မိတ်ဆက်ပွဲလေးတစ်ပွဲ

ကြွရောက် အားပေးကြသူ အားလုံးကို မင်္ဂလာ အပေါင်းနဲ့ ခညောင်းကြပါစေလို့ ပထမဦးစွာ မေတ္တာ ပို့သလိုက်ရပါတယ်။

အခမ်းအနားမှူးအနေနဲ့ ကျနော် ပီကေကနေ ပြုလုပ်မှာ ဖြစ်ပါတယ်။ ဒီအခမ်းအနားက မိတ်ဆက်ပွဲလေး ဆိုတော့ ပရိသတ်အနေနဲ့ ဘာကို မိတ်ဆက်မှာလဲ ဆိုတာကို အတော်လေး စိတ်ဝင်နေကြမှာပါ။ ဘာကို မိတ်ဆက်မလဲလို့ မပြောခင်မှာ အခမ်းအနား အစီအစဉ်လေး တစ်ချက်လောက်တော့ ပြောပါရစေ။ ဒီအခမ်းအနာမှာ ဘလော့ဂ်တစ်ခုနဲ့ မိတ်ဆက်ပေးမှာပါ။ မိတ်ဆက်ရင်းနဲ့ပဲ ပေါ်လာပုံလေးရယ်၊ ရည်ရွယ်ချက်ကလေးရယ်၊ ရှေ့ဆက်လျှောက်မယ့် ခရီးစဉ်ရယ်၊ ချမှတ်ထားတဲ့ အစီအစဉ်အတွက် အကြံဉာဏ်ကိုပါ တစ်ပါတည်း တောင်းခံသွားမှာ ဖြစ်ပါတယ်။ အခု အခမ်းအနား အစီအစဉ် တစ် အရ မိတ်ဆက်ပွဲလေး စတင်ပါပြီ ခင်ဗျာ။

ကျနော် အခု အားလုံးနဲ့ မိတ်ဆက်ပေးချင်တာကတော့ မြန်မာသံစဉ်စားသားများလို့ နာမည်ရတဲ့ ဘလော့ဂ်လေး ဖြစ်ပါတယ်။ ဒီဘလော့ဂ်ရဲ့ လိပ်စာကတော့ http://lyric.pikay.org ပါ။ ဒီဘလော့ဂ်မှာ အဓိကထားပြီး တင်ပြထားတာကတော့ မြန်မာ့သီချင်းတွေရဲ့ စာသားကို အသားပေးထားပါတယ်။ ခေတ်ပေါ်သီချင်းလို့ မပြောဘဲ မြန်မာ့သီချင်းများလို့ နာမည်ကို သိမ်းကျုံးပြီး ပြောထားပါတယ်။ အကြောင်းက မြန်မာသီချင်းမှန်လျှင် ဒီမှာ ရှာပါ ဆိုတဲ့ ရည်ရွယ်ချက်ပါ။

ဟိုးအရင်ကတည်းက ကျနော့်အနေနဲ့ ကိုယ်ပိုင် ဒိုမိန်းလေး ၀ယ်ထားရတဲ့ ရည်ရွယ်ချက်ထဲမှာ ဒီစာသားတွေ တင်ဖို့က တစ်ခု အပါအ၀င်ပါ။ ဘာလို့လဲ ဆိုတော့ ကျနော် နိုင်ငံအတော်များများရဲ့ သီချင်းစာသားတင်ထားတဲ့ ဆိုဒ်တွေကို ရောက်ဖူးပါတယ်။ ဒါပေမယ့် မြန်မာသီချင်းအတွက် သီးသန့် ရှိတယ်လို့ မကြားမိပါဘူး။ ဒါလေး လိုအပ်နေတယ်လို့ ယုံကြည်မိတဲ့ နောက်ပိုင်းမှာ လုပ်မယ်ဆိုတဲ့ ဆုံးဖြတ်ချက်နဲ့ စီစဉ်ခဲ့ပါတယ်။ ဒါပေမယ့် မအောင်မြင်ခဲ့ပါဘူး။ ၀ါသနာပါရုံ သက်သက်နဲ့ဆိုရင် ငွေရေးကြေးရေးအရ အခက်အခဲ အများကြီး ရှိနေပါတယ်။ ဒါကြောင့် မအောင်မြင်ပါဘူး။ နောက်ပိုင်း ဘလော့ဂ်နဲ့ ရင်းနှီးလာပြန်တော့လည်း html နဲ့ script တွေကို သိပ်နားမလည်တော့ အခက်တွေ့ပြန်ပါတယ်။ ဒါပေမယ့် အနည်းအကျဉ်း လေ့လာဖူးတာကြောင့် ကိုယ်ပိုင် ၀က်ဘ်ဆိုဒ်တစ်ခုလောက်တော့ မခက်ခဲပါဘူး။ ဒါကြောင့်လည်း အခု http://lyric.pikay.org ဆိုတဲ့ ဘလော့ဂ်လေး အကောင်အထည် ပေါ်လာပါတယ်။

နောက် ပြဿနာ တစ်ခု ရှိနိုင်တာက သီချင်းစာသား စုဆောင်းဖို့ပါ။ ဒါလည်း ကျနော့်အတွက် သိပ်တော့ မခက်ခဲပါဘူး။ ဘာလို့လည်း ဆိုတော့ ကျနော်ဟာ စာအုပ်စုတာ ဘယ်လောက် ၀ါသနာ ပါလဲ ဆိုရင် သီချင်းစာအုပ်တောင် ၀ယ်စုပါတယ်။ ဒါကြောင့် ကျနော့်ဆီမှာ ရှိတာနဲ့ ဆိုရင် သီချင်းကြီး၊ သီချင်းဟောင်း နဲ့ ခေတ်သီချင်း အပါအ၀င် အနည်းဆုံး အပုဒ် (၂၀၀၀) လောက်တော့ တင်နိုင်မှာပါ။ အသစ်အသစ် ထွက်နေတဲ့ သီချင်းစာအုပ် အသစ်တွေကိုလည်း ရည်ရွယ်ချက် ရှိရှိနဲ့ ၀ယ်ပြီး စုနေပါတယ်။ သီချင်းအဟောင်းအနေနဲ့ ၁၉၂၀ ခုနစ် ပတ်ဝန်းကျင်က သီချင်းစာသားတွေက အစ စုဆောင်းထားပါတယ်။ စုံတယ်လို့တော့ ပြောလို့မရသေးဘူး။ ခေတ်သီချင်းတွေ အနေနဲ့လည်း အများကြီး ကျန်သေးတာတော့ သေချာပါတယ်။

တတိယ အခက်အခဲကတော့ ကျနော် တစ်ယောက်တည်းနဲ့ ဒါစာသားတွေကို ခပ်မြန်မြန်နဲ့ မတင်နိုင်တဲ့ ပြဿနာပါ။ ဒီအတွက် အကူအညီပေးနေတဲ့ ညီငယ် ညီမငယ် တချို့ ရှိပါတယ်။ ကျနော် ကိုယ်တိုင်လည်း အားရင် အားသလို ရိုက်ပြီး တင်နေပါတယ်။ အခု မိတ်ဆက်ပွဲ လုပ်နေချိန်မှာပဲ သီချင်း အပုဒ်ရေ (၂၅၀) မက တင်ထားပြီးပါပြီ။ သေချာတာကတော့ ကျနော်တစ်ယောက်အားနဲ့ သွားနေရင်တော့ အတော်လေး ကြာနိုင်ပါတယ်။ ဒါကြောင့်လည်း ကူညီပေးတဲ့ ညီငယ် ညီမငယ်တွေကို အထူးကျေးဇူးတင်မိပါတယ်။ သီချင်းစာသားတွေကို အကုန်လုံး တပြိုင်တည်း မတင်နိုင်တဲ့ အတွက် ကိုယ်လာလည်တဲ့ အချိန်မှာ ကိုယ်ရှာချင်တဲ့ စာသား မရှိတာလည်း ဖြစ်နိုင်ပါတယ်။ အကယ်၍ လာလည်လို့ လိုချင်တဲ့ သီချင်း တင်မထားရင် အားမနာပါနဲ့။ အော်သွားပေးပါ။ CBOX ထဲမှာ အော်ထားတဲ့ သီချင်းကို ဦးစားပေးပြီး အရင် တင်ပေးပါ့မယ်။ ကျနော် CBOX ထားရတဲ့ ရည်ရွယ်ချက်က ဒါပါ။ အကုန်လုံး မတင်နိုင်သေးတောင် လိုအပ်တဲ့ သီချင်းလေးတွေ တင်နိုင်ရင်ဖြင့် ကျေနပ်လှပါပြီ။ တောင်းဆိုထားတာ တင်ပြီးပြီ ဆိုရင်လည်း ချန်ခဲ့တဲ့ လိပ်စာ (အီးမေးလ်၊ ဘလော့ဂ်) အတိုင်း ပြန်အကြောင်းကြားပေးပါ့မယ်။

အကယ်၍သာ ကိုယ့်မှာ ရိုက်ထားပြီးသား သီချင်းစာသားတွေ ဒီဘလော့ဂ်မှာ တင်မထားရသေးလို့ ဝေမျှပေးချင်တယ် ဆိုရင်လည်း ကျနော်တို့က အတိုင်းထက် အလွန် ၀မ်းသာမိမှာပါ။ အဲဒီလို စိတ်စေတနာရှိလို့ ပို့ပေးချင်ရင်ဖြင့် mmlyrics@gmail.com ကို အီးမေးလ် ပို့ပေးပါလို့ တောင်းဆိုချင်ပါတယ်။ လောကကြီးမှာ ဘယ်နေရာမဆို တစ်ယောက်ကောင်းနဲ့တော့ အဆင်မပြေနိုင်တာ အမှန်ပါ။ အားလုံးရဲ့ ၀ိုင်းဝန်းကူညီ ပံ့ပိုးမှု ရှိမှသာ လုပ်ငန်းတစ်ခုဟာ ချောချောမွေ့မွေ့ လည်ပတ်နိုင်မယ်လို့ ကျနော် ယုံကြည်ပါတယ်။ ဒါကြောင့်လည်း ဒီဘလော့ဂ်လေး အဓွန့်ရှည်ဖို့ အားဖြည့်ပေးတဲ့လူတွေကော၊ အားပေးတဲ့ လူတွေကော၊ အကြံပေးတဲ့လူတွေကိုပါ ကြိုတင်ပြီး ကျေးဇူးတင်ထားပါတယ်။

ဘလော့ဂ်တစ်ခု အသက်ဝင်နေဖို့ ဆိုတာ အတော်လေး ခဲယဉ်းတဲ့ ကိစ္စတစ်ခုပါ။ ဒါကို ဘလော့ဂါ မောင်နှမတွေ အားလုံး သိနှင့်ပြီး ဖြစ်ပါလိမ့်မယ်။ အခုတလော ဒီ သီချင်းစာသားဘလော့ဂ်ဘက်ကို အားရောက်နေတော့ ပီကေ ဘလော့ဂ်မှာ အားနည်းသွားရင် ခွင့်လွှတ်ပါလို့ ပြောချင်တာပါ။ ဒါပေမယ့် ပီကေ ဘလော့ဂ်ကိုလည်း အမြဲ အသက်ဝင်နေအောင် ကြိုးပမ်းသွားမှာပါ။ ဒီ မြန်မာသံစဉ်စာသားများ ဘလော့ဂ်ကို အသက်ဝင်နေဖို့ဆိုရင် up to date ဖြစ်ဖို့ လိုအပ်ပါတယ်။ ဒီတစ်ပတ် ဘာသီချင်းခွေ အသစ်ထွက်သလဲ။ အဲဒီသီချင်းစာသားတွေ ဒီဘလော့ဂ်မှာ တင်ထားတယ် ဆိုမှ up to date ဖြစ်တယ်လို့ ပြောနိုင်မှာပါ။ အဲဒီလို ဖြစ်အောင်တော့ ကျနော်တို့ ဘက်က ကြိုးစားသွားရမယ့် တာဝန်ရှိနေပါတယ်။ ဒါ အိမ်ရှင့် တာဝန်ပေါ့။ လာလည်တဲ့ ဧည့်သည်အတွက် ၀တ္တရား ကျေပွန်ရမယ်လို့ ယူဆမိပါတယ်။

