုတ်တံ။
အထွေထွေသုံးရန် ဖန်ခွက်၊ ပန်းကန်ပြား၊ ဖန်လုံး၊ မှန်ပြား၊ စက္ကူဖြူ၊ ရေပြင်းချက်ဖို၊ အိုးထိန်းစက်။

ဓာတုဗေဒ ပစ္စည်းများ
ရေပြင်း၊ ငရဲမီး (Acid) ၊ ပုံးရည်ပြင်း၊ သုံးခါပြန် ပုံးရည်၊ ထန်းရည်ပုံးရည် (Acetic Acid) ၊ အသစ်ညှစ် သံပုရာရည် (Citirc Acid) ၊ အိန္ဒနံပုံးရည် (Lead monoxide) ၊ အာဂေါ်ရေဆီ၊ ရေဘုရင် (တော်ဝင် အက်ဆစ်၊ Aqua regia) ၊ ကက္ကူကမည်း (Benzonic Acid) ၊ ပြဒါး၊ ဟင်္သပဒါး၊ အမာလာဂမာ (Amalgam) ၊ ရွှေဆိုင်း၊ စိန်ဖြူ (Arsenic) ၊ ဆေးဒါန်း၊ ကန့်၊ ခဲမ၊ ခဲမပုတ်၊ ခဲပြာ၊ ခဲမပြာ၊ ခဲမနက် (Graphite) ၊ ဝှော်ဆ၀ရော၊ လောင်မီး (Phosphorus) ၊ ခဲမဖြူ (ဘင်၊ သလွဲဖြူ၊ Pewter) ၊ ခနောက်စိမ်း (Antimony) ၊ ဘော် (Silver) ၊ ရွက်နီဘော်၊ ဂျွတ် (Bismuth) ၊ မီးသွေး၊ ကျပ်ခိုး၊ သံ၊ သံမှုန့်၊ သံတစဉ်းစာ၊ သံပြာ၊ သံမဏိပြာ၊ သံဂုံဂမံ (Ferric oxide) ၊ ကြေးနီ၊ ကြေးဝါ၊ ဒုတ္ထာ၊ ဒုတ္ထာဆီ၊ ဒုတ္ထာရည် (Blue vitorial, Copper sulphate) ၊ ယမ်း၊ ယမ်းပြန်ပြီး၊ ယမ်းစိမ်း၊ တာတရု၊ တာတဂူ၊ တာတလူ (Nitre, Salpeter, Potassium nitrate) ၊ ဇ၀က်သာ (Salammoniac, Ammonia chloride) ၊ လက်ချား (Borax, Sodium Pyroborate) ၊ သစ်ရွက်ပြာ၊ စဖိုပြာ (Potassium carbonate) ၊ မဖောက်ထုံး၊ မြေဖြူ၊ အာရုဒါ၊ အာရုဝါ (အရက်ဆား)၊ ကျောက်ချဉ်၊ ဆား (Sodium chloride) ၊ သဲ၊ အုတ်မှုန့်၊ အုတ်နီခဲ၊ မြေအိုးမှုန့်၊ အရက်နီ၊ ဘရံအရက် (Brandy) ၊ အာရကော် (Alcohol) ၊ သင်းတွဲစိမ်းမှုန့်၊ သန္ဓောဆား၊ တရေမင်တီနာဆီ၊ ရောဘာရဘူ (ထင်းရှူးဆီ)၊ အိန္ဒနံကျောက်၊ နှင်းရည်၊ ပရုပ်၊ ရေနံဆီ၊ ကတ္တရာဆီ၊ မြေဖယောင်း၊ နိပဆေး၊ သေနတ်ကျောက်၊ အင်ကြင်းကျောက်၊ သံလိုက်ကျောက်၊ ကျောက်သလင်း၊ ကျောက်စစ်။