နောက်တစ်ခုအနေနဲ့ ကျနော် ပြောချင်တာက စီမံကိန်းပါ။ ဒီဘလော့ဂ်ရဲ့ စီမံကိန်း ပထမ အဆင့်အနေနဲ့ ကျနော့်ဆီမှာ ရှိသမျှ သီချင်းစာသားတွေ တင်ဖို့ပါ။ အဲဒီအတွက်ကို အချိန်အတော်လေး ယူရပါမယ်။

ဒီအဆင့် ပြီးသွားရင်တော့ ဒုတိယအဆင့် အနေနဲ့ ဂီတာ တီးသူတွေအတွက် အဆင်ပြေနိုင်ဖို့ ကော့ဒ် (Chords) ထည့်ပေးဖို့ပါ။ အရင်က ကော့ဒ် ထည့်ကြည့်တော့ အခက်အခဲ အနည်းငယ် ကြုံနေရပါတယ်။ အဲဒါက စပေ့စ် ပြဿနာပါ။ ကော့ဒ် တစ်ခုနဲ့ တစ်ခု ကြားမှာ ခြားထားတဲ့ (စပေ့စ်) ကွက်လပ်ဟာ မတင်ခင်က တစ်မျိုး တင်ပြီးတော့ တစ်မျိုး ဖြစ်နေပါတယ်။ ဒီပြဿနာကို ဖြေရှင်းဖို့ ကြိုးစားနေတုန်းပါ။ အကယ်၍ ဖြေရှင်းနည်းလေး သိရင် အကြံပေးခဲ့ပါဦးလို့ တောင်းဆိုချင်ပါတယ်။ စားသားတွေ အားလုံးနီးပါး တင်ပြီးပြီ ဆိုရင်တော့ ကော့ဒ်တွေ ထည့်ဖို့ စတင်လှုပ်ရှားမှာ ဖြစ်ပါတယ်။

တတိယမြောက် စီမံကိန်းကတော့ ရောက်ဖို့ အတော်ကြာပါလိမ့်ဦးမယ်။ နောက်ဆုံးမှာ ထားရခြင်း အကြောင်းက သိပ်အရေးမပါလို့ပါ။ အရေးမပါဘူး ဆိုတာကတော့ ဒီဘလော့ဂ်မှာ မပါလည်း ဘာမှ အကြောင်းမထူးဘူးလို့ ဆိုလိုတာပါ။ ပါမယ် ဆိုရင်တော့ ပိုကောင်းသွားမယ် ထင်တယ်။ တတိယမြောက် စီမံကိန်းက အဲဒီ သီချင်း တစ်ပုဒ်ချင်းစီရဲ့ ဒေါင်းလုတ် ဆွဲချနိုင်တဲ့ လင့်ခ်လေးတွေ ထည့်ပေးခြင်းပါပဲ။ ကျနော် သိသလောက် ပြောရရင် သီချင်း အတော်များများဟာ အခုအချိန် ဆာဗာအများကြီးမှာ အသီးသီး တင်ထားတယ်လို့ ယုံကြည်ပါတယ်။ ဆာဗာမှာ တင်ထားတာ မရှိတဲ့ သီချင်း အတော်လေး ရှားပါလိမ့်မယ်။ မသိလို့သာ ဖြစ်ပါလိမ့်မယ်။ နောက်တစ်ခုက စုစုစည်းစည်း မရှိလို့ပါ။ ကျနော့်အနေနဲ့ ကိုယ့်ဖာသာ ထပ်တင်နေမယ့် အစား တင်ပြီးသားလေးတွေ ရှာပြီး လင့်ခ်လုပ်ပေးနိုင်ရင်ဖြင့် အတော်လေး အသုံးတည့်မယ်လို့ ယူဆမိပါတယ်။ ဒါလည်း ကျနော် တစ်ယောက်တည်းနဲ့ လုံးဝ မစွမ်းသာတဲ့ ကိစ္စတစ်ခုပါ။ အများရဲ့ အကူအညီ အပြည့်အ၀ လိုပါတယ်။ သိတဲ့လူက ဒီသီချင်းခွေကို ဒီမှာ ဒေါင်းလုတ် ယူလို့ ရပါတယ် ဆိုတာလေး လာအော်ပေးရင်ဖြင့် ဒီဘလော့ဂ်မှာ လင့်ခ်လေး ထည့်ပေးလိုက်ရုံပါပဲ။ အဲဒီလိုလေး အားလုံးကို မျှဝေပေးချင်ပါတယ်။

အားလုံးကို အဆင်ပြေစေချင်တဲ့ ရည်ရွယ်ချက်နဲ့ ခရီးဆက်လျှောက်နေတာ ဖြစ်တဲ့အတွက် အကူအညီတောင်းရမှာ ၀န်မလေးသလိုပဲ အကူအညီပေးရမှာလည်း ဖင်မလေးပါဘူး။ အားလုံးရဲ့ အကူအညီကိုလည်း အမြဲ ကြိုဆိုနေသလိုပဲ အကူအညီလိုသူတွေကိုလည်း လက်ကမ်းလျက်ပါလို့ ပြောကြားရင်းနဲ့ နိဂုံးချုပ် အပ်ပါတယ် ခင်ဗျားးးး

အစားအသောက် အစီအစဉ်အနေဖြင့် ကော်ဖီ နဲ့ ကိတ် တည်ခင်း ဧည့်ခံထားပါသည်။
အော် တစ်ခုတော့ သတိပေးပါရစေ။ မြန်မာစာကားပုံ တစ်ခုရှိပါတယ်။ သိသူကျော်သွား မသိသူဖော်စား တဲ့ ခင်ဗျ။


ပိုင်ဆိုင်မှု စားရိတ်

ကျနော်တို့ဟာ နေ့တိုင်း အလဲအထပ်လေးတွေ လုပ်နေကြရတာကို ကျနော်တို့ကိုယ်တိုင် သတိမထားမိကြဘူး။ ဆုံးဖြတ်ချက်တစ်ခုကို ချမယ်လုပ်တိုင်းမှာ ရွေးချယ်စရာ နည်းလမ်းတွေထဲက တစ်ခုချင်းစီရဲ့ ကောင်းကျိုးဆိုးပြစ်တွေကို ဝေဖန်ပိုင်းခြားတတ်မှ အန္တရာယ် အကင်းဆုံး ဆုံးဖြတ်ချက်တစ်ခုကို ရနိုင်မယ်။ ဒါပေမယ့် အခြေအနေ အတော်များများမှာ ဆုံးဖြတ်ချက်တစ်ခုရဲ့ စားရိတ် (Cost) ကို တွက်ထုတ်နိုင်ဖို့ အတော်လေး ခက်ပါတယ်။

ဥပမာတစ်ခုနဲ့ စဉ်းစားကြည့်ရအောင်။ ဆယ်တန်းအောင်ထားတဲ့ လူတစ်ယောက်ဟာ တက္ကသိုလ် ဆက်တက်သင့် မသင့် ဆုံးဖြတ်ချက် ချဖို့ ကြိုးစားနေတယ်။ တက္ကသိုလ် ဘွဲ့ရ တစ်ယောက်အတွက် ဘာတွေ ပို အကျိုးရှိလာမလဲ။ သေချာတာတစ်ခုကတော့ ဘွဲ့ရတစ်ယောက်နဲ့ ဆယ်တန်းအောင် တစ်ယောက်မှာ ဘွဲ့ရတစ်ယောက်ဟာ အလုပ်ရဖို့ ပိုသေချာနိုင်တယ်။ ဒါဆို စားရိတ်စားခ က ဘာတွေ ရှိမလဲ။ ဒါကိုတွက်ဖို့ ကျနော်တို့ ဘာတွေကို ထည့်ပေါင်းမလဲဆိုရင် ကျောင်းလခ၊ ကျူရှင်လခ၊ စာအုပ်ဖိုး၊ အဆောင်ခ၊ ဖယ်ရီကြေးတွေကို ထည့်တွက်ကြမှာ သေချာတယ်။ ဒါပေမယ့် ဒါတွေနဲ့တင် တက္ကသိုလ် တက်တဲ့ စားရိတ်က အတိအကျ တွက်လို့ ရပြီလား။ ကျောင်းဆက်တက်ဖို့အတွက် စွန့်လွှတ်လိုက်ရတာတွေကော ထည့်မတွက်တော့ဘူးလား။

ခုနက တွက်ထားတဲ့ စားရိတ်ထဲမှာ စဉ်းစားစရာလေးတွေ ပါနေတယ်။ ပထမအချက်က ကျနော်တို့ တက္ကသိုလ်တက်တဲ့ စားရိတ်ထဲမှာ အဆောင်ခတွေ အစားအသောက် စားရိတ်တွေ ထည့်တွက်ကြတယ်။ ဒါပေမယ့် ကျနော်တို့ တက္ကသိုလ် မတက်ရင်ကော နေထိုင်စားသောက် စားရိတ်က မကုန်တော့ဘူးလား။ ကျောင်းနားမှာ အဆောင်ငှားနေလို့ နေထိုင်စားသောက် စားရိတ်က ပိုသက်သာသွားတာ ဖြစ်နိုင်သလို၊ အပြင်မှာ ထွက်နေလိုက်မှ အိမ်မှာနေတာထက် စားရိတ်စားခတွေ အများကြီး ပိုတက်လာတာလည်း ဖြစ်နိုင်တယ်။

စဉ်းစားစရာ ဒုတိယတစ်ခုက ကျနော်တို့ရဲ့ စားရိတ်ထဲမှာ တန်ဖိုး အကြီးဆုံးဖြစ်တဲ့ အချိန်ဆိုတာကို ထည့်တွက်ဖို့ မေ့ထားကြတယ်။ အကယ်၍ တစ်နှစ်တာ ကျောင်းကိုပုံမှန် တက်နေမယ်ဆိုရင် အဲဒီကာလအတွင်းမှာ အလုပ်လုပ်ဖို့ မဖြစ်နိုင်တော့ဘူး။ ဒါဆိုရင် ကျောင်းတက်တဲ့ လူတစ်ယောက်ဟာ အဲဒီတစ်နှစ်အတွင်း အလုပ်လုပ်လို့ ရမယ့် ၀င်ငွေတွေ လက်လွှတ်ရမယ်။ အဲဒါကို အခွင့်အလမ်း စားရိတ်လို့ ခေါ်တယ်။ စာနဲ့ပေနဲ့ ပြောရရင် အခွင့်အလမ်းစားရိတ် ဆိုတာ တစ်ခုခုကို အရယူဖို့အတွက် စွန့်လွှတ်လိုက်ရတဲ့ တခြားတစ်ခုရဲ့ တန်ဖိုးကို ခေါ်တယ်။

ဥပမာ မြင်သာအောင် ကျနော်တို့ အိမ်ထောင်ပြုတဲ့ ကိစ္စနဲ့ စဉ်းစားကြည့်ကြရအောင်။ အိမ်ထောင်ပြုတာရဲ့ စားရိတ်ကို တွက်တဲ့အခါမှာ အများစုဟာ ခန်းမကြေး၊ ဧည့်ခံစားရိတ်၊ အ၀တ်အစားပြင်ဆင်စားရိတ်၊ ….. ဒါတွေကိုပဲ တွက်ကြမယ်ထင်တယ်။ ဒါပေမယ့် အရေးအကြီးဆုံး ဖြစ်တဲ့ အခွင့်အလမ်း စားရိတ်ကို တွက်ဖို့ အားလုံးလိုလို မေ့နေကြတယ်။ မိန်းကလေးတစ်ယောက် အနေနဲ့ စဉ်းစားကြည့်ကြစို့။ အိမ်ထောင်ပြုဖို့ ရွေးစရာ နှစ်ယောက် ရှိတယ်။ တစ်ယောက်က ဥစ္စာမဲ့ ပညာတတ်။ နောက်တစ်ယောက်က ပညာမဲ့ သူဌေး။ ဘယ်သူ့ကို ရွေးမလဲ ဆိုတဲ့ အဖြေကို ရဖို့အတွက် ဘယ်သူ့ကို ရွေးရင် ဘာတွေ အားသာပြီး ဘာတွေ အားနည်းမလဲ။ ဥစ္စာမဲ့ပညာတတ်လေးကို ရွေးချယ်မိမယ် ဆိုရင် အခွင့်အလမ်းစားရိတ်အနေနဲ့ ငွေကြေးဥစ္စာတွေ လက်ငင်း ပိုင်ဆိုင်နိုင်တဲ့ အခွင့်အရေးကို စွန့်လွှတ်ရမယ်။ ငွေကြေးဥစ္စာ ပိုင်ဆိုင်မှုကို ရွေးမိရင်တော့ အခွင့်အလမ်းစားရိတ် အနေနဲ့ ပညာတတ်အသိုင်းအ၀ိုင်းနဲ့ ဝေးသွားနိုင်တယ်။ တစ်ခုကို လိုချင်ရင် တခြားတစ်ခုခုကို စွန့်လွှတ်ရတဲ့ သဘာဝကြောင့် ရမယ့်အရာနဲ့ စွန့်လွှတ်ရမယ့် အရာနဲ့ကို တန်၏ မတန်၏ ချင့်ချိန်ပြီး ဆုံးဖြတ်ချက်တွေကို ချသင့်ပါတယ်။