အပင်ထွက် ပစ္စည်းများ
ဖုံးမသိမ်ရွက်၊ သမင်စမ၊ သမင်စဖို၊ ငှက်ပျော၊ လိပ်စရွေ၊ မဲကြီးရွက်၊ ထနောင်းကြူ၊ သက်ကယ်၊ အမှော်နရကူစေ့၊ ရှားပေါက်စေ့၊ သရက်ပွင့်၊ သရက်စေ့၊ အုတ်ရှစ်စေ့၊ အုတ်ရှစ်ဆီ၊ ပေါင်ပဲစေ့ (မာလတိ) ၊ ပေါင်ပဲ့ဆီ၊ ပိုက်ဆံစေ့၊ ပိုက်ဆံဆီ၊ ချဉ်သီးစေ့၊ ငရုတ်ကောင်း၊ ဖာလာ၊ ဇီယာ၊ စမုံမျိုးငါးပါး၊ ပဉ္စကနီသီး၊ ကညင်သီး၊ သပြေစေ့၊ သပြေသား၊ သပြေဆီ၊ ရုံးပတီသီး (ပဉ္စငါးပါး)၊ ကျစုသီး၊ လင်းနေဆီ၊ သင်းတွဲကညင်ဆီ၊ အုန်းဆီ၊ ရှားဆေးအဆီ၊ ဘိန်း၊ သစ်ကျပိုး၊ တောရပ်ခေါက်၊ ဇာတိပ္ဖိုလ်ပွင့်၊ လေးညှင်းပွင့်၊ သစ္စေး၊ ချိပ်၊ ရှိန်းခို၊ ကနခို၊ ကြောင်ပန်း၊ မုတ်၊ ရှောက်ခွံ၊ ချင်းခြောက်၊ ဟင်းနုနွယ်၊ ပိန္နဲနွယ်၊ နနွင်းတက်၊ ထန်းနို့၊ မဲနယ်၊ သကြားပွင့်၊ ဂျုံမှုန့်၊ တိန်းညက်၊ ထန်းလျက်။

လူတိရိစ္ဆာန်တို့၏ ပစ္စည်းများ
လူ့အံဘတ်၊ လူ့ကျင်ကြီး၊ လူ့ကျင်ငယ် (Urine phosphate) ၊ မြင်းချေး၊ နွားချေး၊ ထောပတ်၊ ၀က်ဆီ၊ ဆိတ်ဆီ၊ နွားဆီ၊ ကျွဲဆီ၊ ခွေးဆီ၊ ၀မ်းဘဲဆီ၊ ကင်းပုစွန်ဆီ၊ ခွေးမနို့၊ ခွာအမျိုးမျိုး၊ သမင်ဂျို၊ ဂျိုအမျိုးမျိုး၊ အမဲရိုး၊ အမွှေးအတောင် အမျိုးမျိုး၊ ကြက်ဥအကာ၊ ပရွက်ကောင်၊ ခါချဉ်ကောင်။

ကျမ်းကြီး တစ်စောင်လုံးမှာ အရေးအသားပိုင်း အံသြရလောက်အောင် တိကျမှုရှိတယ်။ စနစ်ကျတယ်။ ရေပြင်းချက်တဲ့ဖို တည်ဆောက်ပုံ ဖော်ပြတဲ့နေရာမှာ ဟာကွက် မရှိအောင် အသေးစိတ် ဖော်ပြထားပုံက နှစ်လိုဖွယ်ကောင်းတယ်။ မီးပေးမီးယူ ထုတ်လုပ်မှု ထိန်းချုပ်ပုံ စနစ်ကလည်း အလွန် သိပ္ပံနည်း ကျလှတယ်။ လွန်ခဲ့တဲ့ နှစ်ပေါင်း ရာနဲ့ချီတဲ့ အချိန်ကတည်းက ပြုစုထားတဲ့ မြန်မာတို့ရဲ့ ဓာတုဗေဒ ထုတ်လုပ်ရေးတစ်ရပ် ဖြစ်ပေမယ့် အခုခေတ် အဆင့်နဲ့ ချိန်ထိုးကြည့်ရင် ရေးသားပုံက ရေပက်မ၀င်အောင် ရှိနေလို့ ဂုဏ်ယူစရာ သိပ်ကောင်းတယ်။
ဓာတုဗေဒ ပညာရပ် ပိုင်းက သုံးသပ်ရင်လည်း ဓာတုပညာရပ်ကို စခဲ့တဲ့ ရှေးခေတ် အဂ္ဂိရတ် ဆရာကြီးတွေရဲ့ ယမ်းငရဲမီး၊ ကန့်ငရဲမီး၊ ဆားငရဲမီး နဲ့ ရွှေစား ငရဲမီး ထုတ်လုပ်ပုံ နည်းစနစ်တွေနဲ့ ပုံစံတူတာ တွေ့ရတယ်။ ဒါကြောင့် မြန်မာတွေဟာ အဲဒီ အချိန်ကတည်းက မှန်ကန်တဲ့ ဓာတုဗေဒ ပညာ လမ်းကြောင်းပေါ်ကို ခြေချမိနေပြီ ဆိုတာ သိသာ ထင်ရှားပါတယ်။ ဒါတွေကို ကြည့်ပြီး ရှေးခေတ် ဓာတုဗေဒ ပညာရပ်ဟာ ရွှေဖြစ် ငွေဖြစ် စိတ်ကူးယဉ်ဆန်တဲ့ ၀ိဇ္ဇာ ပညာရပ်ချည်း မဟုတ်ဘဲ သိပ္ပံပညာရပ်တွေလည်း ရှိသေးတယ်ဆိုတာ မြင်သာထင်သာအောင် တင်ပြလိုက်ပါတယ်။

ဤပို့စ်ကို ရှေးခေတ်မြန်မာသိပ္ပံကျမ်းများ – ဒေါက်တာမျိုးသန့်တင် မှ နားလည်သလို ပြန်လည် ကောက်နှုတ် ကိုးကား၍ ဖော်ပြလိုက်ပါသည်။


မြန်မာနိုင်ငံမှ ငွေစက္ကူများ

ကိုလိုနီခေတ်ကနေစပြီး မြန်မာနိုင်ငံမှာ သုံးဖူးတဲ့ ငွေစက္ကူတွေကို ရနိုင်သလောက် စုစည်းပြီး တင်ပြလိုက်ပါတယ်။ ကျွန်တော်တို့ မြန်မာနိုင်ငံသားတွေ ဖြစ်နေကြပါလျက်နဲ့ ဒီနိုင်ငံမှာ လက်ရှိသုံးစွဲလို့ရနေသေးတဲ့ ငွေစက္ကူတွေအားလုံးကို လူငယ်တချို့ မြင်တောင်မမြင်ဖူးတော့ပါဘူး။ ဒီကွက်လပ်လေးကို ဖြည့်ပေးချင်လို့ ကိုယ့်မှာရှိတဲ့ ငွေစက္ကူရော၊ မရှိတာတွေကို အင်တာနက်မှာ ရှာပြီးတော့ အခုလို တင်ပြလိုက်တာပါ။ ဗဟုသုတရမယ်လို့ ယုံကြည်ပါတယ်။ လွတ်လပ်ရေးရပြီးခေတ်နောက်ပိုင်း ထုတ်ဝေတဲ့ ငွေစက္ကူအားလုံးနီးပါး ကျွန်တော်အပြင်မှာ မြင်ဖူးပါတယ်။ ဂျပန်ခေတ်နဲ့ ကိုလိုနီခေတ်က ငွေစက္ကူတွေကိုတော့ အင်တာနက်ကပဲ ရှာထားတာပါ။
ကိုယ်ကြည့်ပြီးလို့ရှိရင်လည်း တခြားလူတွေကို ညွန်ပေးစေချင်ပါတယ်။ နောက်ပြီး ဒီမှာရှိတဲ့ ငွေစက္ကူပုံတွေကို ကျွန်တော် အသည်းအသန်ရှာထားတာ ဆိုပေမယ့်လည်း အားလုံးကို သိစေချင်တဲ့ဆန္ဒ အပြည့်နဲ့ပါ။ ဒါကြောင့် ဒီငွေစက္ကူပုံတွေကို ကြိုက်သလို ကူးယူပြန့်ပွါးပေးကြပါ။ အကယ်၍ ကျွန်တော့ဆီမှာ လိုအပ်နေတဲ့ပုံတချို့ ရှိမယ်ဆိုရင်လည်း မျှဝေပေးပါဦးလို့ တောင်းဆိုချင်ပါတယ်။ ဂျပန်ခေတ်ကနေစပြီး ရှိရမယ့်ငွေစက္ကူတွေ ပြည့်ပြည့်စုံစုံရှိမယ်လို့ ယူဆတယ်။ ကိုလိုနီခေတ်မှာ အိန္ဒိယရဲ့ ပြည်နယ်တစ်ခုအနေနဲ့ ရှိနေပေမယ့် မြန်မာနိုင်ငံအတွက် ငွေစက္ကူသီးသန့် ထုတ်တာလည်းရှိသလို `ဗမာပြည်တွင် သုံးနိုင်သည်´ လို့ရေးပြီး ထုတ်တာလည်းရှိတယ်။ ကိုလိုနီခေတ်က မြန်မာနိုင်ငံမှာ သုံးလို့ရတဲ့ ငွေစက္ကူက အများကြီးလိုနေသေးတယ်။ ထပ်ရှာရဦးမယ်။ ရှိရင်လည်း မျှဝေပေးပါဦးလို့ တောင်းဆိုပါရစေ။