ဒီပို့စ်က ဘောဂဗေဒ၏ ဥပဒေများ ရဲ့ ဒုတိယ ခေါင်းစဉ်ပါ။ ဥပဒေသ (၁) ဖြစ်တဲ့ အလဲအထပ်ကို ရင်ဆိုင် ဖြေရှင်းခြင်း ကို ဒီမှာ ကလစ်နှိပ်ပြီး ပြန်ဖတ်နိုင်ပါတယ်။ ကျနော် ပြောဖို့ ကျန်နေတာက အခု ဒီပို့စ်တွေက ဘာသာပြန်တွေပါ။ Principles of Macroeconomics 3e, N. Gregory Mankiw (Harvard University) ဆိုတဲ့ စာအုပ်ထဲက အစိတ်အပိုင်း သေးသေးလေးကို ယူပြီး ဘာသာ ပြန်ထားတာပါ။ ကျနော် အရင်က Economics ဘာသာရပ်ကို စိတ်ဝင်စားပေမယ့် ဖတ်ဖို့ အတော်ပျင်းပါတယ်။ ဘာလို့လည်း ဆိုတော့ အဲဒီ ဘာသာရပ်က အတော်လေး လေးပါတယ်။ ဒါပေမယ့် ဒီစာအုပ်ကို တွေ့တော့မှ လေးလေးနက်နက် ဖတ်ဖြစ်တယ်။ ဒီစာအုပ်မှာ ရေးထားတာက အပြင်မှာ ဖြစ်ပျက်နေတာနဲ့ တိုက်ဆိုင်ပြီး ဥပမာတွေပေး ရေးထားတာ ဆိုတော့ အတော်လေး ဖတ်လို့ ကောင်းပါတယ်။ ဒါကြောင့် အားလုံးကို ဝေမျှတဲ့ သဘောနဲ့ ဘာသာပြန်ပေးလိုက်တာပါ။ စာက လေးတော့ စိတ်ဝင်စားသူ တချို့အတွက် အဓိက ရည်ရွယ်ထားပါတယ်။


ကိတ်မုန့်လေး သုံးဆောင်သွားပါဦး

ခရစ္စမတ် အကြိုအနေနဲ့ကော ခရစ္စမတ်နေ့ အတွက်ပါ ကျနော့်ဆီ လာလည်ကြတဲ့ သူငယ်ချင်းတွေ အားလုံးကို ကိတ်မုန့် လှလှလေးတွေနဲ့ ဧည့်ခံလိုက်ပါတယ်။ ကျနော့်မှာ ကိတ်မုန့်လေးတွေ လှလွန်းလို့ မစားရက်ဘဲ ဖြစ်နေတယ်ဗျာ။ ပထမဆုံး ကိုယ့်သူငယ်ချင်းတွေကို သတိရမိလို့ အားလုံးကို ဖိတ်ခေါ်ပြီး ကျွေးလိုက်ပါတယ်။ ကိတ်မုန့်က စုစုပေါင်း ၄၂ လုံးတောင် ဆိုတော့ လုစားစရာ မလိုဘူးပေါ့ဗျာ။ နောက်ပြီး အဲဒီ ကိတ်မုန့်မှာ ပါတဲ့ ပစ္စည်းတွေ အားလုံးက တစ်ခုမကျန် စားလို့ ရတယ်နော်။ မစားဘဲ လွှင့်မပစ်နဲ့ဦး။ အကုန်စားသွားနော်။ မသိသေးတဲ့ သူငယ်ချင်းတွေကော လမ်းကြုံရင် ပြောပေးပါဦး။ ကိုယ်စားလေး ဖိတ်ပေးပါဦးနော်။

အကယ်၍ မမြင်ရဘူး ဆိုရင် ဒီမှာ ကလစ်နှိပ်ပြီး သုံးဆောင်ကြပါဗျာ။

ပီကေကပ်သော ဆိုင်းဘုတ်များ

ကျနော် အရင် နှစ်တွေတုန်းက ခရီး သိပ်ထွက်ဖြစ်တယ်။ ခရီးထွက်တိုင်းလည်း ဒေသန္တရ ဗဟုသုတ ရချင်လို့ ဟိုလျှောက်ကြည့် ဒီလျှောက်ကြည့်နဲ့ စိတ်ဝင်တစား ပတ်ဝန်းကျင်ကို အမြဲ အကဲခတ်တတ်တယ်။ ဟိုး အရင်က ဘလော့ဂ်တွေ မပေါ်သေးတော့ ကျနော်ရဲ့ ဒိုင်ယာရီထဲမှာပဲ ခရီးသွား မှတ်တမ်းလေးတွေ ရေးမှတ်ထားခဲ့တယ်။ ခရီးစဉ် တလျှောက်လုံးမှာ ကုန်ခဲ့ရတဲ့ အသုံးစားရိတ်တွေ၊ ဖြစ်ခဲ့ရတဲ့ ကမောက်ကမတွေ၊ တက်ခဲ့ရတဲ့ ပြဿနာတွေ၊ ကြုံခဲ့ရတဲ့ အခက်အခဲတွေ၊ ရယ်ခဲ့ရတဲ့ ဟာသတွေ၊ မောခဲ့ရတဲ့ အဖြစ်အပျက်တွေ၊ ဆုံခဲ့ရတဲ့ လူတွေ၊ မြင်ခဲ့ရတဲ့ ကိုးယိုးကားယားတွေ၊ ဒါတွေ ဒါတွေကို အခု ပြန်ဖတ်ကြည့်တော့ အမောပြေ၊ အလွမ်းပြေ၊ အဆာပြေ၊ အညစ်ပြေ အနှစ်တွေ ဖြစ်နေတယ်။ ကျနော် ခရီးသွားရင်း (သို့) ကြုံခဲ့ဖူး၊ ဖတ်ခဲ့ဖူးတဲ့ ဆိုင်းဘုတ် တချို့နဲ့ အဲဒီ ဆိုင်းဘုတ်တွေကို ဖတ်လိုက်ရတုန်းက ခံစားလိုက်ရတာလေးတွေကို ပြန်ပြီး ဝေမျှပေးချင်တယ်ဗျာ။ အဲဒါတွေ ဖတ်ပြီး စာဖတ်သူပဲ စဉ်းစားကြည့်ဗျာ။ ကျနော်တွေးတာ လွန်သလား၊ သူတို့ ရေးတာ လွန်သလား ဆိုတာပေါ့။

ကျနော် ပထမဆုံး ပြောပြချင်တဲ့ ဆိုင်းဘုတ်ကတော့ ဒီဆိုင်းဘုတ်ပဲဗျ။

လူစိမ်းမ၀င်ရ။ ပုံ / လူနီ ….. တဲ့။

အဲဒီလိုရေးထားတယ်ဗျာ။ ဒီဆိုင်းဘုတ်က နောက်တောက်တောက် ရေးထားတာ မဟုတ်ဘူးနော်။ အတည်ဗျ။ လူထောင်ပေါင်းများစွာ ၀င်ထွက်သွားလာနေတဲ့ အဆောက်အဦကြီးရဲ့ ဂိတ်ဝမှာ ချိပ်ထားတယ်။ ပထမ စတွေ့တော့ ရွှတ်နောက်နောက် ရေးထားတယ်ထင်တာ။ ထင်ရအောင်ကလည်း အဲဒါ တက္ကသိုလ် အပေါက်ဝလေ။ လူငယ်တွေ သွားလာနေတဲ့ နေရာဆိုတော့ တစ်ယောက်ယောက် လက်ကမြင်းထားတာ ဖြစ်နိုင်တယ်လေ။ ဒါပေမယ့် အစောင့်တွေ မြင်နေလျက်နဲ့ ရှိနေလျက်နဲ့ ဘာလို့ ဒါကြီးကို နေ့တိုင်းလိုလို ဖြတ်သွားတိုင်း တွေ့နေရသလဲ ဆိုတာ စဉ်းစားစရာကြီး ဖြစ်နေတယ်။ အစိမ်းရောင်လူကို ၀င်ခွင့် မပေးချင်တဲ့ အနီရောင်လူ။ အင် …။ ဒါဆို အစိမ်းရောင်လူဆိုတာ ဘာလဲ။ အနီရောင်လူကကော ဘာလဲ။ ဘာလို့ အနီရောင်လူက အစိမ်းရောင်လူကို ပေးမ၀င်တာလဲ။ အတော်လေး ရှုပ်တယ်နော်။ ကျနော့်မှာ အတော်လေး စဉ်းစားရကြပ်နေတယ်။ ဒါကိုပဲ ခေါင်းစဉ်တည်ပြီး သူငယ်ချင်းတွေ ဆွေးနွေးဖြစ်ကြတယ်။ ခပ်ရှုပ်ရှုပ် စတွေးမိတော့ နောက်ပိုင်း ကောက်သမျှ အကုန်ရှုပ်ကုန်ရောလေ။ အဲဒီမှာမှ သူငယ်ချင်း တစ်ယောက်က လူစိမ်းဆိုတာ အစိမ်းရောင်လူကို ပြောတာ မဖြစ်နိုင်ဘူး။ သူစိမ်းကို စာစကားနဲ့ ရေးထားတာဖြစ်မယ်၊ အင်္ဂလိပ်လို stranger ကိုပြောတာနေမှာလို့ အဆိုတင်သွင်းတယ်။ ဒါဆိုရင် လူနီကကောလို့ စောဒက တက်စရာ ဖြစ်လာတယ်။ အတော်လေးကို စဉ်းစားရခက်နေတယ်။
နောက်မှ သိလိုက်ရတဲ့ သတင်းတစ်ခုကြောင့် ဒီ ဆိုင်းဘုတ် အဓိပ္ပါယ် ဖွင့်ခန်းက အဆုံးသတ်သွားတယ်။ အခုနောက် ပြောင်းလာတဲ့ မော်ကွန်းထိန်း အသစ်ရဲ့ နာမည်က ဦးလူနီတဲ့ဗျ။ ကျနော်တို့အားလုံး အဲဒီနေ့က ဟားတိုက် ရယ်မောလိုက်ကြတယ်။ နောက်နေ့တော့ အဲဒီ ဆိုင်းဘုတ်ရဲ့ အောက်မှာ နောက်ထပ် စာကြောင်း တစ်ကြောင်း တိုးလာတယ်။ အဲဒီစာကြောင်းလည်း ရေးပြီးရော နောက်တစ်ရက်မှာပဲ အဲဒီ ဆိုင်းပုတ် ပြုတ်သွားတယ်။ ရေးထားတာက –

လူစိမ်းမ၀င်ရ။ ပုံ/ လူကျက် ….. တဲ့။

ကျနော်တို့ အုတ်နံရံ တော်တော်များများမှာ အများဆုံးတွေ့ရတဲ့ စာကြောင်း နှစ်ကြောင်းရှိတယ်။ ဘာဖြစ်မယ်လို့ ထင်သလဲ။ `ကွမ်းတံတွေး မထွေးရ´ ဆိုတာနဲ့ `သေးမပေါက်ရ´ ဆိုတာလေ။ နောက်ပိုင်းတော့ `သေးမပေါက်ရ´ ဆိုတဲ့ စာသားကနေ `ဤနေရာတွင် ခွေးများသာ သေးပေါက်ရန်´ ဖြစ်သွားတယ်။ ဒီနေရာမှာ သေးပေါက်သွားတဲ့ သတ္တ၀ါဟာ ခွေးပဲလို့ ပြောလိုက်တာပါ။ ဒီနေရာမှာ ပြုလုပ်သူက ခွေးဖြစ်မယ်လေ။ နောက်တစ်ခု `အပြင်လူမ၀င်ရ´ ဆိုတဲ့ ဆိုင်းဘုတ်ပါ။ သဘောက မသက်ဆိုင်တဲ့လူကို ဒီအထဲ ပေးမ၀င်ဘူးပေါ့။ ပြုလုပ်သူက သက်ဆိုင်သူ ဖြစ်ရမယ်လေ။ ကျနော် ဒါကို ပြောနေတာ အကြောင်းရှိပါတယ်။ ကျနော် ငွေဆောင်ကိုသွားရင်း လမ်းခုလတ်က ခြံအ၀င်ဝမှာ ဆိုင်းဘုတ် တစ်ခု ချိပ်စွဲထားတာ တွေ့ရတယ်။

နွားများ မ၀င်ရ
ဒါဏ်ငွေ ၅၀၀၀ ကျပ် ….. တဲ့။

ဒီဆိုင်းဘုတ်ကို ဖတ်ပြီး ကျနော် ရယ်မိတယ်။ နွားတွေက အဲဒီခြံထဲ ၀င်ခါနီး ဒီဆိုင်းပုတ်ကို ဖတ်မိမယ်။ နောက်ပြီး အော် ငါတို့ကို ပေးမ၀င်ပါလား။ ၀င်မိရင် ငါတို့ ဒါဏ်ငွေ ၅၀၀၀ ကျပ် ဆောင်ရလိမ့်မယ်ပေါ့။ ဒါကြောင့် ငါတို့ ၀င်လို့ မဖြစ်ဘူး လို့ နွားတွေ တွေးမလားလို့ ကျနော်က လူတစ်ယောက်အနေနဲ့ တွေးနေမိတယ်။ ကျနော် အဲဒီလို မတွေးလို့ မဖြစ်ဘူးလေ။ သူ့ဆိုင်းဘုတ်ရဲ့ စာသားအရ ဒါ နွားတွေ အတွက် ရေးထားတာကိုး။ အမှန်က `နွားမကျောင်းရ ဒါဏ်ငွေ ၅၀၀၀ကျပ်´ လို့ ဖြစ်သင့်တယ် ထင်တယ်။

ကျနော် အကို ပြောဖူးတဲ့ ကိုယ်တွေ့ အဖြစ်အပျက်လေး တစ်ခုကို သတိရမိတယ်။ အကို လန်ဒန်မှာ ရှိတုန်းကပါ။ အဲဒီမှာ လူဂုဏ်တန်တွေပဲ ၀ယ်နိုင်တဲ့ ပလာဇာတစ်ခု ရှိတယ်တဲ့။ နာမည်တော့ ကျနော် မေ့သွားပြီဗျ။ အဲဒီအထဲကို ၀င်ပြီး တစ်ခုခု ၀ယ်ထွက်လာရင်ကို အဲဒီလူက ပိုက်ဆံ အတော် တတ်နိုင်တယ်လို့ ပြောလို့ရတယ်တဲ့။ ဒါနဲ့ တစ်နေ့ သူတို့ သူငယ်ချင်း တစ်သိုက် အဲဒီ ပလာဇာကို သွားလည်ကြတယ်လေ။ အထဲကို ရောက်တော့ ပစ္စည်းတွေနဲ့ ဈေးနှုန်းတွေက ပျံလန်နေတာပဲလေ။ သူတို့ ၀ယ်နိုင်တဲ့ ပစ္စည်း မတွေ့ခဲ့လို့ ဘာဝယ်ရမှန်းကို မသိဘူးတဲ့။ ဒါပေမယ့် ရောက်ပြီးမှတော့ တစ်ခုခုတော့ ၀ယ်ခဲ့မှလို့ စိတ်ကူးရလို့ လိုက်ရှာကြတယ်။ နောက်တော့ တစ်ခုတွေ့သွားတယ်။ သူ့အာဘော်နဲ့ ပြောရရင် `အဲဒီပလာဇာမှာ ဈေးနှုန်းတွေက ပျံလန်နေတာပဲလေ။ ငါတို့ တတ်နိုင်တာ ဆိုလို့ တစ်ခုပဲရှိတယ်။ အိမ်သာ တက်တာလေ။ ဒါကြောင့် အိမ်သာ တက်ပြီး ပြန်လာခဲ့တယ်´ တဲ့။ ဒါတောင် တစ်ယောက်ကို တစ်ဒေါ်လာ နီးပါး ပေးခဲ့ရတယ်လေ။ ကျနော်တို့ မြန်မာနိုင်ငံမှာလည်း အဲလို နေရာ ရှိပါတယ်ဗျ။ အားမငယ်ပါနဲ့။ ကျနော် ပြင်ဦးလွင်မြို့ ပိတ်ချင်းမြောင်လိုဏ်ဂူ ရောက်တော့ ဆိုင်းဘုတ်တစ်ခု တွေ့ခဲ့ရတယ်။ အခု ရှိသေးလားတော့ မသိဘူး။ ကျနော် မျက်စိမှားသွားသလားလို့ ထင်ပြီး ၅ ခေါက်လောက် အပြန်အလှန် ဖတ်ကြည့်မိတယ်။ သူက အင်္ဂလိပ်လို ရေးထားတော့ ကျနော်ပဲ ဘာသာပြန် လွဲလား မသိဘူးနော်။ ဆိုင်းဘုတ်က

Toilet
1 USD per head … တဲ့။

ရေတာရှည်နဲ့ ဆွာ ကြားမှာ ရွာလေးတစ်ရွာ ရှိတယ်။ ရန်ကုန်-မန္တလေး ကားလမ်းမဘေးက အဲဒီရွာမှာ ထမင်းဆိုင်တစ်ဆိုင်ရဲ့ ဆိုင်းဘုတ်ကို ဖတ်ရတော့ ကျနော် ပြုံးမိတယ်။ ကျနော်တို့ မြို့ပေါ်က ထမင်းဆိုင်တချို့မှာ `တရုတ်ထမင်း/ဟင်း ရသည်´ ဆိုတဲ့ ဆိုင်းဘုတ်တွေ မြင်ဖူးမယ်ထင်တယ်။ ဒီဆိုင်းဘုတ်မှာ ရေးထားတာ ဘာမှားသလဲဗျ။ ဆက်မဖတ်သေးဘဲ အသေအချာလေး ပြန်ဖတ်ကြည့်ပါဦး။ မတွေ့ဘူးလား။ တရုတ်အစားအစာ ထမင်းနဲ့ဟင်း ရောင်းတယ်လို့ သူပြောထားတာပဲ။ မမှားပါဘူးလို့ စာဖတ်သူ တွေးမိလိမ့်မယ်။ အမှန်အတိုင်း ပြောရရင် အစကလည်း ကျနော် မစဉ်းစားမိဘူးဗျ။ အဲဒီ စာကြောင်းကြီးက မှန်တယ်လို့ပဲ ထင်နေတာ။ ဒါပေမယ့် အဲဒီစာကြောင်း မှားပါတယ်လို့ ကျနော့်ကို အသိပေးလိုက်တာက ခုနရွာကလေးက ဆိုင်းဘုတ်ပါပဲ။ သူရေးထားတာက

တရုတ်ဟင်း၊ မြန်မာထမင်းရသည် ….. တဲ့။

ကဲ၊ ဘာမှားလဲ တွေ့ပြီလားဗျ။ ကျနော်တို့အနေနဲ့ ဟင်းကို ချက်တဲ့နေရာမှာ တရုတ် နည်းစနစ်နဲ့၊ တရုတ် ဖော်မြူလာနဲ့ ချက်လိုက်တော့ တရုတ်ဟင်းဖြစ်သွားတယ်။ ဒါဆို ထမင်းကကော။ တရုတ်ထမင်း ဖြစ်သင့်သလား။ တရုတ်ထမင်း ဖြစ်မဖြစ် စဉ်းစားစရာ အချက်သုံးချက်ရှိတယ်လေ။ (၁) ဆန်က တရုတ်ဆန်လား။ အဖြေက မဟုတ်ဘူး။ (၂) တရုတ်နည်းနဲ့ ထမင်းချက်တာလား။ အဖြေက မဟုတ်ဘူး။ (၃) ချက်နေကြတာကကော တရုတ်လူမျိုးလား။ ဒါလည်း ဟုတ်ချင်မှ ဟုတ်မယ်။ ကဲ ဒါဆို အဲဒီထမင်းကို တရုတ်ထမင်းလို့ ခေါ်လို့မရဘူးလေ။ ဒါကြောင့် အဲဒီရွာက ဆိုင်လေးမှာ တရုတ်ဟင်း၊ မြန်မာထမင်း လို့ရေးထားတာပေါ့။ ကျနော်တို့ မြို့က အဲဒီလို ဆိုင်းဘုတ်တွေ စားလုံး ပြင်သင့်ပြီထင်တယ်။ အဲဒီဆိုင်းဘုတ်က ရန်ကုန်-မန္တလေး ကားလမ်းမပေါ်မှာ ရှိပါတယ်။ မယုံရင် သွားကြည့်ပါဦး။

မန်းကို ခနပြန်ရောက်တော့ သူငယ်ချင်းတစ်ယောက် လာခေါ်လို့ သူနဲ့ လိုက်သွားတယ်။ သူလိုက်နေတဲ့ ကောင်မလေးက ဂိမ်းဆိုင်ဖွင့်ထားကြောင်း၊ ဒါကြောင့် အဲဒီ ကောင်မလေးကို ပိုးပန်းချင်လို့ အဲဒီ ဂိမ်းဆိုင်မှာ သူသွားဆော့ကြောင်း လမ်းရောက်တော့ သူက ရှင်းပြတယ်။ ဒါနဲ့ သူများ အကျိုးဆောင်ပေးတဲ့ အနေနဲ့ အနစ်နာ ခံပြီး ဂိမ်း အလကား လိုက်ဆော့ပေးလိုက်တယ်လေ။ ဟိုရောက်တော့ ဆိုင်းဘုတ်လေးတစ်ခု ချိပ်ထားတာ တွေ့တော့ အတော်လေး ရယ်ပစ်လိုက်မိတယ်။ ဂိမ်းဆိုင်မှာ ကလေးတွေက များတယ်။ အုပ်စုလိုက်ဆိုရင် အလုအယက် ဆော့ကြတော့ သူအလှည့် ကိုယ်အလှည့် အချင်းချင်း အသားကုန် လုကြတယ်လေ။ ဒါနဲ့ပဲ လုရင်း ယက်ရင်း ဓါတ်ကြိုးတွေ ပြတ်ထွက်ကုန်တယ်။ ဒါနဲ့ ပိုင်ရှင်တွေက မလုရအောင် ဟန့်တဲ့ အနေနဲ့ ဆိုင်းဘုတ်လေး တစ်ခု ချိပ်ထားတယ်။ သူ့ရဲ့ အတွေးက ရိုးရိုးလေးပါ။ ဒါပေမယ့် ကျနော်တို့က ရွှတ်ရွှတ်နောက်နောက် ကန့်လန့်ကြီး တွေးလိုက်တော့ အဓိပ္ပါယ်က တစ်မျိုးထွက်သွားတယ်။ သူ့ဆိုင်းဘုတ်မှာ ရေးထားတာက