၁၉၄၄ ခုနစ်မှာ `ဂျပန်နိုင်ငံတော်အစိုးရ´ ဆိုတဲ့နာမည်နဲ့ ငွေစက္ကူတွေ ထုတ်ထားတာတွေ့ရသလို `ဗမာနိုင်ငံတော်ဘဏ်´ ဆိုတဲ့နာမည်နဲ့ ထုတ်ထားတဲ့ ငွေစက္ကူတွေလည်းတွေ့ရတယ်။ ၁၉၄၈ ခုနစ်မှာ တစ်ကျပ်တန်ကို ဗမာနိုင်ငံအစိုးရ ဆိုတဲ့နာမည်နဲ့ထုတ်ပြီး ၁၉၅၃ ခုနစ်မှာ အဲဒီ ဒီဇိုင်းကို မပြောင်းဘဲ `ပြည်ထောင်စုမြန်မာနိုင်ငံတော်ဘဏ်´ ဆိုတဲ့နာမည်နဲ့ ပြောင်းထုတ်တယ်။ နောက်ထူးခြားချက်တစ်ခုကတော့ အများသိတဲ့အတိုင်းပဲ ၁၉၉၄ ခုနစ်က ထုတ်ခဲ့တဲ့ ၅၀၀ကျပ်တန် နဲ့ ၁၉၉၈ ခုနစ်မှာ ထုတ်ခဲ့တဲ့ ၁၀၀၀ကျပ်တန် ငွေစက္ကူတွေကို ၂၀၀၄ ခုနစ်မှာ ဒီဇိုင်းလုံးဝမပြောင်းဘဲ အရွယ်အစားသေးပြီး ထပ်မံထုတ်ခဲ့တာပဲ။ နောက်ပြီး ၂၀၀၅ ခုနစ်က ၅၀၀၀ကျပ်တန်ငွေစက္ကူတွေ ပုံနှိပ်ပြီးလို့ ထွက်တော့မယ်ဆိုတဲ့ ကောလဟာလတွေ ထွက်ခဲ့တယ်။
ထွက်ခဲ့ဖူးတဲ့ငွေတွေထဲမှာ ၁၉၁၇ ခုနစ်ထုတ်တဲ့ Rupees Two Annas Eight ( Rs. 2/8 ) ဆိုတဲ့ ငွေစက္ကူရဲ့ တန်ဖိုးကို နားမလည်ဘူး။ အဲဒီခေတ်က ၁ရူပီး (Rupee) ကို ၁၀၀ စန့် (Cent) ရှိတယ်။ ဒါဆို အဲဒီ Annas ဆိုတာကကော ဘာလဲ။ အဘိဓာန်ရှာကြည့်မှ Anna ဆိုတာ Rupee ရဲ့ ၁၆ ပုံ ၁ ပုံ ဆိုတာသိရတယ်။ မြန်မာလိုပြောရင် တစ်ပဲ ပေါ့။ ဒါဆို ၁၉၁၇ ခုနစ်က ထုတ်တဲ့ Rupee Two Annas Eight ဆိုတဲ့ ငွေစက္ကူက တစ်မတ်တန်ပဲ ဖြစ်ရမယ်။ အဲဒါ အိန္ဒိယအစိုးရကထုတ်တာ။ ၁၉၄၂ ခုနစ်မှာကျတော့ 1/4 Rupee လို့ ရှင်းရှင်းလင်းလင်းရေးထားတော့ တစ်မတ်မှန်းတန်းသိတာပေါ့။
အကြွေစေ့တွေကိုတော့ ရှာတုန်းပဲရှိသေးတယ်။ သိပ်မတွေ့သေးဘူး။ ရခိုင်ကိုရောက်တုန်းက ပြတိုက်မှာ ရခိုင်ဒင်္ဂါးတွေ တွေ့ခဲ့လို့ အကုန် ဓါတ်ပုံရိုက်ယူလာခဲ့တယ်။ အဲဒါတွေက Editing လုပ်တုန်းရှိသေးတယ်။
လိုတာလေးတွေ ရှိရင်၊ သိရင် ထပ်ဖြည့်ပေးခဲ့ပါဦးလို့ ထပ်ပြောပါရစေ။