တစ်ကြိမ်လျှင် တစ်ဦးသာ ….. တဲ့။

`မင်းကောင်မလေးက တစ်ကြိမ်လျှင် တစ်ဦးသာတဲ့´ နော် ဟု ကျနော်တို့ အခုအချိန်ထိ သူငယ်ချင်းကို စနေမိသေးတယ်။ တချို့တော့ ဖတ်ပြီး ပြုံးမိမယ်ထင်တယ်။ တချို့တော့ နားလည်မယ် မထင်ဘူး။ ဟို ဘုန်းကြီးလို ပြောရဦးမယ်။
`ဟဲ့ ဒကာ၊ဒါကာမတို့ ဦးဇင်း ဒီနေ့ ဟောမယ့်တရားသိလား´ လို့မေးတော့
`မသိပါ ဘုရား´ လို့ ပြန်ဖြေတယ်။ ဒါနဲ့ ဆရာတော်က
`အေး ….. မသိမှတော့ ငါဟောနေလည်း အပိုပဲ´ လို့ ပြောပြီး ထွက်သွားတယ်။ နောက်တစ်နေ့ရောက်တော့
`ဟဲ့ ဒကာ၊ဒါကာမတို့ ဦးဇင်း ဒီနေ့ ဟောမယ့် တရားကိုကော သိကြရဲ့လား´ လို့ ထပ်မေးတယ်။ ဒီတစ်ခါတော့ တစ်မျိုးပြောင်းဖြေမှ ဆိုပြီး
`သိပါတယ် ဘုရား´ လို့ ဖြေလိုက်တယ်။ ဒါနဲ့
`အေး ….. သိနေမှတော့ ဘာဟောဖို့ လိုသေးလဲ´ လို့ ပြောပြီး ထွက်သွားပြန်ရော။ ဒါနဲ့ နောက်နေ့မေးလာရင် ဘယ်လိုဖြေရမလဲလို့ အားလုံး ၀ိုင်းဖွဲ့ တိုင်ပင်လိုက်ကြတယ်။ နောက်နေ့ ဆရာတော်က မေးတော့
တစ်ဝက်က `သိပါတယ် ဘုရား´ လို့ဖြေပြီး နောက်တစ်ဝက်က `မသိပါ ဘုရား´ လို့ဖြေတယ်။ ဒါနဲ့ ဆရာတော်ကလည်း
`အေး ….. သိတဲ့လူက မသိတဲ့လူကို ပြောပြလိုက်ကွာ´ ဆိုပြီး ထွက်သွားလေရော။
ကဲ ကျနော်ကလည်း သိတဲ့လူက မသိတဲ့လူကို ရှင်းပြလိုက်ပါ လို့ပဲ ပြောပါရစေ။

ကျနော် Express ကားစီးပြီး ရန်ကုန်ကနေ မန်းကိုအပြန် တစ်လမ်းလုံး အိပ်မငိုက်ဘဲ စိတ်ဝင်တစားနဲ့ ကြည့်လာခဲ့တယ်။ တစ်နေရာ အရောက်မှာ ဖုံတစ်ထောင်းထောင်းနဲ့ ဖြစ်နေပြီး တော်တော်လေး ရှည်တယ်လို့ ထင်ရတဲ့ လမ်းတစ်လမ်းကို သွားတွေ့တယ်။ လမ်းရဲ့ အကျယ်က ကားတစ်စီးစာ ကောင်းကောင်းသွားလို့ ရပေမယ့် အလွန်ဆုံး ရှိလှ ၈ ပေပဲ။ ကတ္တရာ ခင်းမထားတဲ့ အပြင်၊ ကျောက်ခင်းလမ်းလဲ မဟုတ်ပြန်ဘူး။ မြေလမ်းကို ဘာလို့ အဲဒီလို ဖြောင့်ဖြောင့်ကြီးနဲ့ အရှည်ကြီး ဖောက်ထားတာ တစ်ခါမှ မမြင်ဖူးဘူးလေ။ ဒါ ရွာအ၀င်လမ်းပဲ ဖြစ်ရမယ်လို့ တွေးမိလိုက်သလိုပဲ ဒီရွာက ငွေရေးကြေးရေး အတော်လေး အဆင်ပြေမယ်လို့ တွေးမိတယ်။ ဘာလို့လဲ ဆိုတော့ ဒီလမ်းက တမင်ဖောက်ထားတဲ့ လမ်းတစ်လမ်း ဖြစ်သလိုပဲ ချိုင့်ခွက်တွေ ရှိနေပေမယ့် အကွေ့အကောက် မတွေ့ရလောက်အောင် ဖြောင့်နေတော့ ရွာတစ်ရွာအနေနဲ့ဆို ဒီလမ်းက ကောင်းလွန်းနေတယ်။ ဒါနဲ့ စိတ်ဝင်တစား ဘာရွာပါလိမ့်လို့ လမ်းထိပ်မှာ ဆိုင်းဘုတ်ကို ရှာကြည့်လိုက်တော့ အခန့်သင့် ဆိုင်းဘုတ် တစ်ခု သွားတွေ့လိုက်တယ်။ အဲဒီ ဆိုင်းဘုတ်မှာ ရေးထားတာက ရွာနာမည် မဟုတ်ဘူးဗျ။ သူက

ကားလမ်းပေါ် လှည်းမမောင်းရ ….. တဲ့။

ကျနော် အဲဒီလမ်းကို အသေအချာ ပြန်ကြည့်ပြီး အတော်လေး ရယ်ချင်သွားတယ်။ ဆိုင်းဘုတ်က ဒီလို မဖြစ်သင့်ဘူးလားဗျာ။

လှည်းလမ်းပေါ် ကားမမောင်းရ ….. လို့လေ။


၁၇၇၄ ခုနစ်မှ ရှေးမြန်မာ့ သင်္ချာကျမ်းကြီး

ဂဏန်းသင်္ချာ ပညာဝဍ္ဎနကျမ်း ( ၁၇၇၄ )

မြန်မာ့သိပ္ပံပညာဆိုင်ရာ ကျမ်းတွေ စာပေတွေဟာ ဗဒုံမင်း (ဘိုးတော်ဘုရား) လက်ထက် (၁၇၈၂ – ၁၈၁၉) မှာ အခြေတကျ စပြီး ထွန်းကားလာတယ်လို့ ပညာရှင်အများက လက်ခံ ယုံကြည်ထားကြတယ်။ အဲဒီလို လက်ခံရတဲ့ အကြောင်းကတော့ ဗဒုံမင်းဟာ အိန္ဒိယနိုင်ငံနဲ့ သီဟိုဠ်နိုင်ငံကနေ ကျမ်းပေါင်း (၂၀၀) ကျော်ကို မြန်မာနိုင်ငံသို့ ယူဆောင်စေခဲ့တယ်။ အဲဒီလို ယူလာတဲ့ ကျမ်းတွေရဲ့ မြန်မာပြန်မူတွေကို အခုအချိန်အထိ လက်ဆုတ်လက်ကိုင် ပြနိုင်သေးတယ်။

မြန်မာ့သင်္ချာ ပညာသမိုင်းကြောင်းနဲ့ ပတ်သက်ပြီး ကျမ်းပြုသူ အစောဆုံး ခြေရာကောက်မိတဲ့ သင်္ချာကျမ်းကတော့ သင်္ချာပကာသက အမည်ရှိတဲ့ ကျမ်းဖြစ်တယ်။ အဲဒီကျမ်းက ၁၄ ရာစု နှစ်ဦးပိုင်းကတည်းက ယိုးဒယားနိုင်ငံက တဆင့် မြန်မာနိုင်ငံကို ရောက်လာတဲ့ ကျမ်းဖြစ်တယ်။ ကျမ်းရဲ့ မူလ စာကိုယ်ကို ပြုစုတဲ့သူက ယိုးဒယားနိုင်ငံ ဇင်းမယ်မြို့က ရှင်ညာဏ၀ိလာသ ဖြစ်တယ်။ အဲဒီကျမ်းကို အခြေခံပြီး ၁၅၂၀ မှာ မြစ်ငယ်တောင်ဘက် ပလိပ်ရွာ အရှေ့ရှိ မြို့သစ်မြို့နေ ရှင်သိရိမင်္ဂလက သင်္ချာပကာသကဋီကာကို ထပ်မံပြုစုပြီး တတိယ ညောင်ကန်ဆရာတော် ရှင်က၀ိန္ဒရဲ့ တပည့် ရှင် မုနိန္ဒသာရက တဖန် သင်္ချာပကာသက စာကိုယ်နဿယကို ပြုစုခဲ့တယ်။

အခုအကျဉ်း တင်ပြချင်တဲ့ ကျမ်းက ၁၇၇၄ခုနစ်မှာ ရေးပြီး ဂဏန်းသင်္ချာ ပညာဝဍ္ဎနကျမ်းလို့ နာမည်ရတယ်။ ဒီကျမ်းက မြန်မာ့သိပ္ပံ ပညာသမိုင်းအတွက် အရေးပါတဲ့ အထောက်အထားတစ်ခု ဖြစ်တဲ့အပြင် ကျနော်တို့ မြန်မာတွေ ဂုဏ်ယူဝင့်ကြွားထိုက်တဲ့ ကျမ်းတစ်ဆူလည်း ဖြစ်တယ်။ ဒါကြောင့် ဒီကျမ်းမှာ ပါတဲ့ အချက်အလက်တချို့ကို အကျဉ်းမျှလောက် ပြန်ပြီး ဖောက်သည်ချပေးလိုက်ပါတယ်။

ဂဏန်းသင်္ချာ ပညာဝဍ္ဎနကျမ်းဟာ အပိုင်းလေးပိုင်း ခွဲခြားပြီး ဥပမာပေး နမူနာ ပုစ္ဆာပေါင်း ၁၇၅ ပုဒ်ကို တွက်နည်း အဖြေနဲ့တကွ စုံစုံလင်လင် ပြုစုထားတယ်။

ပထမပိုင်းမှာ သင်္ချာပညာရပ်အတွက် အဓိကဖြစ်တဲ့ `ရေတွက်ခြင်း ဂဏန်းသင်္ချာ´ ခေါင်းစဉ်နဲ့ အလေးချိန်၊ အကွာအဝေး၊ ထုထည်၊ အချိန်နာရီ တွေကို တိုင်းတာတဲ့ ယူနစ်ကိန်းသင်္ချာ အကြောင်းနဲ့ ခု ကနေ အသင်္ချေ (တစ်နောက်က သုည အလုံး ၁၄၀) တိုင်အောင် ရေတွက်ခေါ်ဝေါ်ပုံ နည်းစနစ်ကို ဖော်ပြထားတယ်။

ဒုတိယပိုင်းမှာ `ဂဏန်းဆယ်ပါး´ ခေါင်းစဉ်နဲ့ စပါးတွက်၊ ဆန်တွက်၊ ရွှေတွက်၊ ငွေတွက်၊ ဆီမီးတွက်၊ ရထားတွက်၊ သစ်ပင်တွက်၊ လှေတွက်၊ သားရေတွက်၊ မြေတွက် ဆိုပြီး လုပ်ငန်းအလိုက် တိုင်းထွာတွက်ချက်နည်းကို ဥပမာ ပုစ္ဆာပေါင်း ၉၈ ပုဒ်နဲ့ ဖော်ပြထားတယ်။

စပါးတွက်နည်းမှာ ကျီတွက်နည်း၊ သရိုင် (ပုတ်) တွက်နည်း၊ စပါးပုံတွက်နည်း၊ လှေဝင်စပါးတွက်နည်း၊ စပါးကို ငှက်စားတဲ့ ပုစ္ဆာ၊ စပါး နှစ်ထပ်တိုးပေး တွက်နည်း အစရှိတဲ့ နမူနာပုစ္ဆာ ၂၁ ပုဒ်နဲ့ ဖော်ပြထားတယ်။

ဆန်ဂဏန်းတွက်နည်းမှာ စပါးနှစ်တင်းကို ထောင်းရင် ဆန်တစ်တင်းရပြီး ဆန်တစ်တင်းမှာ အစေ့ပေါင်း ၇၆၈၀၀၀ ရှိကြောင်း ဖော်ပြထားတယ်။ ဆန်ဂဏန်းမှာ အဓိက အရေးကြီးတဲ့ အပိုင်းက သင်္ချာပေါင်းပွားကိန်း (Arithmetic Progression) သဘောကို အခြေခံတဲ့ နည်းတွေ ဖြစ်တယ်။