အမှန်အတိုင်းပြောရရင် ကျနော်ပို့စ်တွေမှာ ပုံတွေအများကြီး မတင်ချင်ပါ။ မလွှဲသာလို့ ပုံတင်ရမယ်ဆိုရင် အဲဒီပုံကို တတ်နိုင်သလောက် သေးအောင်လုပ်ပါတယ်။ ဘာလို့မတင်ချင်လဲဆိုတော့ ပုံတွေအများကြီးတင်ရင် ဘလော့ဂ်တက်ဖို့ အတော်နှေးမှာမို့ပါ။ ကျနော်ဘလော့ဂ်ကို တင်ဖို့ အများဆုံး တစ်မိနစ်လောက်ပဲ အချိန်ကြာစေချင်တယ်။ တစ်မိနစ်အကြာမှာ စဖတ်လို့ရရမယ်။
အခု ဒီပိုက်ဆံပုံတွေကို တင်ဖို့ အင်မတန် ၀န်လေးနေခဲ့ပါတယ်။ မကြာအောင် ဘယ်လိုလုပ်မလဲလို့လဲ အသည်းအသန် စဉ်းစားခဲ့တယ်။ ဒီပိုက်ဆံတွေရဖို့လည်း အတော်ကြိုးစားထားတာဆိုတော့ ကိုယ်တစ်ယောက်တည်း ကြိတ်ပြီး မခံစားချင်ဘူး။ မျှဝေပေးချင်တယ်။ ဒါကြောင့် ဘယ်လိုပဲဖြစ်ဖြစ် တင်မယ်လို့ ဆုံးဖြတ်ခဲ့တာ။ ကော်နက်ရှင် တအားနှေးတော့ ဒီပုံတွေအားလုံးတင်ဖို့ ၉ နာရီနီးပါးလောက် အချိန်ပေးခဲ့ရတယ်။ အရေးထဲနှေးပါတယ်ဆိုမှ ဘန်းကျော်သုံးရတော့ ပြောနေဖို့မလိုတော့ပါဘူး။
ဒါကြောင့် ဒီပို့စ်လေးကို ကြည့်ရင်လည်း စိတ်ရှည်ပေးကြပါလို့ တောင်းပန်ပါတယ်။ ကျနော်ရဲ့ ကြိုးစားအားထုတ်ခဲ့မှုကို အသိမှတ်ပြုတဲ့ အနေနဲ့ပေါ့ဗျာ။ မြန်မာနိုင်ငံသားတိုင်းနဲ့ဆိုင်တဲ့ မှတ်တမ်းတစ်ခုအနေနဲ့ ကျန်နေခဲ့စေချင်ပါတယ်။



၁၉၃၇ ခုနစ်မှ ၁၉၄၅ ခုနစ်အထိ ထုတ်ဝေခဲ့သော ငွေစက္ကူပုံများ
၁၉၄၈ ခုနစ်မှ ၁၉၈၇ ခုနစ်အထိ ထုတ်ဝေခဲ့သော ငွေစက္ကူပုံများ
၁၉၉၀ ခုနစ်မှ ယခုအချိန်ထိ ထုတ်ဝေခဲ့သော ငွေစက္ကူပုံများ