ရွှေဂဏန်းကို ပြောတဲ့အခါမှာ ရွှေမျိုးပေါင်း (၂၀) ရှိတယ်လို့ ဖော်ပြထားတယ်။ တစ်ဆင့်ပြီးတစ်ဆင့် သန့်စင်အောင် လှော်ခတ်ပြီး အဆင့်လိုက် ရွှေလှော် (၁၂) မျိုးကိုလည်း ဖော်ပြထားတယ်။ အဲဒါတွေက နီဗလ၊ နာရဏီ၊ နာရဝေါ၊ နာလိကာ၊ နာလိမုတ္တာ၊ အဉ္စနီ၊ အဉ္စမုတ္တ၊ အဇာဝနိ၊ ဇာတရူပ၊ ဥတရနိတာ၊ သိင်္ဃနိတ် နဲ့ ဇမ္ဗူရဇ်တို့ ဖြစ်တယ်။ ရွှေကို သန့်စင်ဖို့ လုပ်တာ အင်မတန် အနုစိတ်ပြီး စနစ်ကျတာ တွေ့ရတယ်။ ဥပမာအနေနဲ့ ပြရရင် အသန့်စင်ဆုံး ဇမ္ဗူရဇ်ရွှေ အဆင့်ရအောင် သိင်္ဃနိတ်ရွှေကို ထပ်မံသန့်စင်တဲ့နည်းလေး ဖော်ပြပေးလိုက်တယ်။
`သိင်္ဃနိတ်ရွှေ ၄ိ ၂ံ ၂ ဆံ ၃ နှံ့ (နှမ်း) ၁ မုံညင်(း) ၆ သံခေါင် (သန်းခေါင်း) ၂ ကညစ်ချေကို ၃ိ ၃ူ ၁ဲ ၄ံ ၂ ဆံ ၂ နံ ၁ မုံညင် ၃ သံခေါင် ၂ ကညစ်ချေ တင်အောင် လှေ (လှော်) မှ ဇမ္ဗူရဇ်ရွှေ ဖြစ်၏။´

ရေဂဏန်းကို ဖော်ပြတဲ့နေရာမှာ ထုထည်ရှာပုံတွေ၊ ရေကန်ကနေ ရေထုတ်တဲ့အခါ ကြာမယ့် အချိန်နာရီ တွက်ပုံတွေကို ပုစ္ဆာ ၅ ပုဒ်နဲ့ ပြထားတယ်။ စိတ်ဝင်စားစရာ ကောင်းတဲ့ ပုစ္ဆာတစ်ပုဒ်ကို တင်ပြပေးလိုက်ပါတယ်။
ပုစ္ဆာ။ ဖလားတလုံ(း)သဉ် အ၀န်(း) ခြောက်တောင် စောက် ၁င်္ (တောင်) ရေအပြဉ်ရှိ၏။ ထိုရေကို မုံဉင်စေ့ရှိ ဖောက်သော် ဘယ်မျှလောက်သောကာ(လ)မှ ရေကုံအံ့နဉ်။
အဖြေ။ ၃ လနှင့် ၂ ရက် ၉ နာရီ နှစ်ပါဒ် ၆၂ ဗီဇနာမှ ရေကုန်၏။

ဆီမီးဂဏန်း တွက်နည်းထဲမှာလည်း ထုထည်ရှာနည်းကို အခြေခံပြီး ဖယောင်းတုံးကြီးကနေ ဖယောင်းတိုင်တွေ ပြုလုပ်ရင် ရလာမယ့် ဖယောင်းတိုင် အရေအတွက်ကို ရှာတဲ့နည်းတွေ၊ ဖယောင်းတိုင်ကို မီးထွန်းရင် အချိန်ဘယ်လောက်ကြာမှ ကုန်မလဲလို့ တွက်တဲ့နည်းတွေကို ပုစ္ဆာ ၅ ပုဒ်နဲ့ ဖော်ပြထားတယ်။

သစ်ပင်ဂဏန်းမှာတော့ သစ်ခွဲစိတ်ဖြတ်တောက်တာနဲ့ ဆိုင်တဲ့ သစ်တွက်နည်းတွေ၊ သစ်လုံးကို ပါးပါးလွှာထုတ်တဲ့ တွက်နည်းတွေ အပြင် သစ်ပင်ကို အဝေးကကြည့်ပြီး အမြင့်ရှာနည်းတွေ အပါအ၀င် ပုစ္ဆာ ၇ ပုဒ်နဲ့ ဖော်ပြထားတယ်။ သစ်ပင်အမြင့်ရှာပုံက ဂျီသြမေတြီဘာသာရပ် (Geometry) ကို အခြေခံထားတယ်။

လှေဂဏန်းကို ပြရာမှာ သင်္ဘောနဲ့ ခရီးထွက်ရင် ကြာမြင့်ချိန်၊ ဆိုက်ရောက်ချိန် နေ့ရက်ကို တွက်တဲ့ ပုစ္ဆာတွေနဲ့ အက္ခရာသင်္ချာ (Algebra) သဘောပါတဲ့ ဆင်၊ မြင်း၊ ကျွဲ၊ နွား၊ လှေနဲ့ တစ်ဖက်ကမ်းကို ကူးတဲ့ ပုစ္ဆာမျိုးတွေကို နမူနာပုစ္ဆာ ၅ ပုဒ်နဲ့ တွက်ပြထားတယ်။

သားရေဂဏန်းမှာတော့ သားရေချပ်ကို လှီးဖြတ်ရာမှာ လေးထောင့်ပုံ၊ စက်ဝိုင်းပုံ စတဲ့ ပုံစံ အမျိုးမျိုးရဲ့ ဧရိယာနဲ့ အ၀န်းတွက်နည်းတွေကို ပုစ္ဆာ ၅ ပုဒ်နဲ့ တွက်ချက်ပြထားတယ်။

မြေဂဏန်းမှာ မြေကြီးကနေ အုတ်ထုတ်ရာမှာ ထွက်ရှိမယ့် အုတ်ချပ်ရေ ခန့်မှန်းပုံ၊ မြို့ရိုး တိုက်တာ အိုးအိမ် တည်ဆောက်ရာမှာ အုတ်လိုအပ်မှု လယ်ယာမြေကွက် ပုံစံအမျိုးမျိုး ပယ်ဖွဲ့နည်းတွေကို ဥပမာ ပုစ္ဆာပေါင်း ၃၀ နဲ့ ကျယ်ကျယ်ပြန့်ပြန့် ဖော်ပြထားတယ်။

တတိယပိုင်းမှာ နည်းတဆယ့်ခြောက်ပါး ဆိုတဲ့ ခေါင်းစဉ်နဲ့ သင်္ချာနည်းပေါင်း ၁၆ နည်းကို ပုစ္ဆာပေါင်း ၇၆ ပုဒ်နဲ့ ဖော်ပြထားတယ်။ အဲဒီနည်းတွေကို အကျဉ်းချုပ် အနေနဲ့ ဖော်ပြရရင် နှစ်ထပ်တိုးတွက်နည်း၊ အချိုးတွက်နည်း၊ မရေမရာညီမျှခြင်း (Indeterminate equation) တွက်နည်း၊ သင်္ချာပေါင်းပွားကိန်း (Arithmetic progression) တွက်နည်း၊ သင်္ချာဆပွားကိန်း (Geometric progression) တွက်နည်း၊ အက္ခရာသင်္ချာ ညီမျှခြင်း (Algebra equation) တွက်နည်း၊ ဆခွဲကိန်း တွက်နည်း၊ ဘုံသုဉ်းကိန်း တွက်နည်း တို့ ဖြစ်ပါတယ်။

ဒီကျမ်းရဲ့ နောက်ဆုံးအပိုင်း စတုတ္ထပိုင်းမှာတော့ ရှေ့ပိုင်းက နည်းတွေကို အခြေခံပြီး ပုစ္ဆာပေါင်း ၃၀ ကို ထပ်ပြီး တွက်ပြထားပါတယ်။

ဂဏန်းသင်္ချာ ပညာဝဍ္ဎနကျမ်းကို ခြုံငုံကြည့်ရင် ရှေးမြန်မာတွေရဲ့ လယ်ယာအိုးအိမ် စတဲ့ စားဝတ်နေရေး လူနေမှုစနစ်ကို လက်တွေ့ အထောက်အကူပြုတဲ့ သင်္ချာတွက်နည်းတွေကို ဖော်ပြထားကြောင်း တွေ့ရတယ်။ ဒါ့အပြင် စက်ဝိုင်းတွေရဲ့ ဧရိယာ၊ စက်လုံး၊ ထုလုံး၊ ထုချွန်တွေရဲ့ ထုထည်ရှာပုံ၊ ဂဲသြမေတြီရဲ့ အခြေခံတွေ၊ သင်္ချာပေါင်းပွားကိန်း၊ ဆပွားကိန်း၊ အချိုးဆက်တွေ၊ အက္ခရာသင်္ချာတွက်နည်းတွေကိုပါ ထည့်သွင်း ဖော်ပြထားတာကို ထောက်ရှုမယ်ဆိုရင် အဲဒီအချိန်က မြန်မာတွေရဲ့ သင်္ချာအဆင့် မြင်းမားကြောင်း တွေ့ရတယ်။ ဗဒုံမင်း လက်ထက် မတိုင်မီကတည်းက မြန်မာ့ သင်္ချာပညာဟာ ပီပီပြင်ပြင် အဆင့်မြင့်မြင့် ရှိနေပြီ ဆိုတာကို ဒီ ၁၇၇၄ ခုနစ်က သင်္ချာကျမ်းနဲ့ လက်ဆုတ်လက်ကိုင် ပြပြီး သက်သေထူလိုက်ပါတော့တယ်။

ရှေးခေတ် မြန်မာသိပ္ပံကျမ်းများ – ဒေါက်တာ မျိုးသန့်တင် စာအုပ်မှ ထုတ်နှုတ် တင်ပြပါသည်။

သူငယ်ချင်း တစ်ယောက်ထံမှ ….

ဆုလေးက သူငယ်ချင်းအကြောင်း ရေးဖို့ တက်ထားတာ အတော်ကလေးကို ကြာနေပါပြီ။ ရေးမယ်လို့ ချိန်ဆတော့လည်း ဘယ်သူ့အကြောင်းကို ရေးရမလဲ ဆိုတာကလည်း ပြဿနာလေ။ သူငယ်ချင်းတွေက များတော့ ရွေးရတော့ ခက်သား။ နောက်ဆုံးတော့ သူငယ်ချင်းတစ်ယောက်ကို သွားသတိရတယ်။ သူက ကျနော့်ဘ၀မှာ သူမတူအောင် မှတ်တမ်းတင်ထိုက်တဲ့ လူတစ်ယောက်ပါ။ အမှန်အတိုင်း ပြောရရင် သူ့အကြောင်း သိပ်မရေးချင်ပါဘူး။ စဉ်းစားမိတိုင်း စိတ်မကောင်း ဖြစ်လို့ပါ။

သူနဲ့ ကျနော်တို့ (၈) တန်း ကျောင်းသား ဘ၀ကတည်းက တစ်တန်းတည်း အတူနေ အရမ်းခင်လာခဲ့ကြတာပါ။ ကမျင်းဖော် ကမျင်းဖက်၊ သောင်းကျန်းဖော် သောင်းကျန်ဖက်တွေပါ။ အတန်းထဲမှာ အဆိုးဆုံး၊ အဂျစ်ဆုံး၊ အပေဆုံး၊ အကပ်ဆုံးလို့ ပြောလို့ ရသလိုပဲ အတော်ဆုံးလည်း ဖြစ်ပါတယ်။ (၉) တန်းတုန်းက တစ်ကျောင်းလုံးမှာ ပထမဆု ဆွတ်ခူးခဲ့တဲ့ လူလေ။ စကားလုပွဲတွေ ကျပန်းစကားပြော ပြိုင်ပွဲတွေမှာ အမြဲ ပထမ ရနေကျပါ။ ကျနော် ပီကေ ကပ်တယ်ဆိုတာ သူ့ကို မမီဘူးလေ။ စကားပြောတာ သိပ်ကပ်လွန်းလို့ သူ့ကို ဆရာမတွေ မိဘတွေတောင် လက်ဖျားခါရတယ်လေ။ သူ့ကို သတိရတိုင်း ကျနော် သူရေးဖူးတဲ့ စာတွေကို ဖတ်ဖတ်နေမိတယ်။
အခု သူရေးဖူးတဲ့ စာထဲက စာသုံးစောင်ရဲ့ စာတချို့ကို အမြည်းအနေနဲ့ ပြန်ရိုက်ပေးလိုက်တယ်။ ဒီစာကို ဖတ်ပြီး သူ ဘယ်လိုကောင်လဲ ဆိုတာ ရိပ်မိသွားမှာပါ။

ငါ စာရေးလိုက်တယ်။ စာရေးလို့လည်း မင်းဆီ ရောက်လာတာပေါ့။ မရေးရင် ရောက်ပါ့မလား။ ငါစာရေးခြင်းဆိုတဲ့ အကြောင်းတရားကြောင့် မင်းဆီ ရောက်ခြင်းဆိုတဲ့ အကျိုးတရား ဖြစ်ပေါ်လာရတယ်။
နားလည်ပါတယ်နော်။ အေး … အဲဒီလိုပဲ မင်းဆီရောက်ခြင်း (စာ) ဆိုတဲ့ အကျိုးတရား ဖြစ်ပေါ်မလာဘူးဆိုရင် ငါစာရေးခြင်းဆိုတဲ့ အကြောင်းတရား ရှိချင်မှ ရှိနိုင်မယ်။ ဘာဖြစ်လို့ အဲသလို ဆိုရသလဲဆိုတော့ ငါစာရေးခြင်း ဆိုတဲ့ အကြောင်းတရားစာ ကျိန်းသေပေါက် ရှိနေပေမယ့် ကြားထဲမှာ စာပို့သမားကြောင့် ပျောက်တာတို့၊ မိုးရေစိုလို့ ပြဲတာတို့ စတဲ့ စတဲ့ အကြောင်းတရားတွေက ထပ်မံ ၀င်ရောက် ဖန်တီးလာခဲ့လို့ ရှိရင် အကျိုးတရား ဟာလည်း ရရှိချိန်မှာ Direction ပြောင်းသွားတတ်တယ်။
ဆိုလိုတာကကွာ မင်းလို လူပြိန်းတွေ နားလည်အောင် ပြောရရင် ကိုယ်က ကောင်းကျိုးကို မျှော်လင့်စောင့်စားနေပေမယ့် မမျှော်လင့်သော အကြောင်းတရားတွေ၏ ၀င်ရောက်နှောက်ယှက် ဖျက်ဆီးမှုကြောင့် မမျှော်လင့်အပ်သော ဆိုးကျိုးတရားတွေလည်း ဖြစ်ပေါ်လာနိုင်တယ် ဆိုတာကို ပြောတာပါကွာ။
ရှင်းပလား။ အေး …. အေး ….. အေး ….။ ငါပြောသမျှကို ကြိုးစား နာယူမှတ်သားနော်။ မင်းက လိုချင်စိတ်လေးရှိတော့ ကြီးပွားဦးမှာပါ။ (ငါ့အိမ်တော့ မလာနဲ့။ မင်းက လိုချင်စိတ်ရှိတော့ အိမ်က ပစ္စည်းတွေ ပျောက်မှာစိုးလို့)။ တက်လမ်းလည်း အများကြီးရှိတာပဲ။ ( ဆေးရုံသို့ ( မီးယပ်နှင့်သားဖွား)) …..

ကဲ နားရှုပ်သွားပြီလား။ အဲဒီသူငယ်ချင်းက အဲဒီလို စာကို ဝေ့လည်ကြောင်ပတ် ရေးရတာ သိပ် ၀ါသနာပါတယ်လေ။ တစ်နေ့တစ်နေ့ သူနဲ့ စကားနိုင် လုနေရတာနဲ့ကို အချိန် အတော်ကုန်တယ်။ တော်တန်ရုံနဲ့ လက်မခံတတ်တော့ အတော်လေး လက်ပေါက်ကပ်တယ်။ သူနဲ့ စကားပြောခဲ့၊ စကားလုခဲ့လို့လား မသိဘူး။ ကျနော်တောင် အတော် ကပ်နေတယ်။ (သူများကို အပြစ် ပုံချလိုက်ခြင်း ဖြစ်သည်။) တကယ်တော့ အသွင်မတူ အိမ်တူ မဖြစ်တဲ့။ တံငါနားနီး တံငါလေ။ တံငါသည်ချင်းမို့ အတူတူနေကြတာပေါ့၊ မဟုတ်ဘူးလား။ နောက်တစ်စောင်ကို ဆက်ဖတ်ကြည့်ပါဦး ။ သူက ဒီလို နှုတ်ဆက်ထားတယ်လေ။

ခင်မင်မှု ဗရပွ၊ အောက်မေ့မှု (အထက်မေ့မှုမပါ) ပွစိတက်၊ သတိရမှု ဒရဟောနှင့် ဒို့ ဒီစာကို မျှောလိုက်ပါတယ်။ စိတ်ရော ကိုယ်ပါ ပူးတွဲလျက် ဘတ်စ်ကား တိုးစီးရသည့် အချိန်မှ အပ ကျန်သည့် အချိန်များတွင် အကောင်ကြီးလိုက် ကျန်းကျန်းမာမာ၊ သန်သန်စွမ်းစွမ်း၊ ဖွင့်ဖွင့်ထွားထွား၊ စွင့်စွင့်ကားကား (ကိုခေါင်း၏ ကာယဗလကို အထင်ကြီး လေးစား အားကျ ဂုဏ်ယူလျက်)၊ မီးဖိုချောင်ထဲက ငရုတ်ကျည်ပွေ့ကြီးလို ဒေါင်ဒေါင်မြည်နေလိမ့်မည်ဟု ယုံကြည် ကိုးစား မျှော်လင့်မိနေပေသည်။ တဲ့
နောက် အဲဒီစာရဲ့ အဆုံး လက်မှတ် မထိုးခင် အပေါ်မှာ သူ့ကိုသူ ဒီလိုလေး ၀ိသေသ ပြုထားတယ်။

အိမ်း …. ကိုခေါင်း နှင့် မ…. တို့ အပါအ၀င် (၇) ရက်သားသမီးများ ကျန်းမာ ချမ်းသာစေကြောင်း ဆရာကြီး ဝေဒ က၀ိန်က မေတ္တာရည် သွန်းလိုက်သည်။
နတ်၊လူ <ဗြဲကြီး၊ ငဂျိုး၊ ဇင်ကြီးတို့၏ အမျိုးတွေ မပါ> သာဓု ခေါ်စေသော်ဝ် …..
အဖြေရှာမရသည့် ရင်ထဲက ဝေဒနာများကို ကြေငြာမထုတ် မရေမရာမဟုတ် အသေအချာလုပ်၍ ငွေအသပြာမတုတ်သည့် မန်းရွှေမြို့တော်မှ လျှမ်းဝေလို့ကျော်သော
ဆရာကြီး ဝေဒ က၀ိန် သမိန် ခေါင်းကြီး <ဂ ငယ်သံ ထွက်ရန်>
[နှလုံးသားရေးရာ အကြံပေး အရာရှိ – (၁၄) ကျောင်းထွက်]
သတိပြုရန် – ရုံးခန်းဖွင့်ချိန် – ည (၁၁) နာရီမှ (၃) နာရီအထိ
ဥပုသ်နေ့ အထူးဖွင့်သည်။ * အမျိုးသမီးများသာ*
မယုံလျှင် – ခေါ်ပါ၊ ဆွေးနွေးပါ၊ ပြီးမှ ယုံပါ။

ကဲ အဲဒီလိုလည်း သူက ပိုင်ပိုင်နိုင်နိုင် ရေးတတ်သဗျာ။ နောက်ဆုံး အနေနဲ့တော့ ကျနော့်ကို ကျန်းမာကြောင်း ဆုတောင်းပေးတဲ့ စာပိုဒ်လေးနဲ့ပဲ အဆုံးသတ်ပါရစေ။ ကျနော်လည်း သူပြောသလိုပဲ အားလုံးကို ဆုတောင်းပေးလိုက်ပါတယ်။

ကျန်းခမ်းသာလို့ မာပါစ။ AIDS အပါအ၀င် (၉၇) ပါးသော ရောဂါ ကင်းဝေး၍ စိတ်၏ ချမ်းသာခြင်း၊ ကိုယ်၏ ကျန်းမာခြင်းနှင့် ပြီးပြည့်စုံနေလိမ့်မယ်လို့ မျှော်လင့်ပါတယ်။
ကျွန်ုပ်နှင့်တကွ အတူနေထိုင်ကြကုန်သော ကျွန်ုပ်၏ မိသားစုဝင် အားလုံးတို့သည်လည်း ကျွန်ုပ်ကဲ့သို့ပင် ကျန်းမာစွာရှိကြပါသည်။ ထို့နောက်တဖန် ကျွန်ုပ်၏ ဆိုးအတူ၊ ကောင်းအတူ၊ အေးအတူ၊ ပူအမျှ၊ တိုင်ပင်ဖော်၊ တိုင်ပင်ဖက် မိတ်ဆွေ အပေါင်းအသင်း ရောင်းရင်း သူငယ်ချင်းများသည်လည်း ကျန်းမာ ချမ်းသာစွာနှင့်ပင် မန်းရွှေမြို့တော်ကြီး၌ အတူတကွ တည်နေကြပါကုန် ….
ကျွန်ုပ် ကိုယ်တိုင်၌ကလည်း ကျွန်ုပ်၏ အဆွေတော် `မစ္စတာ ဒေးဗစ် ၀ီလျှံ ရောဘတ် ကိုရင်ခေါင်း´သည် သာယာလှပသည့် ရန်ကုန်ဒန်မြို့တော်ကြီး၌ Bus ကား တိုးစီးလျှင် ညပ်၍ မသေဘဲ အခြား ခရီးသည်များကို အရိုးနှင့်ထိုး၍ လုတက်နိုင်ကာ မိမိကောင်းကျိုး၊ မိမိ၏ မိသားစုကောင်းကျိုး၊ မိမိ၏ ရပ်ရွာကောင်းကျိုး၊ မိမိ၏ တိုင်းပြည်ကောင်းကျိုး၊ မိမိ၏ ကမ္ဘာကြီးကောင်းကျိုးကို ဆထက်တပိုး တိုး၍ သယ်ပိုး ထမ်းရွက်နိုင်ပါစေလို့ ထာဝရ အနေနဲ့ ဂါရ၀ ချွေအပ်ပါတယ် ….

မှတ်ချက် ။ ။ ဒီသူငယ်ချင်း နာမည်က သက်နိုင်ဦးပါ။ ၁၉၉၉ ခုနစ် မေလ (၃၁) ရက်နေ့မှာ ခွေးရူးပြန်ရောဂါနဲ့ ဆုံးသွားပါတယ်။ အဆင်မပြေတဲ့ မိသားစု အသိုင်းအ၀ိုင်းမှာ အမေကို ရှာကျွေးနေတဲ့ သားကောင်းရတနာလေး တစ်ယောက်ပါ။ မကျန်းမာတဲ့ အမေအတွက် ဆေးဝါးခကို ငှဲ့ပြီး ကာကွယ်ဆေး မထိုးခဲ့မိလို့ မကြွေသင့်ခင်မှာဘဲ ကြွေခဲ့ရပါတယ်။ ကိုယ်ထူးကိုယ်ချွန် အမြဲ ကြိုးစားတတ်ပြီး သူများ အကူအညီကို သိပ်လက်မခံတတ်တဲ့ ငယ်သူငယ်ချင်းကြီးကို သတိတရ ရှိလှလို့ သူ ကျနော့်ဆီ ရေးခဲ့တဲ့ စာတွေကို အမှတ်တရ မှတ်တမ်းတင်ပေးလိုက်တာပါ။ စိတ်မကောင်းစရာတွေ မရေးချင်လို့ သူ့ရဲ့ ကပ်သီးကပ်သပ် စာတွေပဲ ပြုံးပျော်မိအောင် တင်ပြပေးလိုက်ပါတယ်။

အားလုံး ပျော်ရွှင်နိုင်ပါစေ …………………….

ပီကေရဲ့ ဧည့်ခံပွဲလေး

လည်လည်လာကြတဲ့ သယ်ရင်းများ အားလုံး အတွက် ဟိုဟာကို ဂုဏ်ပြုသောအားဖြင့် ကော်ကော်တိုက်ချင်စိတ်လေး ပေါက်လာတယ်ဗျာ။ အားလုံး ပျော်ပျော်ပါးပါး လွတ်လွတ်လပ်လပ်နဲ့ သောက်ချင်သလောက် သောက်လို့ရအောင် Vending Machine လေး ထားပေး ထားပါတယ်။ ကြိုက်သလောက် သောက်လို့ရအောင် အကြွေလည်း လိုသလောက် ပေးထားတယ်နော်။ ဧည့်သည်များတော့ ကိုယ်တိုင် ဧည့်မခံနိုင်တာ ခွင့်လွတ်ပါနော်။ ကိုယ်တိုင်ယူ စနစ် (Self-service) လေးနဲ့ ကော်ဖီကို အပူကြိုက်ကြိုက် အအေးကြိုက်ကြိုက် ရွေးသောက်သွားကြပါ။ ဒီကော်ဖီစပ်တဲ့ ဖော်မြူလာကို တောင်အမေရိက ကနေသယ်လာတာဆိုတော့ အရင်သောက်ဖူးတဲ့ ကော်ဖီနဲ့ မတူတာတော့ အမှန်ပဲဗျို့။ သောက်ပြီးရင် ကြိုက်မကြိုက် မိုက်မမိုက် ပြောခဲ့ဦးနော်။ ကောင်းရင်လည်း နေ့တိုင်း လာသောက်ပါ။ အဖော်လည်း အများကြီး ခေါ်လာလို့ ရတယ်လေ။ ကဲကဲ မှာတမ်းချွေနေတာနဲ့ ကော်ကော်သောက်ရတော့ဝူး။ အခုအချိန်က စပြီး အစားအသောက် အစီအစဉ် စပါပြီ ခင်ဗျားးးးးးး။ (ဖျောင်း … ဖျောင်း …. ဖျောင်း ….. ဖျောင်း)
မှတ်ချက် – ဘာကို ဂုဏ်ပြုလဲ မမေးပါနဲ့။ တိုက်ချင်လွန်းလို့ အကြောင်းပြလိုက်တာပါ။


အကယ်၍ အဆင်မပြေရင် ဒီမှာ ကလစ်နှိပ်ပြီး သွားရောက် သုံးဆောင်ကြပါ ခင်ဗျား။

Special thanks to my friend, Ma Moe, for sharing this amazing file.

စကားလုံး အသုံးအနှုန်းများ ( မျှ၊ မဆို )

အသုံးအနှုန်း အစဉ်အလာအရ ဆိုလျှင် `မည်သည်´ `မည်သူ´ တို့ကို `မျှ´ နှင့်တွဲလျှင် ဆိုင်ရာကြိယာ၌ `´ ထည့်၍ သုံးတတ်ကြသည်။
ပုံစံများမှာ –
မည်သူကိုမျှ မပြောကြနှင့်။
မည်သည့် လက်ထက်တွင်မျှ မကြားစဖူး။
မည်သည့်အခါမျှ တိမ်းစောင်းခြင်းမရှိ။
မည်သူမျှ မအောင်မြင်။
မည်သည့်ဆရာထံသို့မျှ မဆည်းကပ်။

အကယ်၍ `မျှ´ ကို မသုံးဘဲ၊ `မဆို´ ကို သုံးလျှင် `မဆို´ ၌ `´ ပါပြီး ဖြစ်၍ ဆိုင်ရာ ကြိယာ၌ `´ ထည့်ရန်မလို။
ပုံစံများမှာ –
မည်သူမဆို ထီးနန်းနှင်းလေ။
မည်သူမဆို အလိုရှိသမျှ ပေးလော့။
မည်သည့်အချိန်တွင်မဆို ထွက်နိုင်ဝင်နိုင်သည်။

အရေးရောတတ်သော အသုံးအနှုန်းမှာ `မ၀င်ရ´ ဟူသော အသုံးအနှုန်းမျိုးဖြစ်သည်။
အချို့က `မည်သူမဆို မ၀င်ရ´ ဟု ရေးတတ်ကြသည်။ မသင့်ပါ။ သုံးရိုးသုံးစဉ်မှာ `မည်သူမျှ မ၀င်ရ´ ဟု သုံးရပါသည်။
အကယ်၍ အတားအမြစ်မရှိ၊ လူတကာကို ၀င်စေလိုသော သဘောဖြင့် သုံးလိုပါက `မည်သူမဆို ၀င်နိုင်သည်´ ဟု သုံးရပါသည်။
ဘုရားစောင်းတန်း အချို့တွင် `မည်သူမဆို ဖိနပ်မစီးရ´ ဟု ကြော်ငြာကပ်ထားလေ့ ရှိပါသည်။ ရေးနှုန်းမသင့်ပါ။ မည်သူတစုံတယောက်မျှ ဖိနပ်စီးခွင့်မပြုသော သဘောဖြစ်၍ `မည်သူမျှ ဖိနပ်မစီးရ´ ဟုသာ ရေးသင့်ပါသည်။
အကယ်၍ ဆန့်ကျင်ဘက်သဘောဖြင့် `မည်သည့်သူ ဖြစ်ဖြစ် ဖိနပ်စီးခွင့်ပြုသည်´ဟု ရေးလိုပါက `မည်သူမဆို ဖိနပ်စီးနိုင်သည်´ ဟု ရေးနိုင်ပါသည်။ အကယ်၍ စီးခွင့်မပြုသည်နှင့် တနည်းရေးလိုသော် `မည်သူမဆို ဖိနပ်ချွတ်ရမည်´ ဟု ရေးနိုင်ပါသည်။
မှားတတ်သော အသုံးအနှုန်းများမှာ အောက်ပါအတိုင်း ဖြစ်ပါသည်။
မည်သူနှင့်မဆို ငြင်းခုန်ခြင်း မပြုကြပါနှင့်။
မည်သည့် ပုဂ္ဂိုလ်ကိုမဆို ရာထူးနှစ်ဆင့်တိုးမပေးရ။
မည်သည့် အလုပ်ကိုမဆို ကိုယ်တွေ့မလုပ်ဘဲ နားမလည်နိုင်။
မည်သူမဆို ငါ့ထံမရောက်လျှင် ငါ့တပည့်မဖြစ်နိုင်။
မည်သည့် လျှောက်လွှာများကိုမဆို အကြောင်းမရှိဘဲ မပယ်နိုင်။

သင့်သော အသုံးအနှုန်းများမှာ အောက်ပါအတိုင်း ဖြစ်ပါသည်။
မည်သူနှင့်မျှ ငြင်းခုန်ခြင်း မပြုကြပါနှင့်။
မည်သည့် ပုဂ္ဂိုလ်ကိုမျှ ရာထူးနှစ်ဆင့်တိုးမပေးရ။
မည်သည့် အလုပ်ကိုမျှ ကိုယ်တွေ့မလုပ်ဘဲ နားမလည်နိုင်။
မည်သူမျှ ငါ့ထံမရောက်လျှင် ငါ့တပည့်မဖြစ်နိုင်။
မည်သည့် လျှောက်လွှာကိုမျှ အကြောင်းမရှိဘဲ မပယ်နိုင်။

ထူးခြားချက်တစ်ခုမှာ အောက်ဆုံးစာကြောင်းတွေ မှားတတ်သော အသုံးအနှုန်း၌ လျှောက်လွှာများဟု ထည့်သွင်းရေးသားခြင်း ဖြစ်ပါသည်။
`မည်သူ´ `မည်သည့်´ စသော အသုံးအနှုန်းများ၌ `မဆို´ နှင့် `မျှ´ ကို သုံးရာ၌ `များ´ သုံးလေ့မရှိကြောင်း သတိပြုသင့်ပါသည်။
ပုံစံမှာ –
မည်သူများမဆို ဖိနပ်စီးနိုင်သည်။
မည်သူများမျှ ဖိနပ်မစီးရ။ ဟူသော အသုံးအနှုန်းများ ဖြစ်ပါသည်။
ထိုကြောင့်ပင် `မည်သည့် လျှောက်လွှာကိုမျှ အကြောင်းမရှိဘဲ မပယ်နိုင်´ ဟူ၍ `များ´ ကို ဖြုတ်၍ ရေးသားရပါသည်။


ယိုင်တိုင်တိုင် အတွေးများ

လျော့ရဲရဲ အပြုံးတွေနဲ့ ခပ်ရိရိ လောကကြီး။ (ငိုပြနေဦးမယ်)
ချိနဲ့နဲ့ ခြေလှမ်းတွေနဲ့ အလည်လွန်တဲ့ မျှော်လင့်ချက်။ (ပျံသန်းပစ်လိုက်မယ်)
စိမ်းရွှင်ရွှင် အကြည့်တွေနဲ့ ခပ်ကျဲကျဲ ခွင့်လွှတ်ခြင်း။ (လက်စားချေနေတယ်)
စပ်ဖြီးဖြီး အမုန်းတွေနဲ့ ခပ်တည်တည် ဖော်ရွေမှု။ (ကျင့်သုံးကြမယ်လေ)
စင်းလုံးချော အပြစ်တွေနဲ့ ရောင်စုံခြယ် ကိုယ်ချင်းစာတရား။ (ကြင်နာကြပါစို့လား)
အရှုံးပြ နှလုံးသားနဲ့ ခပ်ပေါပေါ သစ္စာ။ (ရယ်မောနေလိုက်တယ်)
ခပ်ပျစ်ပျစ် ဟန်ဆောင်မှုနဲ့ အဖာတစ်ရာ ကရုဏာ။ (သနားပါတယ်နော်)
ဆန်းသစ်တဲ့ မနက်ဖြန်နဲ့ ခေါက်ရိုးကျိုးနေတဲ့ အချိန်တွေ။ (အား မွေးထားတယ်)
ပျိုမျစ်တဲ့ အရှုံးနဲ့ တိုက်စစ်မှူးလေး နောင်တ။ (ယစ်မူးကြဦးစို့)
ရိုးတိုးရိပ်တိတ် ပွင့်လင်းမှုနဲ့ မုံယိုနေတဲ့ သမာဓိ။ (အပို ဆောင်ထားကြပါ)
ပေါ့ပျက်ပျက် ဒေါသနဲ့ ခက်ထန်တဲ့ အကြင်နာတရား။ (ယမယ်မရှာပါနဲ့)
မှုန်ဝါးဝါး အနာဂတ်နဲ့ စူးရှနေတဲ့ ထိုင်းမှိုင်းမှု။ (ခဏ နားသွားပါဦး)
ဖျော့တော့တော့ စေတနာနဲ့ ရင့်မာနေတဲ့ နူးညံ့မှု။ (ဒါ … အချစ်လား)
ရီဝေေ၀ မေတ္တာနဲ့ ရှိုးတိုးရှန့်တန့် အတ္တ။ (လက်ဆောင်ပေးခြင်း သည်းခံပါ)
ရှုပ်ရှပ်ခပ် တည်ကြည်မှုနဲ့ သိက္ခရှိရှိ ရူးသွပ်ခြင်း။ (သနားကြပါ …)

နားမလည်ဘူးဆိုလည်း စိတ်မပျက်ပါနဲ့။ ကျနော် ကိုယ်တိုင် နားမလည်လို့ပါ။
မဖြစ်နိုင်ဘူးလို့လည်း မတွေးလိုက်ပါနဲ့။ တွေးဖို့ မဖြစ်နိုင်လို့ပါ။
အူကြောင်ကြောင်လို့လည်း မထင်လိုက်ပါနဲ့။ မောသွားမှာ စိုးလို့ပါ။
ဖတ်မိတာ ရူးချင်ချင် ဖြစ်သွားပြီလို့ မပြောလိုက်ပါနဲ့။ ကျနော်လည်း ဂယောင်ချောက်ချား ဖြစ်နေလို့ပါ။

ပီကေမှ ပစ်စလက်ခပ် တွေးထားသည်။